Ccangkunaw ccang 3
Zisukri soh a hung mou?
Zisukri hynh Pachia ccah taw ccaw cite paw cce ko a thua? (1)
Paw cce mou bya cite soh ko a thua? (1)
Ccung ccaw luh kheih langte laephi vaw lang hin paw cce mou yn thua? (2-4)
Paw cee mou ngae ang naw aphun phun arae? (5)
nae vae paw a mah lang kya zisu paw mou yn ci pah cih? (6)
1. Zisu hynh lae phi vaw yn thua maw ze muih saw pyng te vawlang khua phe la ung paw vae. A maw tuh Pachia nynh kou a rae ty paw a thua kei ccu ze Pachia ccah taw ccaw cite ko athua. (Kolose 1:15; Biathlam 3:14) Zisu tuh Pachia ccah ccei nynh rae paw lu kheih ke le paw ccah paw nynh thua. Zahova nynh vaw te lae phi tyn re arae naw kya ze ccung ccaw lang yn tang maw ze rya lah’ tu hae luu lang arae. (Phungtklukbia 8:22-31, NW; Kolose 1:16-17) Pachia nynh a maw kha aba ho tu lang a la mang. Tukei ccu ze zisuh tuh “Bya” cite ko a thua.—Zan 1:1-3; Biathlam 19:13.
2. Pachia nynh amaw ccah paw hing naw Kha Meri vue lung khu lang nue zah lae vaw lang hing yn saw. Tu kei ccu ze Zisu tuh lae phi vaw paw hoi khyh. Sei naw te ccing lei naw ro ccou kho khyh. A kong ccang 3 kei ccu ze zisu tuh Pachia nynh lae phi vaw lang yn saw. (1) Pachia te a se kuh paw ame paw kong ae ning ccang pya lang (Zan 18:37) (2) A zui lang oh paw a ccing paw zyn tyn naw rae lang 1 Peter 2:21 te (3) Ae ning sei naw te chi naw kya te lue khy lang ahing naw pun kha si thoi naw lang. Paw cce si thoi aho oh.—Matu 20:28.
3. Pachia kaw bya angae khyh kei ccuze ccang kheih naw Adam tuh seinaw ala rae. Tukei ccu ze amaw tuh Pachia nynh a chi sah. (Genesis 3:17-19) Tuh e paw tuh Pachia haw te a ccing kho vae khyh kei ccu ze bya bya yn taw zah a chih vae. Adam nynh yn mue sah bua vae. Tu kei ccu ae ning mah taw naw cci haw naw chi naw amue vae oh. Ccung ccaw hynh paw cih te mou khung naw mue lang.—Rom 3:23, 5:12.
4. Zisu tuh adam hawte a ccing paw lu kheih nynh athua. Thua sla zemah Adam te aco ku khyhnaw hae tuh a zoi lei paw naw kha accing paw pyng ahing naw kha si thoi naw lang apya kho naw paw athua. Adam ci hang miakaw sei chinaw kya te lue kho athua vae. Zisu a zyn paw mia kaw blyng tuh a seinaw ngae chya thua zah zungzae a hing kho vae cih.—1 Timote 2:5, 6; Zan 3:16; Rom 5:18, 19.
5. Zisu lae vaw la ung lya ze a dang lei paw mia kaw dang sah hae zah avue law paw loh dang hae zah khih se cia adae sah. A chih hae paw mah atho sa thui hae. Paw cce mou e ngae ang naw hynh arae. (1) vaw saw naw amue paw miakaw ngae chya ung sah hae zah bung ary hae. (2) Ngae ang naw arae paw tou lou nynh amaw tuh Pachia ccah paw ci paw a lang sah. (3) Amaw nynh laephi yn pe vae ze, kaw ngae paw ccung ccaw mia kaw e lang hynh haw te yn ci pah cih cite ny kho naw long nynh thua.—Matu 14:14; Marka 2:10-12; Zan 5:28-29.
6. Zisu tuh chih zah Pachia nynh muih saw ccung ccaw lu kheih lang te thosah thui zah vaw lang bua akae sah. (1 Peter 3:18) Tuh e ccyh kou te tho zah Pachia nynh singpahrang lang atang sah. Zisu nynh lae vaw e ahoi lei paw ria thae vaw saw naw mia kaw blyng aro maw ze pung yn roh pah vae cih.—Sam 37:9-11; Phungthlukbia 2:21, 22.
[Hmanthlak biu 7]
Zisu nynh phung yn ccang pya, ngae ang naw yn rae pya pia ze ae ning hanglang a hing naw pyng khah sithoi naw lang yn pya pya