Paw Kalang Mah Pang Leite Alaku Ungpaw Asuilang Tuh Pawmou

Zisu nynh a zuitu hae kha ‘laephi kya-e thua khyh’ nawlang a ccangpya hae. (Johan 15:19) Laephi kya-e thuakhyhnaw kya​—nainganzei, rawtuhnaw kya paw kalang mah pang leite alaku ungpaw a pabua. Paw kalang mah pang leite alaku unglang zungzae tuh zoi khyh. Saryanaw a tungkuh kho. Tuhte thua langze alaku ungte Zahova Pachia tungvaw kele nynh zyn ka tyn cipaw pawtemou ah langsah kho oh?

1. Amepaw Khrihccaw hae nynh ccungccaw a ccohzah hae kha pawtemou a muih hae?

Khrihccaw hae nynh a ccohzah kha saw a tua hae. Zisu nynh “Siapharan uccaw hae kha Siapharan kalan pya oh”​—cihte a ci hawte, ram upadi kha kae zui zah ngunto kha kae pya. (Marka 12:17) Zahova kawuanaw keiccu nynh ccungccaw uhtu hae tuh a uh hae paw nynh thua cite Baebu nynh yn ccangpya. (Rom 13:1) Tuhkeiccuze ccungccaw a ccohzah kawhoinaw tuh lori a hoi cipaw kae ny. Ccungccaw piahccahnaa hae phishing nawlang Pachia te vaawlang a Peenaw kele nynh kae ngaehoi kuh.

2. Paw kalang mah pang leite alaku kae ung cipaw pawtemou kae langsah?

Zisu hawte kaening mah nainganzei kya kae pabua khyh. Zisu nynh a cyipaw ngaeangnaw kha a muih hae tuh ccungccaw hae nynh Zisu kha mih siapharan lang a tang nawlang a zuakuh hae. Thuasalama Zisu nynh a la ccuetaw hae. (Johan 6:15) Pawccemou? Nyalang ccyh kya Zisu nynh “Ka Peenaw tuh hynh-e laephi kya-e thua khyh” cite a ci. (Johan 18:36) Zisu zuitu kae thuapaw kaening mah paw kalang mah pang leite alaku kae ung cipaw kha aphuinphuin te kae langsah. Tousenaw langze, rawtuhnaw kya kae teebua khyh. (Mikah 4:3 kha ria.) Alan (flag) cita hawpaw​—ram syntawnaw hae kha saw kae tua zemah​—kae beih khyh. (1 Johan 5:21) Nainganzei party kha thuasah party hanglang ryalahtu hae kha thuasah thohkhangpaw, doupaw kae cyih khyh. E lia hae te nynh Pachia Peenaw tungvaw kele nynh zyn kae tyn​—cipaw kae langsah.

HOUH CCANGKUH LANG HOUH MUIH LANG

3. Amepaw Khrihccaw hae tuh paw kalang mah pang leite alaku a ung hae

Zisu te a zuitu hae nynh aening hanglang dosuinkuh langpaw a la nungsya hae. Rom 13:1, 5-7 te 1 Peter 2:13, 14 kha ria. Tuhkoute, VIDEO kha pia lah akaw lang-e bakhianaw hae kha hokuh oh.

VIDEO: Amepaw Khrihccaw Hae Tuh Paw Kalang Mah Pang Leite Alaku A Ung Hae​—Phianaw 1 (4:28)

• Laephi kawhoitu hae kha pawcce sawtua lang a ccang?

• Mih kaw ah ngae oh cipaw langsakhonaw zia abang tuh pawmou?

Raw tho ccyh kya ram abang nynh paw kalang mah pang leite alaku a ung hae zemah voining maw kha thoh a khang hae. Paw kalang mah pang leite alaku ung cipaw asuilang ccaccing tuh pawmou a thua? Johan 17:16 kha ria. Tuhkoute, VIDEO kha pia lah akaw lang-e bakhianaw kha hokuh oh.

VIDEO: Amepaw Khrihccaw Hae Tuh Paw Kalang Mah Pang Leite Alaku A Ung Hae​—Phianaw 2 (3:11)

• Paw kalang mah pang leite alaku ung cipaw tuh pawmou a ho ry?

Pachia kawbya te arawsekuhpaw cyi lang laephi kawhoitu hae nynh a ngia hae ze so? Locceihtu 5:28, 29 kha ria. Tuhkoute, VIDEO kha pia lah akaw lang-e bakhianaw hae kho hokuh oh.

VIDEO: Amepaw Khrihccaw Hae Tuh Paw Kalang Mah Pang Leite Alaku A Ung Hae​—Phianaw 3 (1:18)

• Ccungccaw upadi te Pachia kawbya a rawsekuh ze a hung kaw mou ngae lang a ccang?

• Paw ccyh hae kyamou laephi kawhoitu hae kha Khrihccaw hae nynh kaw ngae hoo khyh cihte na tua?

4. Tuanaw te cyisanaw kya mah paw kalang mah pang leite alaku ung

1 Johan 5:21 kha ria. Tuhkoute, VIDEO kha pia lah akaw lang-e bakhianaw hae kha hokuh oh.

VIDEO: Amepaw Khrihccaw Hae Nynh Rawthungnaw Hoi Ahoo​—Paw Kalang Mah Pang Leite Alaku Ungnaw Kya (2:49)

• E video kya, Ayenge nynh nainganzei party kya tee khyh nawlang, alan malang beihpaw cita hawpaw minphuin poi hae kya pabua khyh nawlang pawcce bya a paeku?

• A byapaenaw tuh ame cite na tua tou?

Ccangpaw paw ccyh kyamou paw kalang mah pang leite alaku ung lang a ruu kho ung? VIDEO kha pia, tuhkoute akaw lang-e bakhianaw hae kha hokuh oh.

VIDEO: Rawvianaw Kya-e Ccangkunaw Hae​—A Phiakupaw Laephi Kya Paw Kalang Mah Pang Leite Alaku Ungnaw Kha Pou Tynsah (5:16)

• Ram takyh zuenaw poi hae kya pawtemou paw kalang mah pang leite alaku ung kho lang?

• Nainganzei byapaenaw hae keiccuze maw hanglang hoynaw, thyanaw tung lang zemah pawtemou paw kalang mah pang leite alaku ung kho lang?

• Thungpang media te bang hae nynh paw kalang mah pang leite alaku ung lang pawtemou yn ruusah kho?

ADYNGNAWTE

Khrihccaw hae tuh nainganzei te asekuhze tuanaw, byaho, cyisanaw hae kya paw kalang mah pang leite alaku ung lang a zuakuh hae.

Bua Liathuinaw

• Ccungccaw accohzah hae tungvaw paw taevue mou kae hoi?

• Nainganzei kya pawcce paw kalang mah pang leite alaku kae ung?

• Paw ccyh hae kyamou paw kalang mah pang leite alaku ung lang a ruu kho?

HOUH CCUNGCHIH

Paw kalang mah pang leite alaku ung keiccuze paw ruunaw hae mou a tungkuh kho?

Ah Lung Thang Nawlang Zahova Nynh Cyih Khyh (3:14)

Paw kalang mah pang leite alaku ung lang tuh-ounaw tung ccyh hanglang innbyng ryte pawhaemou paccynkuh tou kho lang?

Ccungccaw Patae Te Tuapaw Poi Hae Kya Paw Kalang Mah Pang Leite Alaku Ungnaw Kha Pou Tynsah (4:25)

Maw ram kha thungkhawpaw tuh pawcce a phute huapaw a thua khyh?

“Pachia Hanglang Pawpaw Miakaw Tuh A Cyihkuh Kho” (5:19)

Ryalaw te asekuhte byapaenaw rae vae ze laephi te sekuh leite a ungkukhonaw kong kha tuatua.

“Ccungccaw Miakaw Nynh Maw Phupaw Kha Phukuh Lang” (Rawvianaw, March 15, 2006)