CCANGKUNAW 02
Baebu Nynh Ngaehoinaw Yn Pya
Laephi pyngpi e ccungccaw hae tuh vawsaw riathae naw keiccuze ngaethyanaw, lungvawsawnaw te ccihawnaw leih a tung hae. Nangso tuhta hawpaw na tung boi tou? Ccinaw ccangkhakheit keiccu, na sungsapaw nynh ae chitaw keiccuze na lungria a thaepaw a thua kho. ‘Hingnaw hynh houh yn hoy ung cih tou?’ cite namaw te namaw na khiakuh kho. E bakhianaw aphi tuh Baebu kya a ung.
1. Baebu nynh ngaehoinaw pawtemou yn pya?
Baebu nynh laephi kya piahccahnaa te a bianaw kong kha yn ccaesah pya. Aromaw piahccahnaa miakaw yn roh pah vae cih cipaw thungpang hoypaw kong mah yn ho pya. Baebu byakingnaw nynh “malang ngaehoinaw yn hoi sah.” (Jeremiah 29:11, 12 kha ria.) Baebu byakingnaw hae nynh atu e piahccahnaa hae ngaesang kho nawlang, a hoylang te muihkho nawlang te zungzae lungpaw kho nawlang yn bung.
2. Baebu nynh pawtahawpaw malang kong mou yn hopya?
Baebu nynh malang tuh “chiinaw um vae lan khyh, rawnaw te ccinaw um vae lan khyh” cite yn hopya. (Byaphy 21:4 kha ria.) Ccungccaw hae ngaehoinaw a rosahpaw ryachiccinaw, dingleinaw, ccinaw te chiinaw hae mazi ung vae lang khyh. Baebu nynh ccungccaw hae tuh laephi Paradise kya hoysanaw te zungzae a ung vae cih hae cite bya ynking pya kuh.
3. Baebu byaking zyn kho nawlang pawtemou cyi lang?
Ccungccaw patae nynh malang hoynaw elang ngaehoinaw ahoi hae, thuasalama a ngaehoi hae hawte yn thuakho cih cipaw ccaesah kho khyh hae. Baebu byaking hae tuh tuhte thua khyh. “Ccathyaa te dokhia” langze Baebu byaking hae kha zynkho lang. (Locceihtu 17:11) Baebu na ccangkuh zetuh malang te asekupaw Baebu byaking hae hynh zynlang ung, ung khyh cipaw kha nae nyh thya vae cih.
HOUH CCANGKUH LANG HOUH MUIH LANG
Malang te asekute Baebu bakhianaw abang kha ccangkuh. Baebu kya-e ngaehoinaw nynh atu ccyh e ccungccaw hae kha pawtemou a bung hae cipaw kha dotua.
4. Baebu nynh ryachiccinaw ung leite zungzae hing kho lang cite bya ynking pya
Akaw lang-e Baebu byaking hae kha tuatua. Paw byakingnaw mou na ry hua? Pawccemou?
Akhia haepaw Baebu hae kha ria tukoute akaw lang-e bakhianaw hae kha tuatua:
E Baebu hae nynh paw ngaehoinaw mou ae pya? Na innbyng te na vaeccaw hae soh ngaehoinaw a pya kho hae tou?
Hynhte a cipaw laephi kya unglang cipaw kha namihmae kya langsaku tua
HUNGSANGMAH HYNHTA HAWPAW TUNGVAE LANG KHYH HAE . . . |
CCUNGCCAW MIAKAW HYNHTA HAWPAW YN TUNG VAE CIH HAE . . . |
|---|---|
|
|
|
|
|
|
|
|
|
|
5. Baebu byaking hae nynh hingnaw kha a rulaesah kho
Ccungccaw patae nynh mih pepang e piahccahnaa hae keiccuze mih lung thang zah mih thingria. Abang tuh rulaekukho nawlang thawzung te a zuakuh hae. Ungtu ziazae hae yn hoy hua vae cih cipaw Baebu byaking hae nynh atu yn bung khonaw kong kha khinkhia tua. VIDEO kha pia, tukoute akaw lang-e bakhianaw hae kha hokuh oh.
E video kya paw dingleinaw keiccumou Rafika tuh a lunghoy khyh?
Dingleinaw pei ungzemah Rafika kha Baebu nynh pawtemou a bung?
Baebu kya-e malang ngaehoinaw nynh lungthangnaw doukho nawlang te piahccahnaa hae kha phishing kho nawlang yn bung kho. Phungtangbya 17:22 te Rom 12:12 kha ria tukoute e bakhianaw hae kha hokuh oh:
Baebu kya-e ngaehoinaw nynh atu ccyh kya mah na hingnaw kha houh ae hoysahkho cite na tua tou? Pawccemou?
CCUNGCCAW ABANG NYNH HO HAE PAW: “Malang te asekupaw Baebu byaking hae tuh myarya a hoy.”
Amaw te amaw nynh aphi ccunglang azici cite pawcce na tua?
ADYNGNAWTE
Baebu nynh a hoypaw malangshe a ung cih cite bya yn king pya. E nynh ngaehoinaw yn hoi sah zah runaw vawsawnaw kha ngaesang kho nawlang yn bung.
Bua Liathuinaw
Ccungccaw hynh pawcce ngaehoinaw hoi a ho?
Baebu nynh malang kong pawmou aho?
Malang ngaehoinaw nynh atu ccyh kya pawtemou ae bung?
HOUH CCUNGCHIH
Ngaehoinaw a thawsaenaw zia kha ccangkuh tua.
“Ngaehoinaw—Pawkyamou Na Muih Kho?” (Thaekuh!, April 22, 2004)
Malang ngaehoinaw nynh kum she pi a ccih haepaw a bung naw kong kha ccangkuh tua.
“Kum She Pi Ccinaw Kha Teing Kho Nawlang—Baebu Nynh A Bung Kho Hae Tou?” (Website ccaw)
Video law na do lya Baebu nynh bya yn king paw Paradise kya na innbyng hae ryte hingnaw na hoysahkheit ohpaw kha na mimae kya ung sah kuh tua.
Baebu kya-e malang ngaehoinaw kong yn nyh tuh ccungccaw lukheit yn rulaekunaw kong kha ria tua.
“Laephi Rulae lang Ka Tua Vae Khyh” (Rawvianaw, July 1, 2013)