Ccangkunaw ccang 4

Setan soh a hung mou?

Setan hynh paw kya te mou yn thua. (1, 2)

Ccung ccaw hynh paw te mou yn ling. (3-7)

Setan hynh paw cce mou dou lang accang? (7)

1. “Maanah” ci paw sui lang tu ccung ccaw lu kheih kong hyn bya ho te the thya sa tu cipaw nynh thua. Seitan ci paw sui lang tuh raw paw (or) raw se tu ci paw nynh thua. Tuh e hae tuh Pachia a raw se haepaw minphu paw nynh thua. Ata kaw tuh accing paw lukheih nynh thua. Vaw lang Pachia kya la ung bua paw, nya lang vae tuh amaw te amaw hang sah kuh zah Pachia kya lya mue lang ccang paw beih paw kha mue ary.—Matu 4:8-10.

2. Setan acih kuh paw vaw paw lukheih tuh hu paw kha mang zah Evua kya bya la ho. Evua nynh Pachia kaw ngae nang sah cite alah hynh pya kho. Tuh cih tuh te Pachia cco zah (or) a hang huapaw abawithua naw kha adou. Pachia nynh pe lang ccang tou ccang khyh tou. Ccang ccaw hae e langhoi naw ung ve ung khyh ve cite rary mamaw alah ung sah hae. Tuh te aci kei ccu ze Setan tuh amaw te amaw Pachia raw lang la rae ku. Tu kei ccu ze Setan, maanah cite min ala hoi.—Genesis 3:1-5; Job 1:8-11; Bia­thlam 12:9.

3. Ccung ccaw hae nynh yn beih hae sah cite setan nynh la zua ku. (2 Korin 11:3, 14) Ccung ccaw yn ling naw zia tuh ame lei paw beih naw bu nynh thua. Beih­naw bu ccang kheih hynh hyn bya te ccang pya lang hae ze setan a enaw phe tung. (Zan 8:44) Ame lei paw beih­naw lung khu e abu hae nynh ame paw Pachia nynh kae beih cih hae slaze mah thang ccang te tuh setan nynh a beih hae. Setan tuh ‘lae phi uktu pachia nynh thua.’—2 Korin 4:4.

4. Setanthya haw naw ci kuh paw hynh amaw kuih klang te kho naw lang amang paw zia ccang kheih nynh thua. Mih ming nynh muih saw hae kote mih maw khung ku kho naw lang thua sah, ming ae vaw saw pyanaw lang thua sah, malang a cih kuhlang paw ho kho naw thua sah, ngae ang naw lang sahkho naw lang raekhonaw apya hae. Setan tuh e hae blyng nuh lanng khe nynh zya are ku. Pachia lung tung ary paw nynh setan thya haw naw hynh mahzi ccang ku lei lang zah mang lei lang.—Deuteronomy 18:10-12; Zuitu 19:18, 19.

5. Setan nynh min phun hangthung nawte rang sung sah naw lungthin yn hoisah. Abang ccung ccaw nynh amin phun, arang or min phun ccangpaw, mih lae rang lae ze ahang hua oh cite lei tua ku hae. Thua sla mah tuh etuh mee khyh. (Zuitu 10:34, 35) Ccung ccaw abang nynh piatccana dae sah lang rang uktu hae leih do lia ku hae. Tuh e ci sah naw liate Pachia penaw avua hae. Pachia penaw rou nynh piat cca na miakaw yn dae sah pakho cih.—Denia 2:44.

6. Setan ling naw zia ccang kheih tuh seinaw rae ry naw lungthin hoi hae sah ci yn ry. Sei naw zia zae tuh ahang lang hoi khyh tuh kei ccu ze sungkuh oh cite Pachia nynh yn taw. (Kalati 6:7, 8) Abang ccung ccaw nynh mih maw hawte ahoi lei paw ziazae rae bua hae sah ci yn ry cih hae. Ynrae sah ry ccah ccing paw tuh setan nynh thua ci paw ning nang.​—1 ​Korin 6:9, 10; 15:33.

7. Setan nynh vawsaw riathae (or) raw senaw mangte Zahova te phia ku lang ae tuh ou cih. Baebu na ccang ku kei ccu ze nasung sah tou lou paw na bang nynh mat thin ae ria nua cih. Ming ccang paw nynh mah ae sah rya mah ming cih. Nang na hing naw hang lang hung kya mou lae na ung. Zahova kong ccang kuh nang vae sah cite setan nynh ae hucih. Setan tae sah kuhnang. (Matu 10:34-39; 1 Peter 5:8, 9) Nang nynh setan na dou naw liate Zahova a lung na paw sah zah. A uh naw acco zah thoh na khan cipaw na lang sah.—Phungthlukbia 27:11.

[Hmanthlak biu 9]

A meelei paw Beihnaw, Setan thyahaw nawte minphun sungsah naw lungthin hoihae sah cite ccung ccaw hae leih ling hae

[Hmanthlak biu 9]

Zahova akong pei ccangku naw liate setan kha dou tua