CCANGKUNAW 01
Baebu Nynh Pawtemou Ae Bungkho Cih?
Ccungccaw miakaw nynh hingnaw kong bakhianaw a hoi oh. Pawcce a hing oh, pawcce vawsaw riathaenaw a tung oh, chii vaeze pawlangmou a tang oh cipaw kongte malang hynh pawccemou yncyi kuh cih cipaw kong kha ccungccaw miakaw a ny ry hae. Aelang nialangpaw thuakhyhze innbyng hoysahkho nawlang kha nintakyh te mih lungria a thae. Ccungccaw balyng nynh e a bapi bakhianaw hae aphi kele thualei te hingnaw hanglang hawnaw kha mah Baebu kya a muihku vae hae. Baebu kyate thanenaw muekho lang cite na tua tou?
1. Baebu kya paw bakhianaw hae aphi mou a ung?
Azici paw bakhianaw hae aphi kha Baebu kya a ung: Hingnaw hynh pawtemou yntho? Ccungccaw eenaw tuh pawmou? Pawccemou vawsaw riathaenaw a tung oh? Chii vaeze pawlangmou a tang vae? Ccungccaw miakaw nynh daenaw a ry oh pite rawtuhkunaw hynh pawcce a lung? Laephi hynh malang pawtemou yng cyi kuh cih? Baebu nynh e bakhianaw hae aphi ccunglang thaw ynpya, Baebu aphi keiccuze ccungccaw patae nynh ngae-ngangnaw a mue hae.
2. Nintakyh hingnaw kya lungpaw khonaw lang Baebu nynh pawtemou ynbung kho?
Baebu nynh a hoypaw hawnaw ynpya. Tousenawze, Baebu nynh innbyng hoysah khonaw zia, lungriathaenaw taekhonaw zia te a ryalaw kya lungpaw khonaw zia te asekute hawnaw ynpya. E kong te asekupaw Baebu aphi kha nae ny cih. Ccangkukheit lalia te ny lang haepaw mah a ung ung. “Ccathyaa balyng [Baebu kya a ungpaw miakaw] tuh . . . athanepaw nynh thua” cipaw kha nanaw a ccakho.—2 Timote 3:16.
E ccaw hynh Baebu ccaw hanglang zeipaw thua khyh, Baebu kha namaw te namaw ria lang thaw kae pya. E ccangkunaw hae kya a zeikupaw Baebu hae kha rialah na ccangkupaw konglang hae te khinkhia lang kae tuh ou.
HOUH CCANGKUH LANG HOUH MUIH LANG
Baebu nynh a hingnaw ynkae sahthungnaw, Baebu riaze lungpaw kho naw, Baebu bya kha thaethya kho naw lang yn bungnaw kong kha ccangkuh tua.
3. Baebu nynh aening kha yn hopya kho
Baebu hynh damae te nynh aloku. A hoypaw byapaenaw raekho nawlang, malang hanglang muihkhonaw lang yn ho pah kho.
Sam 119:105 kha ria tukoute e bakhianaw hae hynh tuakhia tua:
Sam ccah-uh zeitupaw nynh Baebu hynh pawtemou a tua?
Nangso Baebu hynh pawtemou na tua?
4. Baebu nynh a bakhianaw hae kha aphi ynpya kho
Nopinung lukheit tuh kum sepi a lungria a thaesapaw bakhianaw hae aphi kha Baebu kyate a ny vae. VIDEO kha pia, tukoute akaw lang-e bakhianaw hae kha hokuh oh.
Video kya-e nopinung nynh paw bakhianaw hae mou a hoi?
Baebu ccangkupaw nynh a maw kha pawtemou a bung?
Baebu nynh bakhia lang thaw yn pya. Matthai 7:7 kha ria tukoute e bakianaw kha hokuh oh:
Baebu kyate aphi nany rypaw paw bakhianaw haemou na hoi?
5.Baebu ria tuh ah lung ynpaw sahkho
Ccungccaw a lunghua tuh Baebu rianaw liate lungpawnaw te thanenaw a mue hae. VIDEO kha pia, tukoute akaw lang-e bakhianaw hae kha hokuh oh.
Video kya-e ngawphue hae nynh ccaw ria paw kha pawtemou a tua hae?
Baebu ccaw hynh pawccemou a ria ry hae?
Baebu bya nynh aening kha yn soihbia zah ngaehoinaw yn hoi sah. Rom 15:4 kha ria tukoute e bakhianaw kha hokuh oh:
Yn soihbia zah ngaehoinaw yn hoisah paw Baebu byaking kha na ry tou?
6. Baebu thaethyanaw lang miccangpaw hae nynh yn bung kho
Baebu hynh lukheit kele riate zawkhyh miccangpaw hae ry te hokuh kheih paw nynh thanenaw ung cipaw kha ccungccaw patae nynh a nyh vae hae. Locceihtu 8:26-31 kha ria tukoute e bakhianaw kha hokuh oh:
Baebu kha pawtemou thaethya kho lang?—Adihpaw 30 te 31 kha dotua.
Ethiopia paw tuh Baebu thaethyanaw lang bungnaw a ho. Atu she ccungccaw patae mah miccangpaw hae ryte Baebu ccangkuh kheih paw tuh thanenaw ung cipaw kha a muih vae hae
CCUNGCCAW ABANG NYNH HO HAE PAW: “Baebu ccangkupaw tuh a ccyh nynh hung a thang hang.”
Nangso pawtemou na tua? Pawccemou?
ADYNGNAWTE
Baebu nynh nintakyh ah hanglang tuanaw hae, azicipaw bakhianaw hae aphi kha yn pya, yn soihbia zah ngaehoinaw yn hoi sah.
Bua Liathuinaw
Baebu kya paw tuanaw mou a muih kho?
Baebu kya paw bakhianaw hae aphi mou a ung?
Baebu kya-e paw kong mou na ccangkuh ry?
HOUH CCUNGCHIH
Baebu tuanaw hae tuh atu she kya pawcce a ccungkia cipaw kha ccangkuh tua.
“Baebu Ccangpyanaw Hae Tuh—Ccyh Takyh Kya Hoinaw Yn Pya” (Rawvianaw No. 1 2018)
Imua lya mawte a thinglung a taekuh kho leipaw lukheit kha Baebu nynh a bungkho naw kong kha ccangkuh tua.
Innbyng hanglang a ccungkiapaw Baebu tuanaw kha ccangkuh tua.
“Innbyng Hoysahnaw Hanglang Phisipaw Bya 12” (Thaekuh! No. 2 2018)
Laephi uhtu paw konglang ccungccaw hae tuanaw hynh mekhyh cipaw Baebu nynh a hopaw kha ccangkuh tua.
Baebu Hynh Pawkiaccumou Ccangkulang Accang?—Video Saepaw (3:14)