CCANGKUNAW 46
Pawcce Pyng Pyaku Te Tuipi-ing Lang A Ccang?
Namaw nynh Zahova kyalya nynh ka beih cih, ka hingnaw kya a rynaw kha masaty lang ka nung cih cite sawsangte bya na kingkuh zah pyng na pyaku. (Sam 40:8) Tuhkoute nynh tuipi na ing. Tuh-e nynh pyng ka pyakuh vae cipaw kha ccungccaw hae malang na langsahpaw nynh thua. Zahova kalang pyng pyakuh lang cipaw byapaenaw tuh azici huapaw byapaenaw nynh thua. Hingnaw kha a rulaesah khopaw e azicipaw byapaenaw rae lang pawnynhmou na lung ae thosah?
1. Ccungccaw lukheit kha pyng pyakuh lang pawnynhmou a lung a thosah?
Zahova ah sungsanaw oh nynh pyng pyakuh lang ah lung yn thosah. (1 Johan 4:10, 19) Baebu nynh hynhte thaw yn pya: “Bawipaw na Pachia kha na thinlung balyn te, na hiinaw balyn te, na tuanaw balyn te, na thawzung balyn te na sungsah cih.” (Marka 12:30) Pachia ah sungsanaw oh kha byaho te thuasah cyisanaw te thuasah ah langsah oh. Liaccaw te ccangvae hae tuh thangccing a sungsahkuh hae keiccuze kuih kyngkuhte a ung kheih hae hawte aening mah Zahova kha ah sungsah oh keiccuze amaw kalang pyng pyaku te tuipi ah ing oh.
2. Tuipi-ing kou vae hae paw Ccaeccei hae hanglang paw hythuanaw hae mou a ung?
Tuipi na ing vae zetuh Zahova a innbyng lukheit lang nae thua vae cih. Zahova sungsakunaw kha aphuinphuin te na mue cih zah Pachia te houh nae naekuh vae cih. (Malakhi 3:16-18 kha ria.) Zahova tuh na Paaw lang hawte a thua cih zah Pachia a sungsah hae paw, nang ae sungsah hae paw laephi pyngpi kya-e unonung unopaw hae te mah innbyng lang hawte nae thua vae cih. (Marka 10:29, 30 kha ria.) Thuasalama, tuipi na ing maw cyi lang a ccang hae paw a ung. Zahova kong ccangkuh lang ahoo. Zahova kha sungsah lang, a Ccapaw kha zyn lang mah ccangkuh lang ahoo. Tuhkoute, Zahova kalang na hingnaw kha pyng na pyakuh cih. E akong hae kha na cyih kou te tuipi na ing kou vae zetuh lungpaw te zungzae hingkhonaw paw langpi kya na thua vae. Baebu nynh hynhte a ci: ‘Aening yn khumpaw tuh Baptisma nynh thua.’—1 Peter 3:21.
HOUH CCANGKUH LANG HOUH MUIH LANG
Zahova kalang pyng pyaku te tuipi-ing lang pawcce azici cipaw kong kha leihla.
3. Hungkhamou beih lang cipaw poku
Langmaw Israel ccungccaw abang nynh Zahova kha beih la liate ame leipaw Baal pachia kha beih lang a zae cite a la tua hae. Thuasalama Zahova nynh tuh-e ame leipaw mih tuanaw kha raethui lang Elijah kha a la saw. 1 Siapharan 18:21 kha ria tuhkoute e bakhianaw kha hokuh oh:
Israel hae pawmou la poku hae?
Israel hae hawte aening mah hungkhamou beih lang cipaw kha poku lang. Luka 16:13 kha ria tuhkoute e bakhianaw hae kha hokuh oh:
Zahova kha beih la liate ccungccaw lukheit tuhkhyhze ccangpaw ccangkhakheit kha pawcce beih lang a zae khyh?
Zahova kha beih lang kae poku cipaw kha pawtemou kae langsah?
4. Zahova nynh a langsahpaw sungsakunaw kha tua
Zahova nynh aening kha a phutepaw lasung patae yn pya. Pachia kha pawmou bua ah pyaru kho oh? VIDEO kha pia.
Zahova nynh na tungvaw a langsahpaw sungsakunaw zia abang tuh pawhaemou? Sam 104:14, 15 te 1 Johan 4:9, 10 kha ria tuhkoute e bakhianaw hae kha hokuh oh:
Zahova nynh ae pyapaw paw lasung hae hanglang mou na lung myarya tua?
E lasung hae keiccuze Zahova te asekuhte pawtemou na ung?
Aening nynh myarya a ry oh paw lasung kha ah mue oh ze yn pyatupaw tungvaw ah lungtuanaw kha ah langsah ry oh. Deuteronomy 16:17 kha ria tuhkoute e bakhianaw kha hokuh oh:
Na hanglang Zahova nynh ae cyi pya hae paw kha na tua vae ze pawmou bua pya rynaw thinlung na hoi?
5. Pyng pyakunaw nynh hythuanaw patae a muesah
Ccungccaw patae nynh min thang langze, ahoypaw ryalaw hoi langze, phua hoi langze tuh lungpaw lang cite a tua hae. Tuh-e tuh ame tou? VIDEO kha pia, tuhkoute akaw lang-e bakhianaw hae kha hokuh oh.
E video kya-e ccungccapaw nynh bawlong sypaw kha myarya a ry zemah pawcce a la vua?
Bawlong sypaw lang thua leite Zahova kalang pyng pyaku lang nynh byapaenaw a la rae. A byapaenaw tuh ame cite na tua tou? Pawccemou?
Zuitu Paul tuh Khrihccaw lukheit a thua maw ahangpaw ryalaw a lahpaw nynh thua. Amaw tuh a minthangpaw sazae lukheit kya Jew upadi thyanaw kha a la ccangkuh. Thuasalama, Khrihccaw lukheit thua nawlang tuh-e hae miakaw kha a la vua. Tuh-e hae hanglang Paul tuh a ngaesikuh tou? Filipi 3:8 kha ria tuhkoute e bakhianaw hae kha hokuh oh:
Paul nynh Khrihccaw lukheit thua nawlang a la vua hae paw kha “athupaw” cite pawcce a ho?
Pawhaemou bua a mue?
Zahova hanglang ryalawpaw te ccangpaw ryalawpaw kha tuakhia tua langze pawtemou ung cih citemou na tua?
Paul tuh Khrihccaw lukheit lang yn tang tuh a vua hae paw laeze patae bua a mue
CCUNGCCAW ABANG NYNH HO HAE PAW: “Pachia kalang mawtemaw pyng pyakuh hoo khyh.”
Zahova kalang mawtemaw pyng pyakuh lang a ccang cite pawcce na tua?
ADYNGNAWTE
Zahova kha sungsanaw nynh pyng pyaku te tuipi-ing lang ah lung yn thosah.
Bua Liathuinaw
Zahova kha pawcce thinlung balyn te sungsah te beih lang a ccang?
Zahova nynh tuipi-ing kou vae hae paw Ccaeccei hae kha pawtemou lasung a pya hae?
Zahova kalang namaw te namaw pyng na pyakuh ry tou?
HOUH CCUNGCHIH
Lawsah thyapaw lukheit te zuenaw thyapaw lukheit Zahova kalang pawcce pyng la pyakuh hae cipaw kha do tua.
Ngawphue Hae Bakhianaw—Ka Hingnaw Kha Pawtemou Ka Mang Cih? —Nuhlang Kong Bua Tua Vae Ze (6:54)
Pyng pyakuh lang a ccangnawpaw ccangpaw akong hae kha tuatua.
“Pawcce Zahova Kalang Pyng Pyakuh Lang?” (Rawvianaw, January 15, 2010)
Zahova kalang pyng a pyakuh hae paw mih lungpawnaw kha e law video kya do tua.
“Pawcce laephivaw kya ah ung oh cipaw ka ny rypaw a saw vae?” cihkuhpaw ccaw kya masaty lang a nung hae paw kha bua a tuakhiapaw nopinung lukheit kong kha ria tua.
“Baebu Ccaw Nynh Hingnaw Hae Kha A Rulaesah Kho” (Rawvianaw, November 1, 2012)