Laephi Pyngpi Mibute Mihryalawnaw
RANG 230 laekya ryalahaepaw ccaecceihae ryalawnawhynh ryalawho patuhae asangsangtenynh a-unghae. Ryalaw hopatuhae hynh Broklyn New York Zungpi kyanynh a-unghae. Uktubu haenynh laephipyngpi zung tararaw haeklangkhekumtakyhte Zone overseer asawhae. Zungtaraw takyhkya kawmati luhthungte luhsari cia khanghaepaw a-unghae. Tuh e haenynh mihkuihzakaw e ryalatu luu haekha ryalaw ahopya hae. Zungtaraw abangkyakhe sehkrizapatae a-ung sehkriza lepaw ccah-uh nangnawpaw blyng a-ung. (thanakhue) Zungtaraw ungnawrangkyakhe (District) khazain hae unghaeza, khazain kyakhe (circuit) taihne cite bua aphia hae. Taihne ccangkheihkyakhe khrihccawbu 20 hang a-ung hae. Taihne penaw ccangkheih kya takyhkhe khazain luhkheihnynh bua accung hae. Taihneccangkheih kyakhe kumkheihze civoi vaening a-ung. Taihne luhkheihnynh apenawlungkhu khrihccawbu haekha kumkheihze vaening accung hae. Amawnynh khrihccawbu zakuet lungkhu phunghonaw ryalawkha alawthyanaw langhae abunghae.
Pungkunaw inn ahoi haepaw khrihccawbutuh zakuetkyaphungho tho naw nynhthua. Khrihccawbu ccangkheihkyakhe zakuettararawkha azuhte soihaeza aphiahae. Inntakyhkya ccungccawhaete byahokulang zakuet takyhkya ccaecceilukheihcci taevue apyahae. Bukheihkyaze ccaeccei hae beihtarawte milu 200 cia unghaeza, Ryalaw aphunphun latulangpaw khrihccaw piccanghae a-unghae. Zahova ccaecceihae butuh phunghotu hae luhtakyhte azici. Zungpikya ryalapaw thuasa, Zungtawkya ryalapaw thuasa, bulungkhurya lapaw thuasa, ccaeccei athuapaw miakawnynh Pachia penawkong holang zakuet lang acceih cih.
Mihryalawnaw ccazing haekha mizungpi kalang kyhaeza, aky haepaw ccawhaekha kumtakyh te kumtakyh cca-uh cite bua athohae. January nin (1) ninthopaw rawvianaw cca-uhtakyhkyakhe ccazingpung a-ung. Zahovate accapaw uknaw penawkonghonaw ryalawnaw akingakae ccazingkha kumtakyhte Ee uh (2) kyakhe azeihae. Anuhlang e kum kyakhe kumtakyh tuapaw Zisuchiinin tuathuinawpuai kya ccaecceihaete angaery haepaw ccungccaw 14,000,000 hang apungkuh hae. Zahova ccaeccei haenynh phunghonawlang ccyh amanghaepaw suimilang 1,000,000,000 cihza kumkheihze ccungccahthawpaw 300,000 lae tuipi a inghae. Anehae paw ccawma ccangpung riataelei acih.