Ccangkunaw ccang 14

Zahova ccae ccei hae bu rae naw

Atu see e Zahova ccae ccei hae hynh hoh tuh ccyh te mou he yn tho takaw? (1)

Zahova ccaeccei hae nynh pawte mou leih pungku hae? (2)

phua so paw kya emou amue hae? (3)

bubu kheih tahkyh ahung hae nynh mou leih ccia khae hae? (4)

Kumta kyh paw civui mou leih tua hae? (5)

Mih head quarter temih Branch kya paw rya mou leih law hae? (6)

1. Atu see e Zahova ccae ccei hae hynh 1870 kumte yn tho zah vae kheih naw tuh Baebu siaimua hae cite min laphu kuh hae. Thua slamah 1931 kum tetuh Zahova ccae ccei cite Baebu kya e hawte min bua laphu ku hae. (Isaiah 43:10) E butuh dihtaraw paw kyate tho zah rang 230 lae kya phung ho te rang patae lang yn lungthung.

2. Zahova ccae ccei bu kya naw kheih ze pung ku vae thung aung. (Hebru 10:24, 25) A ccangku hae paw tuh Bae­bu kya e. Mi pungku tuh saw sangte tho hae zah athang sah hae. Pungkunaw kya Baebu law kha lungtho te asah hae. (Efesa 5:18, 19) Ala kaw te pung ku kho a thua. Phua khoi ung khyh.—Matu 10:8.

3. Bu ta kyhte penaw pung ku naw inn kya nynh leih pungku hae. Ccae ccei hae ta kua nynh lungtho te asah hae paw, huataw inn kya nynh a lung hua tuh leih pung ku hae. Pachia penaw pungku naw inn kyatuh azuh, vaelangtung, Zisukri muihsanglo paw namuih lang khyh. Phua mah meih­maw lung thote ​pyapaw cci nynh thua. A nungry paw hang lang thoh lungkua aung.—2 Korin 9:7.

4. Bu ta kyh kya kriccaw pihccangte lupi be aung. Mihmingtuh bu kye ze ccangpatu ccia khae tu a hoi hae. (1 Timote 3:1-7; 5:17) Pihccang bungtu hae nynh leih bung hae. (1 Timote 3:8-10, 12, 13) E hae tuh abu lungkhu ze hangthung hua hae paw thua khyh. (2 Korin 1:24) Mihmingtuh ryala lang hae min le min sae naw pya hae paw thua khyh. (Matu 23:8-10) Mihming tuh ming hae lae ze alae hualangte uccaw lawku ci ung khyh. Mih rya law me mah mue khyh hae. Pihccang hae nynh abu lungkhu muih saw lang abou ze mihmaw lungthote ado a oih aring hae. Vaw saw amue vae hae ze soih bia haezah aho pya hae.—Zeim 5:14-16; 1 Piter 5:2, 3.

5. Zahova ccae ccei hae nynh ​civuipi civuitaw kum ta kyh atua hae. Tuh e ccyh kya vae ze abu blyng nynh abahpi ​Baebu ccangku khy lang pung leih yn thua hae. Civui ta kyh vae ze zuitu thaw paw hae nynh cuipi leih aing hae.—Matu 3:13-17; 28:19, 20.

6. Zahova ccae ccei hae mih headquarter tuh Newyork khualipi nynh aung. Tuh e khua khe nynh buta kyh lae phi pyngpi lupi ccia khae tu hae aung hae. Lae phi pyngpi Branch 100 lae aung. Branch kya bya leih tu hae nynh Baebuccaw tah rahraw nangte tho hae zah ccung ccaw abung hae. Pawte nynh phung ho lang cipaw mah aho pya hae. A nae hua naw Branch (tha nah khue) klang pae bua lah hoi khyh tou?