Khrihccawbuu Pungkunaw Hae Kya Lukheit Te Lukheit Thaw Pyakuh Oh

1. Pungkunaw hae kya pawcce aphi ah pya oh?

အသင်းတော် အစည်းအဝေးတွေ ကျွန်တော်တို့ ဘာကြောင့် တက်ကြသလဲ။ အဓိကကတော့ ယေဟောဝါဘုရားကို ချီးမွမ်း​ဖို့​ပါ။ (ဆာ. ၂၆:၁၂။ ၁၁၁:၁) ခက်ခဲတဲ့ ဒီ​ကာလအတွင်း အချင်းချင်း အားပေးဖို့လည်း ပါတယ်။ (၁ သက်. ၅:၁၁) လက်ထောင်​ပြီး မှတ်ချက်​ပေးတဲ့အခါ ဘုရားကို ချီးမွမ်း​ရာ​လည်း ရောက်တယ်၊ ညီအစ်ကို/မတွေကို အားပေးရာ​လည်း ရောက်တယ်။

2. Pungkunaw lungkhu paw phianaw kya mou aphi a pyakuh kho?

^၂ ပတ်စဉ် အစည်းအဝေးတွေမှာ မှတ်ချက်​ပေး​ဖို့ အခွင့်အရေး​တွေ ရှိတယ်။ ဥပမာ၊ ကင်းမျှော်စင် သင်တန်းမှာ မှတ်ချက်​ပေးနိုင်တယ်။ ကြားရက် အစည်းအဝေးရဲ့ ဘုရားရေးရာ ရတနာ၊ အသင်းတော် ကျမ်းစာ​လေ့လာမှုနဲ့ တခြား မေးဖြေ​ဆွေးနွေးမှု အပိုင်းတွေ​မှာ မှတ်ချက်​ပေးနိုင်တယ်။

3. Aphi pyanawte asekuhte paw ruunaw hae mou a ung kho, Hebru 10:24, 25 nynh pawtemou yn bung kho?

^၃ ကျွန်တော်တို့​အားလုံး ယေဟောဝါကို ချီးမွမ်းချင်ကြတယ်။ ညီအစ်ကို/မတွေကို အား​ပေးချင်​ကြတယ်။ ဒါပေမဲ့ မှတ်ချက်ပေးတာနဲ့​ပတ်သက်ပြီး အခက်အခဲတွေ ကြုံရ​နိုင်တယ်။ မှတ်ချက်​ပေး​ဖို့ ကြောက်​နေနိုင်တယ်။ ဒါမှမဟုတ် မှတ်ချက် ခဏခဏ ပေးချင်ပေမဲ့ သိပ်အခေါ်မခံရတာ ဖြစ်နိုင်တယ်။ ဒီအခက်အခဲတွေကို ဘယ်လို ဖြေရှင်း​နိုင်သလဲ။ ဟီဘရူး ခရစ်ယာန်တွေ​ဆီ တမန်တော် ပေါလု ရေးတဲ့ စာမှာ အဖြေ​တွေ့နိုင်တယ်။ အတူတကွ စည်းဝေး​ခြင်း​ရဲ့ အရေးကြီးမှုကို ပေါလု ပြောပြ​တုန်းက “အချင်းချင်း အားပေးကြပါ” လို့လည်း ပြောတယ်။ (ဟီဘရူး ၁၀:၂၄၊ ၂၅ ကို ဖတ်ပါ။) ကိုယ့်​ယုံကြည်ခြင်းကို ဖော်ပြတဲ့ မှတ်ချက်တို​လေး တစ်ခုက​တောင် အစည်းအဝေး တက်ရောက်သူတွေကို အားရှိစေနိုင်မှန်း သတိရရင် လက်ထောင်​ဖို့ ကြောက်တဲ့​စိတ် လျော့လာပါလိမ့်မယ်။ ဒါမှမဟုတ် ကိုယ်​သိပ်အခေါ်မခံရရင်လည်း တခြားသူတွေ မှတ်ချက်​ပေး​ခွင့် ရလို့ ဝမ်းသာ​ပေးနိုင်တယ်။—၁ ပေ. ၃:၈။

4. E abalu kya paw akong ccangthung mou hokuh lang oh?

^၄ မှတ်ချက်​ပေးမယ့်​သူ သိပ်မရှိတဲ့ အသင်းတော်​လေး​မှာ အချင်းချင်း ဘယ်လို အားပေးနိုင်သလဲ။ မှတ်ချက်​ပေးမယ့်​သူ များတဲ့ အသင်းတော်​ကြီး​မှာ အချင်းချင်း ဘယ်လို အားပေးနိုင်သလဲ။ တခြားသူတွေကို တကယ် အားပေးရာ​ရောက်ဖို့ ဘယ်လို မှတ်ချက်​မျိုး ပေးနိုင်သလဲ။ ဒီဆောင်းပါးမှာ ဒီအချက် သုံးချက် ဆွေးနွေး​သွားပါမယ်။

KHRIHCCAWBUU TARAW KYA LUKHEIT TE LUKHEIT THAW PYAKUH OH

5. Pungkunaw kya ccungccaw a zya ze lukheit te lukheit pawtemou thaw pyakuh kho lang?

^၅ အသင်းတော်​လေး​တွေ​မှာ၊ အုပ်စုတွေ​မှာ မှတ်ချက်​ပေးတဲ့သူ သိပ်မရှိဘူး။ တစ်ခါတလေ သင်တန်းကိုင်သူ တော်တော်လေး စောင့်ပေး​မှ တစ်ယောက်လောက် လက်ထောင်​လာတယ်။ ဒီလိုသာ​ဆိုရင် အစည်းအဝေးက မမြိုင်တော့ဘူး။ အားရှိစရာ မကောင်းတော့​ဘူး။ သင် ဘာလုပ်နိုင်သလဲ။ ခဏခဏ လက်ထောင်​ပေးနိုင်တယ်။ ဒါဆိုရင် တခြားသူတွေ​လည်း လက်ထောင်​ချင်စိတ် ပေါ်လာမယ်။

6-7. Aphi pya lang rinaw thinlung a zya nawlang pawmou cyi kho athua?

^၆ မှတ်ချက်​ပေးရမှာ ကြောက်နေတယ်​ဆိုရင်ကော။ တော်တော်​များများ ကြောက်​ကြ​ပါတယ်။ ဒါဆိုရင် ညီအစ်ကို/မတွေကို ပိုအားပေး​နိုင်ဖို့ မှတ်ချက်​ပေးရမှာ ကြောက်တဲ့​စိတ် လျော့အောင် လုပ်နိုင်​တဲ့ နည်း​တွေ ရှာဖွေ​ကြည့်ပါ။ ဘယ်လို ရှာဖွေ​နိုင်သလဲ။

^၇ အကြံပြုချက်​တချို့ကို ကင်းမျှော်စင် တွေ​မှာ ရှာတွေ့နိုင်တယ်။b ဥပမာ၊ ကောင်းကောင်း ပြင်ဆင်​ပါ။ (ပညာ. ၂၁:၅) အကြောင်းအရာကို ကောင်းကောင်း သဘောပေါက်​လေ မှတ်ချက်​ပေး​ဖို့ စိတ်​ပေါ့​လေ​ပဲ။ တိုတိုတုတ်တုတ် ဖြေပါ။ (ပညာ. ၁၅:၂၃။ ၁၇:၂၇) မှတ်ချက်တို​ရင် ဖြေဖို့ သိပ်စိုးရိမ်​မှာ မဟုတ်တော့ဘူး။ ဝါကျ တစ်ကြောင်း၊ နှစ်ကြောင်း​ပဲ ပါတဲ့ မှတ်ချက်တို​တွေ​က အချက်အလက် အများကြီး ပါတဲ့ မှတ်ချက်​အရှည်ကြီး​တွေ​ထက် နားလည်ဖို့ ပိုလွယ်တယ်။ ကိုယ်ပိုင် စကားနဲ့ တိုတိုတုတ်တုတ် ဖြေတာက ကောင်းကောင်း ပြင်ဆင်ထား​ကြောင်း၊ အကြောင်းအရာကို ကောင်းကောင်း နားလည်ကြောင်း ပြရာရောက်တယ်။

8. Taening thyhte na zuakuhpaw kha Zahova nynh pawtemou a tua?

^၈ အကြံပြုချက်တွေ​အတိုင်း စမ်းကြည့်ပေမဲ့ တစ်ကြိမ်၊ နှစ်ကြိမ်​အပြင် ပိုမဖြေရဲသေးဘူးဆိုရင်ကော။ သင် တတ်​နိုင်သလောက် ကြိုးစားတာကို ယေဟောဝါ တန်ဖိုးထားတယ်ဆိုတာ စိတ်ချပါ။ (လု. ၂၁:၁-၄) အကောင်းဆုံး ပေးဆက်​တယ်ဆိုတာ မတတ်နိုင်​တာကို ဖျစ်ညှစ်​လုပ်တာ မဟုတ်ဘူး။ (ဖိ. ၄:၅) ကိုယ် ဘယ်လောက် တတ်နိုင်သလဲ စဉ်းစားပါ။ ပန်းတိုင်​ထားပါ။ စိတ်​တည်ငြိမ်​ဖို့ ဆုတောင်းပါ။ မှတ်ချက်တို​လေး တစ်ခု ပေးဖို့​ကို​ပဲ အရင်ဆုံး ပန်းတိုင်​ထား​ကြည့်ပါ။

KHRIHCCAWBUU PI KYA LUKHEIT TE LUKHEIT THAW PYAKUH OH

9. Alepaw Khrihccawbuu hae kya paw ruunaw hae mou a ung kho?

^၉ ကြေညာသူ များတဲ့ အသင်းတော်တွေမှာ နောက်​အခက်အခဲ​တစ်မျိုး ရှိတယ်။ မှတ်ချက်​ပေးမယ့် ညီအစ်ကို/မ များ​လို့ သင် သိပ်အခေါ်မခံရတာ ဖြစ်နိုင်တယ်။ ဥပမာ၊ ညီအစ်မ ဒန်ယယ်ဟာ အစည်းအဝေးတွေမှာ မှတ်ချက်​ပေး​ရတာ သိပ်ကြိုက်တယ်။c ဝတ်ပြုမှု ကဏ္ဍ​တစ်ခု၊ တခြားသူတွေကို အားပေးနိုင်တဲ့ နည်း၊ ကိုယ်တိုင်ရဲ့ ယုံကြည်ခြင်း ခိုင်မာအောင် လုပ်နိုင်​တဲ့ နည်း​လို့ သဘောထားတယ်။ ဒါပေမဲ့ အသင်းတော်​ကြီး​ကို ပြောင်းသွားတော့ လက်ထောင်​တဲ့အခါ သိပ်​အ​ခေါ်​မခံ​ရတော့ဘူး။ တစ်ခါတလေ​ဆိုရင် အစည်းအဝေး​သာ ပြီးသွားတယ်။ တစ်ခါ​လေး​တောင် မှတ်ချက်​မ​ပေး​လိုက်ရ​ဘူး။ “အား​မ​လို အားမရ ဖြစ်​မိတယ်။ . . . အခွင့်အရေး ဆုံးရှုံး​သ​လို ခံစားရတယ်။ ကြာ​လာတော့ တမင်​သက်​သက် မ​ခေါ်တာ​များ​လား​လို့​တောင် တွေးမိ​လာတယ်” လို့ ပြောတယ်။

10. Aphi patae pya kho nawlang pawmou cyi kho athua?

^၁၀ ညီအစ်မ ဒန်ယယ်လို သင် ခံစားဖူးသလား။ အဲဒီလို ခံစားရတယ်​ဆိုရင် လက်မထောင်ချင်တော့တာ၊ အစည်းအဝေးမှာ နားထောင်ရုံပဲ နားထောင်ချင်တော့တာမျိုး ဖြစ်လာနိုင်တယ်။ မှတ်ချက်​မပေးတော့ဘူးလို့တော့ မတွေး​လိုက်ပါ​နဲ့။ ဘာလုပ်​လို့ ရသလဲ။ အစည်းအဝေးတိုင်း​အတွက် မှတ်ချက် အများကြီး ပြင်ထားလို့ ရတယ်။ ဒါဆိုရင် အစည်းအဝေး အစပိုင်းမှာ မှတ်ချက်​မ​ပေး​ရရင်​လည်း နောက်အပိုင်းတွေမှာ မှတ်ချက်​ပေး​ဖို့ အခွင့်အရေး ရှိနေ​ဦး​မှာ ဖြစ်တယ်။ ကင်းမျှော်စင် သင်တန်းအတွက် ပြင်တဲ့​အခါ စာပိုဒ်​တိုင်း​က ဆောင်းပါးရဲ့ အဓိက အချက်နဲ့ ဘယ်လို ဆက်စပ်နေသလဲဆိုတာ စဉ်းစားပါ။ ဒါဆိုရင် ဆောင်းပါး​တစ်လျှောက် မှတ်ချက်​ပေးစရာ တစ်ခုမဟုတ် တစ်ခု ရှိနေပါလိမ့်မယ်။ ဒါ့အပြင် နက်နဲတဲ့ ကျမ်းစာ သွန်သင်ချက်တွေ ပါတဲ့ စာပိုဒ်​တွေ​အတွက် မှတ်ချက် ပြင်ထားနိုင်တယ်။ (၁ ကော. ၂:၁၀) ဘာကြောင့်လဲ။ အဲဒီလို​အပိုင်းတွေ​မှာ မှတ်ချက်​ပေး​သူ သိပ်မရှိ​တတ်​လို့​ပဲ။ ဒီ​အကြံပြုချက်တွေ​အတိုင်း စမ်းကြည့်တာတောင် မှတ်ချက်​ပေး​ခွင့် မရတာ အပတ်နဲ့ချီ ကြာ​လာပြီ​ဆိုရင်ကော။ အစည်းအဝေး မတိုင်ခင် သင်တန်းကိုင်သူ​ဆီ သွားပြီး မှတ်ချက်​ပေးချင်တဲ့ စာပိုဒ်​ကို ပြောပြ​ထားနိုင်တယ်။

11. Filipi 2:4 kya pawtemou thaw yn pya?

^၁၁ ဖိလိပ္ပိ ၂:၄ ကို ဖတ်ပါ။ သူတစ်ပါး​အကျိုးကို ထည့်စဉ်းစား​ပေးဖို့ ခရစ်ယာန်တွေကို တမန်တော် ပေါလု အားပေးထားတယ်။ အစည်းအဝေးတွေမှာ ဒီ​အကြံပြုချက်ကို ဘယ်လို လက်တွေ့​ကျင့်​နိုင်သလဲ။ ကိုယ့်လိုပဲ တခြားသူတွေ​လည်း မှတ်ချက်​ပေးချင်ကြတယ်ဆိုတာ သတိရခြင်းအားဖြင့်ပါ။

12. Pungkunaw kya ming ccangpaw hae kha thawpya kho nawpaw zia tuh pawmou? (Sahkhung kha do.)

^၁၂ ဥပမာ၊ မိတ်ဆွေတွေနဲ့ စကားပြောတဲ့အခါ ကိုယ်​တစ်ယောက်တည်း ဒိုင်ခံ ပြော​မ​လား။ မပြောဘူး။ တခြားသူတွေကို ဝင်​ပြော​ခွင့် ပေးမှာပဲ။ အဲဒီလိုပဲ အစည်းအဝေးမှာ ကျွန်တော်တို့ လူများနိုင်သမျှ များများ​ကို မှတ်ချက်​ပေး​ခွင့် ရစေချင်​ကြတယ်။ ညီအစ်ကို/မတွေကို အားပေးနိုင်တဲ့ အကောင်းဆုံး နည်းတစ်နည်းက သူတို့ရဲ့ ယုံကြည်ချက်ကို ထုတ်ပြောဖို့ အခွင့်အရေး ပေးတာ​ပဲ။ (၁ ကော. ၁၀:၂၄) နည်းလမ်း​တချို့ ဆွေးနွေး​ကြရအောင်။

13. Ccungccaw patae aphi pya kho nawlang pawmou cyi kho lang?

^၁၃ တစ်နည်းကတော့ တိုတိုတုတ်တုတ် မှတ်ချက်​ပေးခြင်း​ပါ။ ဒါဆိုရင် လူများများ မှတ်ချက်​ပေး​ဖို့ အချိန်​ထွက်လာမယ်။ ဒီ​ကဏ္ဍမှာ အကြီးအကဲတွေ၊ ဝါရင့် ကြေညာသူတွေ စံနမူနာ ပြနိုင်တယ်။ မှတ်ချက်တိုတယ်ဆိုရင်တောင် အချက် အများကြီး ထည့်မပြောပါနဲ့။ တစ်​ပိုဒ်​လုံး ခြုံဖြေလိုက်ရင် တခြားသူတွေ ဖြေ​စ​ရာ မကျန်​ဘဲ ဖြစ်​သွားမယ်။ ဥပမာ၊ ဒီ​စာပိုဒ်မှာ အကြံပြုချက် နှစ်ခု ပါတယ်။ တိုတိုတုတ်တုတ် ဖြေဖို့​နဲ့ အချက် အများကြီး ခြုံမဖြေဖို့။ တကယ်လို့ ဒီ​စာပိုဒ်​အတွက် မှတ်ချက်​ပေး​ဖို့ သင် ဦးဆုံး အခေါ်ခံရ​တယ်​ဆိုရင် တစ်ချက်​ပဲ ဖြေပါ။ ဒါဆိုရင် နောက်တစ်ယောက် ဖြေ​စ​ရာ ကျန်​မယ်။

14. Vaehozeih mou kuih hanglang cipaw byapae nawlang pawnynhmou yn bung cih? (Sahkhung kha do.)

^၁၄ ဘယ်နှခါ လက်ထောင်​မယ်​ဆိုတာ ဆုံးဖြတ်တဲ့အခါ ချင့်ချိန်မှု ရှိရမယ်။ ခဏခဏ လက်ထောင်​နေတယ်​ဆိုရင် တခြားသူတွေကို မခေါ်ရသေးပေမဲ့ သင်တန်းကိုင်သူ​က မကောင်း​တတ်​လို့ ကိုယ့်ကို ခေါ်လိုက်ရနိုင်တယ်။ ဒါဆိုရင် တခြားသူတွေ စိတ်ဓာတ်ကျ​လာမယ်။—ဒေ. ၃:၇။

15. (a) Aphi pya lang yn ko khyh hae ze pawtemou liaru lang a ccang? (b) Rawvianaw akyngtupaw nynh ccungccaw miakaw tungvaw ngaethyaungsahkunaw kha pawtemou a langsah kho? (“Akyngtupaw Hanglang Langhroinaw” cihkupaw ringpali kueh kha do.)

^၁၅ ညီအစ်ကို/မ အများကြီး လက်ထောင်​တဲ့အခါ ကျွန်တော်တို့ ခဏခဏ အခေါ်ခံရချင်မှ ခံရ​မယ်။ တစ်ခါတလေ လုံးဝ အခေါ်မခံရတာ​တောင် ဖြစ်နိုင်တယ်။ စိတ်ဓာတ်ကျချင်စရာပါပဲ။ ဒါပေမဲ့ အခေါ်မခံရတဲ့အခါ စိတ်မဆိုး​သင့်​ဘူး။—ဒေ. ၇:၉။

16. Aphi a pyatu hae kha pawtemou thawpya kho athua?

^၁၆ ကိုယ် ဆန္ဒ​ရှိသလောက် မှတ်ချက်​မ​ပေး​ရရင်​လည်း တခြားသူတွေ မှတ်ချက်​ပေးတာ သေသေချာချာ နားထောင်နိုင်တယ်။ အစည်းအဝေး ပြီးသွားတဲ့အခါ မှတ်ချက်​အတွက် ချီးမွမ်း​ပေးနိုင်တယ်။ ချီးမွမ်း​ပေးတာက မှတ်ချက်​ပေး​သ​လောက်ကို ညီအစ်ကို/မတွေအတွက် အားပေးမှု ဖြစ်စေတယ်။ (ပညာ. ၁၀:၂၁) ချီးမွမ်း​ပေးခြင်း​ဟာ အချင်းချင်း အားပေးနိုင်တဲ့ နောက်​နည်း​တစ်နည်းပါပဲ။

LUKHEIT TE LUKHEIT THAWPYAKUH KHO NAWPAW CCANGPAW AKONGLANG HAE

17. (a) Ccaw hae kha mih kumte a ngaekuhpaw aphi hae pawtemou paccyn pya kho lang hae? (b) Video kya-e hawte, aphi paccynkuh kho nawpaw zia ziapali tuh pawhaemou? (Akaw lang-e ccaesahnaw kha do.)

^၁၇ အစည်းအဝေးတွေမှာ အချင်းချင်း ဘယ်လို အားပေးနိုင်​သေးသလဲ။ သင်ဟာ မိဘ​ဆိုရင် ကိုယ့်​သားသမီးတွေကို အသက်အရွယ်နဲ့ လိုက်တဲ့ မှတ်ချက်တွေ ပြင်ပေး​နိုင်တယ်။ (မ. ၂၁:၁၆) တစ်ခါတလေ အိမ်ထောင်ရေး ကိစ္စ၊ ကိုယ်ကျင့်တရား ကိစ္စ​လို​မျိုး လေးနက်တဲ့ အကြောင်းအရာတွေ ဆွေးနွေးလေ့​ရှိတယ်။ ဒါပေမဲ့ ကလေးတွေ မှတ်ချက်​ပေးလို့ ရတဲ့ စာပိုဒ် တစ်​ပိုဒ်၊ နှစ်ပိုဒ်တော့ ရှိနိုင်ပါတယ်။ လက်ထောင်​တိုင်း အခေါ်ခံရချင်မှ ခံရမယ်ဆိုတာ​ကို သားသမီးတွေ နားလည်အောင် ရှင်းပြထားပါ။ အဲဒီလို ရှင်းပြထား​တာက ကိုယ့်ကို မ​ခေါ်​ဘဲ တခြားသူတွေကို ခေါ်တဲ့အခါ စိတ်ဓာတ်မကျဖို့ ကူညီပေးတယ်။—၁ တိ. ၆:၁၈။d

18. Aphi pya vae ze maw kha yn peki nawlang hae cipaw kha pawtemou sihaekuh kho lang? (Phungtangbya 27:2)

^၁၈ ကျွန်တော်တို့​အားလုံး ယေဟောဝါကို ဂုဏ်တင်ရာ​ရောက်​မယ့်၊ ညီအစ်ကို/မတွေကို အားပေးရာ​ရောက်​မယ့် မှတ်ချက်တွေ ပြင်နိုင်ပါတယ်။ (ပညာ. ၂၅:၁၁) ရံဖန်ရံခါ ကိုယ်ပိုင် တွေ့ကြုံမှု ထည့်​ပြော​နိုင်ပေမဲ့ ကိုယ့်အကြောင်း အများကြီး ပြောတာ​မျိုး ရှောင်သင့်​တယ်။ (ပညာအလိမ္မာ ၂၇:၂ ကို ဖတ်ပါ။ ၂ ကော. ၁၀:၁၈) ယေဟောဝါဘုရား၊ ဘုရားရဲ့ တရားစကား၊ ဘုရားလူမျိုးအကြောင်း ပိုအလေးပေး​သင့်​တယ်။ (ဗျာ. ၄:၁၁) စာပိုဒ်​ရဲ့ မေးခွန်း​ကိုယ်နှိုက်​က ကိုယ့်​အကြောင်း ဖြေခိုင်းတာဆိုရင်တော့ ဖြေ​သင့်​ပါတယ်။ ဥပမာ၊ နောက်​စာပိုဒ်မှာ​ဆိုရင် အဲဒီလိုပဲ မေး​ထားတယ်။

19. (a) A pungkuhpaw miakaw tungvaw ngaethyaungsahkunaw langsah langze paw thanenaw mou a ung cih? (Rom 1:11, 12) (b) Pungkunaw hae kya aphi pyanawte asekuhte pawkhamou na ry?

^၁၉ မှတ်ချက်ပေးတာနဲ့​ပတ်သက်ပြီး စည်းမျဉ်း​စည်းကမ်း​ရယ်​လို့ မရှိပေမဲ့ အချင်းချင်း​အတွက် အားရှိစရာ ဖြစ်စေ​သင့်​တယ်။ ဥပမာ၊ လူ​နည်းတယ်​ဆိုရင် ခဏခဏ မှတ်ချက်​ပေးနိုင်တယ်။ လူများတယ်ဆိုရင် ရသလောက် အခွင့်အရေး​နဲ့ ကျေနပ်​နိုင်တယ်။ တခြားသူတွေ မှတ်ချက်​ပေး​ခွင့် ရလို့ ဝမ်းသာ​ပေးနိုင်တယ်။ အသင်းတော် အစည်းအဝေးတွေမှာ သူတစ်ပါး​အကျိုး ထည့်စဉ်းစား​ပေးမယ်​ဆိုရင် ကျွန်တော်တို့​အားလုံး “အပြန်အလှန် အားပေး​ခွင့်” ရ​ကြပါလိမ့်မယ်။—ရောမ ၁:၁၁၊ ၁၂ ကို ဖတ်ပါ။