95-МӖШ ЮРӐ
Чӑнлӑх ҫути ҫуталнӑҫемӗн ҫуталать
(Ытарӑшсем 4:18)
1. Мессия ҫинчен авалхи пророксем
Йӑлтах ӑнланма ӗмӗтленнӗ.
Ҫӑлмашкӑн пире вӑл кӗҫ килӗ тесе
Святой сывлӑш урлӑ пӗлтернӗ.
Ак ҫитрӗ ҫав вӑхӑт, Христос халь Патша —
Куратпӑр ҫакна уҫҫӑнах.
Иегова ҫак вӑрттӑнлӑха уҫасса
Ангелсем кӗтсе тӑнӑ пайтах.
ХУШСА ЮРЛАМАЛЛИ
Сукмак пирӗн — шуҫӑм ҫути пек:
Паян ҫуталсах вӑл пырать.
Турра питӗ тимлӗ итлетпӗр,
Вӑл чӑнлӑх ҫулне кӑтартать.
2. Иисус Ҫӳлхуҫамӑр апат вӑхӑтра
Парать пире хӑй чури урлӑ.
Халь чӑнлӑх ҫути ҫутӑрах кунсерен,
Тӗпрен улшӑнать пирӗн пурнӑҫ.
Тӗп-тӗрӗс те такӑр халь пирӗн сукмак,
Ҫӳретпӗр куллен ҫутӑра.
Ҫак ҫулшӑн эпир пархатарлӑ чунтан
Чӑнлӑха уҫакан чӑн Турра.
ХУШСА ЮРЛАМАЛЛИ
Сукмак пирӗн — шуҫӑм ҫути пек:
Паян ҫуталсах вӑл пырать.
Турра питӗ тимлӗ итлетпӗр,
Вӑл чӑнлӑх ҫулне кӑтартать.
(Ҫавӑн пекех 1 Петр 1:12; Рим 8:22; 1 Кор. 2:10 пӑхӑр.)