Ccangkunaw ccang 8

Pachia lung ry tung hae paw innbyng

Innbyng lung khu ze pih se hae rya law paw mou? (1)

Pihse nynh azu hynh paw te mou a vaeccaw cih? (2)

Paw lu kheih nynh paw tae vue mou ahoi? (3)

Inn byng lung khu noh pi hae rya law paw mou? (4)

Nung paw thua sah, ccah nung ccah paw thua sah, Pachia nynh paw rya law sah mou yn ry? (5)

Phia ku, myo ku Baebu muih naw paw cih te mou? (6, 7)

1. Baebu nynh pihse hae tuh inn byng luu nynh thua aci. (1 Korin 11:3) Pihse nynh zu lu kheih rou nynh ahoi cih. Upadi thyh te ung kheih naw rae lang ccang.—1 Timote 3:2; 1 Titas 3:1.

2. Avaw paw nynh azu kha amaw pyng hawte asung sah cih. Zisu nynh azuitu hae avae ccaw hae hawte avae ccaw cih. (Efesa 5:25, 28, 29) Azu zia lang, tazae lite mah zi cih lang khyh. Azu kha saw atua cih zah khing aung sah cih.—Kolose 3:19; 1 Peter 3:7.

3. Paw lu kheih nynh a inn byng hae zua ku naw te ado a oih cih hae. Azu accaw hae e lang ae, nia, ung naw, khua akhan pah cih hae. (1 Timote 5:8) Pachia enaw kong lang any bua kho naw lang hae. A inn byng hae aho pah cih hae.—Deuteronomy 6:4-9; Efesa 6:4.

4. Zu lukheih avaw paw bungtu hoi paw lang tanga zua kuh cih. (Genesis 2:18) Ccaw hae ccangpya naw elang mah avaw paw kha a bung cih. (Phungthlukbia 1:8) Zu lu kheih nynh a inn byng hae kha sung sah thaw cci naw te do oih lang Pachia nynh a ngia. (Phungthlukbia 31:10, 15, 26, 27; Titas 2:4, 5) A zu nynh avaw paw saw atua cih.—Efesa 5:22, 23, 33.

5. Ccaw hae nynh nung paw bya ngae lang Pachia nynh a ngia hae. (Efesa 6:1-3) Nung paw nynh ccaw hae athui hei cih hae. Nungte paw nynh ccaw hae kha accan pya te Baebu ccang pya lang hae. Muih saw lang te ma pyng saw lang temah le sa thung hae aho. (Deuteronomy 11:18, 19; Phungthlukbia 22:6, 15) Nung paw nynh ccaw hae kha hurih hu raw langte mah zi thui hei lei lang hae.—Kolose 3:21.

6. Zu te vaw nynh ccaw ku naw ung bahsi khyh ze Baebu ccang pya naw kha zui aho cih. Baebu nynh sungsaku naw te ngae ku thya klang yn tuh ou. (Kolose 3:12-14) Ccaw ku khyh keiccu ze phia ku lang ci paw tuh Pachia bya nynh thaw yn pya khyh. Noh pi lu kheih kha avaw paw nynh (1) A inn byng khah rouh abung ry khyh ze (2) ziate bua te chia lang ciate ary lang thuaze (3) Zahova khah rouh beih nang sah ci ciate araw selang ze, accangte ung lang apo kuh kho.—1 Korin 7:12, 13.

7. Zu te vaw nynh zyn atung klang cih hae. Mih lae zu mih lae vaw kya seinaw tuh Pachia nynh ry khyh. (Hebru 13:4) Inn byng nynh zu te vaw sei naw arae ze na phia kuh kho oh Baebu nynh aci. (Matu 19:6-9; Rom 7:2, 3) Baebu kaw lei te zu te vaw phia kuh hae zah ming ccang paw te zu vaw lang bua a tang paw ccang ccaw tuh Zahova nynh hua mawte ahua. —Malakhi 2:14-16.

[manthlak biu 16, 17]

Nung paw nynh ccaw hae ccang pya lang thuihei lang ary

[manthlak biu 17]

Sung sah kunaw ahoi paw paw nynh a inn byng hae hanglang pyng saw te muih saw hanglang khua akhan cih