Zahova A Zynpaw Rahab

Langmaw lya e Zeriko khua kya athua oh cite nae mihmae vawkya ung sah ku tua oh. Zeriko khua tuh Khanaa rang ze ale hua paw khua nynh la thua. Tuin kya la ung hae paw ccungccaw hae tuh Zahova kha la zyng khyh hae. Rahab mah tuin khua kya nynh la ung bua.

Mawsi nynh rili se kha ccangning lang aphia sa ku cipaw te Izip rang kyate mah Israel hae kha ala khung hae cipaw a dihtaraw lya ze a la thae boi. Zahova nynh pangkhae haeza raw hae khamah ala tae hae cipaw mah a la thae boi. Atumah Israel hae tuh Zeriko khua pe nynh a ung hae cipaw bua athae vae!

Zete kheih tuh, Israel ccungccaw luhning Zeriko khua kha a phi te yn do i vae hae. Kha e luhning hae kha Rahab nynh a inn lang a ko hae. Zeriko khualang yn do i hae paw kha Rahab inn kya nynh a unghae cipaw Zeriko siapharang paw nynh zete maw khe phe any vae. Tetuh kyng sahlang ccungccaw hae kha a saw vae hae. Rahab nynh do i hae kha inn ccukaly lang a kae sah hae. Siapharang paw nynh asaw hae paw ccungccaw hae he ynthua hae tuh do i hae khaso teikya mou a ung hae cite Rahab kha a khia vae hae. Rahab nynh: ‘Thua tuh mang ynthua hae, atumaw khe nynh a pou hae, nah dehui ohze tuh nah pha kho ung cih oh’ cite a khong hae! Pawcce Rahab nynh do i hae kha a thungkhaw hae na nyh oh tou?— Zahova a zyn keiccu te Zahova nynh Khanaa rang tuh Israel hae a pya vae hae pawcipaw mah a ny keiccu nynh thua.

Do i hae nynh inn kya te a pou maw hae ze Rahab kha bya akin sya hae. Zeriko khua aro zema nae innbyng tuh luenaw na mue cih oh a cipya hae. Thuasalama Rahab kha pawmou a tawsya hae?— ‘A se paw zorui hynh thanglang-aw kyakhe na sae ci, tezetuh na mawte na innbyng hae tuh lue naw na mue cih oh’ cite do i hae nynh a cipya hae. Pawmou yn cikuh vae na nyh oh tou?—

A romaw ze, Israel ccungccaw hae nynh Zeriko khua pi tuh yn ccia nua vae hae. Ninkheih ze seekheih nintaruh cia a voi hae. Ninsari nawpaw vae tuh seesari a voi vae hae. Roi phe a ccae theihlang te a sia hae tuh Zahova Pachia nynh hohung tuh pung ating sah vae. Thuasalama ase paw zorui a sae kupaw Rahab inn tuh ting bua khyh! Tuh e inn tuh azuh kya na muih oh tou?— Rahab te a innbyng hae tuh chii leite luenaw a mue hae!

Rahab kyate pawmou lawku langpaw a ung?— Zahova nynh ngae ang naw a rae paw kha athae tuh Rahab nynh a zyn vae. Zahova nynh ngae ang naw a rae paw kyate hawnaw patae a law ku kho bua oh. Nang ning so Rahab hawte Zahova na zyn bua oh tou?— Zahova na zyn bua oh cipaw mang ka zyn!