Zahova Kha Samson Nynh, A Doliakuh Hawte Doliakuh

1-2. Samson kong pawcce leihla lang a ccang?

ရှံဆုန်​လို့ ပြောလိုက်တာနဲ့ ဘာ​ပြေးမြင်သလဲ။ လူသန်ကြီး​တစ်ယောက်​လို့ ပြေးမြင်​မိ​နိုင်တယ်။ တကယ်လည်း ရှံဆုန်ရဲ့ ခွန်အား​ဟာ သိပ်ထူးခြားတယ်။ ဒါပေမဲ့ တစ်ခေါက် ဆုံးဖြတ်ချက် မှားသွား​လို့ ဆိုးကျိုးတွေ ကြုံရတယ်။ ဒါတောင် ရှံဆုန်ရဲ့ သစ္စာရှိ လုပ်ရပ်တွေ​ကို ယေဟောဝါ တန်ဖိုးထားတယ်။ ကျွန်တော်တို့ အကျိုးရဖို့ ကျမ်းစာမှာ မှတ်တမ်းတင်​စေ​တယ်။

^၂ အစ္စရေးလူမျိုးရဲ့ အကျိုးအတွက် စွမ်းစွမ်းတမံ ဆောင်ရွက်ဖို့ ရှံဆုန်​ကို ယေဟောဝါ သုံးတယ်။ ရှံဆုန် သေဆုံးပြီးနောက် နှစ်​ရာချီ​အကြာမှာ ယုံကြည်ခြင်း စံနမူနာရှင် စာရင်းထဲ ရှံဆုန်ရဲ့ နာမည် ထည့်ဖို့ တမန်တော် ပေါလု​ကို ယေဟောဝါ စွမ်းအားတော်နဲ့ ညွှန်ကြားတယ်။ (ဟီ. ၁၁:၃၂-၃၄) ခက်ခဲတဲ့ အခြေအနေမှာ ယေဟောဝါကို ရှံဆုန် အားကိုး​တယ်။ ရှံဆုန်ရဲ့ စံနမူနာ​က ကျွန်တော်တို့ကို ခွန်အား ရှိစေနိုင်တယ်။ ဘယ်လို ရှိစေသလဲ၊ ဘာ​သင်ခန်းစာ​တွေ ယူနိုင်သလဲ ဆိုတာ ဒီဆောင်းပါးမှာ လေ့လာကြပါမယ်။

SAMSON NYNH ZAHOVA KHA A DOLIAKUH

3. Samson paw taevue mou a mue?

^၃ ရှံဆုန် မွေးတဲ့​အချိန်မှာ အစ္စရေး​လူမျိုးဟာ ဖိလိတိ​တွေ​လက်အောက် ရောက်နေတယ်။ (သူကြီး. ၁၃:၁) ဖိလိတိ​တွေ အနိုင်ကျင့်​ဗိုလ်ကျ​လို့ အ​နေ​အစား ဆင်းရဲ​ကြတယ်။ ဒါကြောင့် “အစ္စရေးတွေ​ကို ဖိလိတိ​လူတွေ လက်ထဲကနေ ကယ်တင်​ရာ​မှာ ဦးဆောင်” ဖို့ ရှံဆုန်​ကို ယေဟောဝါ ရွေး​တယ်။ (သူကြီး. ၁၃:၅) သိပ်​ခက်တဲ့ တာဝန်​ပဲ။ ယေဟောဝါကို အားကိုး​မှ ရမယ်။

4. Filistin hae kyate Samson kha Zahova nynh pawtemou a luesah? (Byapiatu 15:14-16)

^၄ ယေဟောဝါကို ရှံဆုန် ယုံကြည်​ကိုးစားကြောင်း ပြတဲ့ ဖြစ်ရပ်​တစ်ခု သုံးသပ်ကြည့်ပါ။ ရှံဆုန်​ကို ဖမ်းဖို့ ဖိလိတိ​တွေ လေဟိ​အရပ် ရောက်လာကြတယ်။ အဲဒီ​နေရာဟာ ယုဒ​နယ်မြေ​ထဲက ဖြစ်နိုင်တယ်။ ယုဒ​အမျိုးသားတွေ ဘယ်လောက်ထိ ကြောက်​သလဲ​ဆိုရင် ကိုယ့်​နယ်မြေ​ထဲ ဝင်ပြီး ကိုယ့်​လူမျိုးကို ရန်သူတွေ လာ​ဖမ်းတာ ထည့်​ပေး​လိုက်ကြတယ်။ ထွက်​မ​ပြေး​နိုင်အောင်​ဆိုပြီး ကြိုး​သစ်​နှစ်ချောင်း​နဲ့​တောင် ချည်​ပေး​လိုက်​ကြသေးတယ်။ (သူကြီး. ၁၅:၉-၁၃) ဒါပေမဲ့ “ယေဟောဝါရဲ့ စွမ်းအားတော် ခွန်အား ပေးတဲ့အတွက်” ချည်​ထားတဲ့ ကြိုးတွေ ပြတ်ထွက်​ကုန်တယ်။ အဲဒီနောက် “မ​ခြောက်​သေး​တဲ့ မြည်း​မေးရိုး​တစ်ချောင်း” တွေ့တော့ ကောက်ယူပြီး ဖိလိတိ​လူ ၁,၀၀၀ ကို ရှံဆုန် ရိုက်​သတ်ပစ်တယ်။—တရားသူကြီး ၁၅:၁၄-၁၆ ကို ဖတ်ပါ။

5. Zahova kha a doliakuh cipaw Samson nynh pawtemou a langsah?

^၅ မြည်း​မေးရိုး​ဆိုတာ တိုက်ဖို့ခိုက်ဖို့ သုံးတဲ့ လက်နက် မဟုတ်ဘူး။ ဒါဆိုရင် ရှံဆုန် ဘာကြောင့် သုံးသလဲ။ ဘာ​လက်နက် သုံးသုံး ယေဟောဝါ ကူညီ​မှ​ပဲ ဖိလိတိတွေကို တိုက်​နိုင်မယ်​ဆိုတာ သိနေလို့ပါ။ ဘုရားကို ယုံကြည်​ကိုးစားလို့ ရ​ရာ လက်နက် သုံးပြီး တိုက်တယ်။ ယေဟောဝါ​လည်း ရှံဆုန် နိုင်ဖို့ ကူညီပေးတယ်။

6. Taevue mue ccyh kya Samson kyate pawmou ccangkuh kho lang?

^၆ ယေဟောဝါက တာဝန်​ပေးပြီဆိုရင် ဘယ်လောက်ပဲ ခက်​ပုံ ပေါက်နေပါစေ ကျွန်တော်တို့ ထမ်းဆောင်​နိုင်အောင် ခွန်အား ပေးမယ်။ ထင်​မထားတဲ့ နည်းတွေနဲ့​တောင် ပေးနိုင်တယ်။ ဒါကြောင့် ဘုရားကို ဆက်​အားကိုးပါ။ ရှံဆုန်​ကို ခွန်အား ပေးတဲ့ ယေဟောဝါက သင့်ကိုလည်း ပေးနိုင်တယ်။—ပညာ. ၁၆:၃။

7. Zahova langhroinaw ccung lang azici cipaw a langsahpaw tungboinaw kha hotua.

^၇ အဖွဲ့အစည်း ဆောက်လုပ်ရေး စီမံကိန်းတွေမှာ ပါဝင်တဲ့ ညီအစ်ကို/မတွေဟာ ယေဟောဝါကို ယုံကြည်​ကိုးစားကြောင်း ပြကြတယ်။ အရင်ကဆိုရင် နိုင်ငံတော်​ခန်းမနဲ့ တခြား​အဆောက်အအုံတွေကို ဒီဇိုင်းဆွဲ၊ ဆောက်လုပ်​ကြ​တာ။ ဒါပေမဲ့ အဖွဲ့အစည်း တိုးတက်လာတာနဲ့အမျှ အပြောင်းအလဲ​တချို့ လုပ်ဖို့ လို​လာတယ်။ ယေဟောဝါရဲ့ လမ်းညွှန်မှု ရဖို့ ဦးဆောင်တဲ့ ညီအစ်ကိုတွေ ဆုတောင်းကြတယ်။ အဆောက်အအုံ ဝယ်ပြီး မွမ်းမံ​တာ​လို​မျိုး နည်းသစ်တွေ စမ်းသုံး​ကြတယ်။ “အပြောင်းအလဲကို လက်ခံဖို့ အစပိုင်းမှာတော့ မလွယ်ဘူး” လို့ ကမ္ဘာချီ ဆောက်လုပ်ရေး စီမံကိန်းမှာ မကြာသေးခင် နှစ်တွေ​က ပါဝင်တဲ့ ညီအစ်ကို ရောဘတ် ပြောတယ်။ “ခေတ်​အဆက်ဆက် သုံး​လာတဲ့ နည်းနဲ့ တော်တော် ကွာတယ်။ ဒါပေမဲ့ ညီအစ်ကိုတွေ လိုလိုလားလား ပြောင်းလဲ​ကြတယ်။ ယေဟောဝါ ကောင်းချီး ပေးတာ အထင်အရှား တွေ့ရတယ်” လို့ ပြောတယ်။ အလိုတော် ပြီးမြောက်​ဖို့ ဘုရား လမ်းညွှန်​နေတယ်​ဆိုတဲ့ အထောက်အထား အများကြီး ရှိသေးတယ်။ ဒါကြောင့် ‘အကောင်းဆုံး နည်းနဲ့ အမှုဆောင်နိုင်ဖို့ ယေဟောဝါရဲ့ လမ်းညွှန်ချက် ငါ ရှာသလား။ ကိုယ့်ဘက်က ပြောင်းလဲစရာ ရှိရင် ပြောင်းလဲ​သ​လား’ လို့ ဆန်းစစ်​သင့်​တယ်။

ZAHOVA NYNH A PACCYN PYAPAW KHA SAMSON AHOYTE A MANG

8. Vaekheit Samson tui a haw tuh pawmou a cyi?

^၈ ရှံဆုန်ရဲ့ တခြား​အံ့ဖွယ်​လုပ်ရပ်တွေ​အကြောင်း စဉ်းစားကြည့်ပါ။ တစ်ယောက်တည်း​အားနဲ့ ခြင်္သေ့​တစ်ကောင် သတ်​တယ်။ ဖိလိတိ​ပြည်၊ အာရှကေလုန်​မြို့သား ၃၀ ကို သတ်​တယ်။ (သူကြီး. ၁၄:၅၊ ၆၊ ၁၉) ယေဟောဝါသာ မကူရင် ဒါတွေ မလုပ်နိုင်မှန်း ရှံဆုန် သိတယ်။ ဖိလိတိ​လူ ၁,၀၀၀ ကို ရိုက်​သတ်ပြီးနောက် ရေ​ဆာ​တဲ့​အချိန် ရှံဆုန် လုပ်ခဲ့တာကို ကြည့်ရင် ဒီအချက် သိနိုင်တယ်။ ဘာလုပ်သလဲ။ ကိုယ့်​အား​ကိုယ် ကိုး​ပြီး ရေ​ရှာ​မယ့်​အစား ယေဟောဝါဆီ အသနားခံတယ်။—သူကြီး. ၁၅:၁၈။

9. Samson nynh bungnaw a ngia tuh Zahova nynh pawmou a cyi pya? (Byapiatu 15:19)

^၉ အံ့ဖွယ်​နည်းနဲ့ ရေ ရအောင် လုပ်ပေးခြင်းအားဖြင့် ရှံဆုန်ရဲ့ ဆုတောင်းချက်ကို ယေဟောဝါ ဖြေပေးတယ်။ ရေ​သောက်​ပြီးနောက် ရှံဆုန် “အားပြည့်​လန်းဆန်း​လာတယ်။” (တရားသူကြီး ၁၅:၁၉ ကို ဖတ်ပါ။) နောက်ပိုင်း နှစ်​အတော်ကြာ တရားသူကြီး​ကျမ်းကို ပရောဖက် ရှမွေလ ရေးတဲ့​အချိန်ထိ ဒီ​စမ်းရေတွင်း ရှိတုန်းပဲ။ ယေဟောဝါကိုသာ အားကိုးရင် လိုအပ်ချိန်​မှာ ကူညီပေးမယ်​ဆိုတာ ဒီ​စမ်းရေတွင်း တွေ့တိုင်း အစ္စရေးတွေ အမှတ်ရနေ​ကြ​မှာ။

10. Zahova kya-e bungnaw mue ry ze pawmou cyi lang? (Sahkhung kha do.)

^၁၀ ကျွန်တော်တို့လည်း ဘာ​အစွမ်းအစပဲ ရှိပါစေ၊ အမှုတော်မှာ ဘာကြီးပဲ လုပ်နိုင်​ပါ​စေ ကျိုးနွံ​ရမယ်။ ဘုရားကို အားကိုး​ရမယ်။ ဘုရားကို အားကိုး​မှ​ပဲ စစ်မှန်တဲ့ အောင်မြင်မှု ရမယ်ဆိုတာ အသိအမှတ်ပြု​ရမယ်။ ယေဟောဝါ ပြင်ဆင်ပေးတဲ့ ရေ သောက်​ပြီးနောက် ရှံဆုန် အား​ပြည့်​လာ​သ​လို ကျွန်တော်တို့လည်း ယေဟောဝါ ပြင်ဆင်​ပေးတာတွေကနေ အကျိုး ရယူမယ်ဆိုရင် ဘုရားရေးရာမှာ အား​ပြည့်​လန်းဆန်း​လာမယ်။—မ. ၁၁:၂၈။

11. Zahova kha ka doliakuh cipaw pawtemou langsah lang? Tungboinaw hotua.

^၁၁ ပြင်းထန်တဲ့ နှိပ်စက်ညှဉ်းပန်းမှု ကြုံရတဲ့ ရုရှား​နိုင်ငံက ညီအစ်ကို အလက်ဆီ​အကြောင်း သုံးသပ်ကြည့်ပါ။ ခံနိုင်ရည် ရှိဖို့ ဘာက ကူညီပေးသလဲ။ ညီအစ်ကိုတို့ ဇနီးမောင်နှံ​မှာ ဝတ်ပြုမှု အလေ့အထ​ကောင်း ရှိတယ်။ “ကိုယ်ပိုင်​လေ့လာမှု လုပ်တယ်။ နေ့တိုင်း ကျမ်းစာ ဖတ်တယ်။ မနက်တိုင်း ဇနီး​နဲ့ နေ့စဉ် ကျမ်းချက် အတူတူ ဖတ်တယ်။ အတူတူ ဆုတောင်းတယ်” လို့ ပြောတယ်။ ဘာသင်ယူနိုင်သလဲ။ ကိုယ့်​အား​ကိုယ် ကိုး​မယ့်​အစား ယေဟောဝါကို အားကိုး​ရမယ်။ အားကိုးကြောင်း ဘယ်လို ပြ​ရမလဲ။ မှန်မှန် ကျမ်းစာ လေ့လာ၊ ဆုတောင်း၊ အစည်းအဝေး တက်၊ ဟောပြောခြင်းအားဖြင့် ယုံကြည်ခြင်း ခိုင်မာအောင် လုပ်ရမယ်။ ဒါဆိုရင် မိမိကို ဆက်​ဝတ်ပြုနိုင်ဖို့ ယေဟောဝါ ကူညီပေးမယ်။ ရှံဆုန်​ကို ခွန်အား ပေးသလို ခွန်အား ပေးမယ်။

SAMSON TUH A LUNG THANG KHYH

12. Samson nynh paw ame leipaw byapaenaw mou a raesei, Delilah te mih ccuepekunaw tuh langmaw ccuepekunaw hae te pawtemou a lae?

^၁၂ ရှံဆုန်​လည်း ကျွန်တော်တို့လို မစုံလင်သူမို့ ဆုံးဖြတ်ချက် အမှားတွေ ချ​မိတယ်။ တစ်ခေါက်တော့ ဆုံးဖြတ်ချက် တစ်ခု​လေး​ပဲ မှားသွားတာ အဖြစ်ဆိုးတွေ ကြုံလိုက်ရတယ်။ တရားသူကြီးအဖြစ် အချိန်​အတော်ကြာ အမှုဆောင်​ပြီးနောက် “စော​ရက် သဲ​ချောင်း​မှာ နေထိုင်သူ ဒေလိလ” နဲ့ ချစ်​ကြိုက်​သွားတယ်။ (သူကြီး. ၁၆:၄) ဒီ့​မတိုင်ခင် ဖိလိတိ မိန်းကလေး​တစ်ယောက်နဲ့ လက်ထပ်​ဖို့ ရည်ရွယ်ဖူးတယ်။ အဲဒီတုန်းက​ကျတော့ “ဖိလိတိ​လူတွေကို တိုက်ခိုက်ဖို့ အခွင့်ကောင်း” ရအောင် ‘ယေဟောဝါ လမ်းညွှန်’ တာ။ နောက်ပိုင်းမှာ​လည်း ဖိလိတိ​ပြည်၊ ဂါဇာ​မြို့က ပြည့်တန်ဆာ​အိမ်မှာ အိပ်​တယ်။ ဂါဇာ​မြို့တံခါး​တွေ ဆွဲနုတ်​ဖို့ ဘုရား ခွန်အား ပေးတာ အဲဒီ​တစ်ခေါက်​ပေါ့။ (သူကြီး. ၁၄:၁-၄။ ၁၆:၁-၃) ဒေလိလ​ကျတော့ အစ္စရေး​လူမျိုး ဖြစ်ပုံရတယ်။ သူနဲ့ သွား​ပတ်သက်လို့ ဖိလိတိတွေကို တိုက်ဖို့ ဘာ​အ​ခွင့်​အ​လမ်း​မှ ပေါ်လာမှာ မဟုတ်ဘူး။ ပတ်သက်​ချင်လို့​ကို သွား​ပတ်သက်​တာ။

13. Delilah nynh Samson tungvaw pawtemou a cyi?

^၁၃ ဖိလိတိ​တွေ ပေးတဲ့ ငွေကို ယူပြီး ရှံဆုန်​ကို ဒေလိလ သစ္စာဖောက်​လိုက်တယ်။ ရှံဆုန် ဘာကြောင့် မ​ရိပ်မိ​တာ​လဲ။ ဒေလိလ ဘာ​ကြံနေ​သလဲ​ဆိုတာ သဲသဲကွဲကွဲ မမြင်တော့တဲ့အထိ အချစ်​မျက်ကန်း ဖြစ်သွား​လို့​လား။ ဘယ်လိုပဲဖြစ်ဖြစ် တကျည်ကျည် ပူဆာ​နေ​တော့ တင်းမခံနိုင်တော့ဘဲ ခွန်အား ကြီး​ရတဲ့ အကြောင်းရင်း ပြောပြ​လိုက်တယ်။ စိတ်မကောင်း​စ​ရာ​ပဲ။ အဲဒီ​အမှား​ကြောင့် ရှံဆုန် ခွန်အား​လည်း လျော့၊ ဘုရား​မျက်နှာသာ​လည်း အချိန်​အတိုင်းအတာ တစ်ခုအထိ ဆုံးရှုံး​လိုက်ရတယ်။—သူကြီး. ၁၆:၁၆-၂၀။

14. Delilah kha a zyn sei keiccu Samson pawmou a tung?

^၁၄ ယေဟောဝါကို ယုံမယ့်အစား ဒေလိလ​ကို ယုံစားမိလို့ ရှံဆုန် ဒုက္ခ​လှလှ တွေ့သွားတယ်။ ရှံဆုန်​ကို ဖိလိတိ​တွေ ဖမ်းပြီး မျက်စိ ဖောက်ထုတ်၊ ဂါဇာ​မြို့မှာ ထောင်ချလိုက်တယ်။ မြို့တံခါး​တွေ ဆွဲ​နုတ်ပစ်​ခဲ့​တဲ့ ဂါဇာ​မြို့မှာ အခုတော့ ကျွန်​အဖြစ် ကောက်နှံ​ကြိတ်တဲ့ အလုပ် လုပ်နေ​ရပြီ။ ရှံဆုန်​ကို ဖမ်း​နိုင်​တာ သူတို့ရဲ့ ဘုရား ဒါဂုန်​ကြောင့်​လို့ ဖိလိတိ​တွေ ထင်​နေကြတယ်။ ဒါကြောင့် ဒါဂုန်​အတွက် ပွဲ​အကြီးကြီး လုပ်ပေးကြတယ်။ ပွဲ​မှာ “ဖျော်ဖြေဖို့” ရှံဆုန်​ကို ထောင်ကနေ ထုတ်​လာ​ခိုင်း​ကြတယ်။ လူသန်ကြီး ရှံဆုန် အရှက်ခွဲ​ခံလိုက်ရတာပဲ။—သူကြီး. ၁၆:၂၁-၂၅။

15. Zahova kha bua a doliakuh cipaw Samson nynh pawtemou a langsah? (Byapiatu 16:28-30) (Ccabung sahkhung kha do.)

^၁၅ ရှံဆုန် အမှား​ကြီး မှားခဲ့ပေမဲ့ မထူးဇာတ် မ​ခင်း​ဘူး။ ဖိလိတိတွေကို တိုက်ဖို့​ဆိုတဲ့ ဘုရားပေး တာဝန် ပြီးမြောက်​ဖို့ အခွင့်အရေး ရှာတယ်။ (တရားသူကြီး ၁၆:၂၈-၃၀ ကို ဖတ်ပါ။) “ဖိလိတိ​လူတွေကို လက်စားချေ​ပါ​ရစေ” လို့ ဆုတောင်းတယ်။ ရှံဆုန်ရဲ့ ဆုတောင်းချက်ကို ယေဟောဝါ အဖြေပေးတယ်။ ခွန်အား ပြန်ပေးတယ်။ ဒါကြောင့် ဖိလိတိ​လူ အများကြီးကို ရှံဆုန် သတ်​နိုင်ခဲ့တယ်။ ဒီ​တစ်ခေါက် သတ်တာ အရင်က သတ်ခဲ့သမျှထက် ပိုများတယ်။

16. Samson a seinaw kyate pawmou ccangkuh kho lang?

^၁၆ အမှား လုပ်မိ​လို့ ဆိုးကျိုးတွေ ရှံဆုန် ခံရပေမဲ့ ယေဟောဝါရဲ့ အ​လို မ​ဆောင်​ဘဲ မနေဘူး။ ကျွန်တော်တို့လည်း အမှား လုပ်မိ​လို့ တည့်မတ်​ခံရတဲ့အခါ၊ အခွင့်ထူး ဆုံးရှုံးလိုက်ရတဲ့​အခါ လက်မလျှော့​သင့်​ဘူး။ ယေဟောဝါ ခွင့်လွှတ်ဖို့ အသင့် ရှိတယ်ဆိုတာ သတိရ,ရမယ်။ (ဆာ. ၁၀၃:၈-၁၀) အမှား လုပ်ဖူးရင်တောင် ရှံဆုန်​လိုပဲ ယေဟောဝါ​အတွက် အသုံးဝင်နိုင်တုန်းပါပဲ။

17-18. Michael tungboinaw nynh pawcce thawzung ae hoisah? (Sahkhung kha do.)

^၁၇ ညီအစ်ကိုငယ် မိုက်ကယ်​အကြောင်း စဉ်းစားကြည့်ပါ။ မှန်မှန် ရှေ့ဆောင်​လည်း ဖြစ်၊ အသင်းတော် အမှုထမ်း​လည်း ဖြစ်တယ်။ ဒါပေမဲ့ အမှား လုပ်မိ​လို့ အခွင့်ထူးတွေ ဆုံးရှုံး​လိုက်ရတယ်။ “ယေဟောဝါ​အတွက် အမြဲ အလုပ်များနေတာ။ ရုတ်တရက်​ဆို​သ​လို ဘာ​လုပ်စရာ​မှ မရှိတော့​သ​လိုပဲ။ ကျွန်တော့်ကို ယေဟောဝါ စွန့်လိုက်ပြီလို့တော့ တစ်ခါမှ မတွေးပါဘူး။ ဒါပေမဲ့ ဘုရားနဲ့ ဆက်ဆံရေး ပြန်ကောင်း​နိုင်​ပါ​ဦး​မ​လား၊ အသင်းတော်မှာ အရင်ကလို ပြန်အမှုဆောင်​နိုင်​ပါ​ဦး​မ​လား​ဆိုတာတော့ စိုးရိမ်​တယ်” လို့ ပြောတယ်။

^၁၈ မိုက်ကယ် လက်မလျှော့ဘူး။ “ဘုရားနဲ့ ဆက်ဆံရေး ပြန်ကောင်း​လာဖို့ အာရုံစိုက်တယ်။ မှန်မှန် ရင်ဖွင့်​ဆုတောင်းတယ်။ ကျမ်းစာ လေ့လာ​တယ်။ တွေးတော​ဆင်ခြင်​တယ်” လို့ ပြောတယ်။ နောက်တော့ အသင်းတော်မှာ အခွင့်ထူးတွေ ပြန်​ရလာတယ်။ အခု၊ မှန်မှန် ရှေ့ဆောင်၊ အကြီးအကဲ ဖြစ်နေပြီ။ “အထူးသဖြင့်၊ အကြီးအကဲတွေ ပေးတဲ့ အားပေး​နှစ်သိမ့်မှု​ကြောင့် ကျွန်တော့်ကို ယေဟောဝါ ချစ်​နေတုန်းပဲ​ဆိုတာ စိတ်ချလာတယ်။ သိစိတ် ကြည်ကြည်လင်လင်​နဲ့ ပြန်အမှုဆောင်​လာနိုင်တယ်။ စစ်မှန်တဲ့ နောင်တ​သာ ရမယ်ဆိုရင် ယေဟောဝါ ခွင့်လွှတ်တယ်ဆိုတာ သိသွားပြီ” လို့ ပြောတယ်။ ကျွန်တော်တို့လည်း အမှား လုပ်ခဲ့ရင်တောင် အမှားကို ကြိုးစား​ပြင်မယ်၊ ယေဟောဝါ​ဘုရားကို ဆက်​အားကိုးမယ်​ဆိုရင် ဘုရား ဆက်​သုံးမယ်၊ ကောင်းချီးပေးမယ်ဆိုတာ စိတ်ချနိုင်တယ်။—ဆာ. ၈၆:၅။ ပညာ. ၂၈:၁၃။

19. Samson tungboinaw nynh pawcce thawzung ae hoisah?

^၁၉ ရှံဆုန်ရဲ့ ဘဝ​ဖြစ်ရပ်​တချို့ကို ဒီဆောင်းပါးမှာ လေ့လာခဲ့ကြတယ်။ ရှံဆုန် အမှား​မကင်း​ဘူး။ ဒေလိလနဲ့ ကိစ္စမှာ မှားသွား​ပေမဲ့ ဘုရား​အ​လို မဆောင်တော့ဘဲ မနေဘူး။ လက်မလျှော့ဘူး။ ဒါကြောင့် ယေဟောဝါ​လည်း ရှံဆုန်​ကို လက်မလွှတ်​ဘူး။ ဖိလိတိ​လူ အများကြီးကို သတ်​နိုင်ဖို့ ပြန်​သုံးတယ်။ ထူးခြားတဲ့ ယုံကြည်ခြင်း ရှိသူအဖြစ် မြင်တယ်။ ယုံကြည်ခြင်း စံနမူနာရှင်တွေ​ထဲက တစ်ယောက်အဖြစ် ဟီဘရူး အခန်းကြီး ၁၁ မှာ မှတ်တမ်းတင်တယ်။ ကိုယ်​ကိုးကွယ်တဲ့ ဘုရားဟာ ကိုယ်​အားနည်းချိန်​မှာ ခွန်အား​ပေးချင်တဲ့ ဘုရား ဖြစ်မှန်း သိရတာ အားရှိစရာပါပဲ။ ဒါကြောင့် ‘ကျွန်တော့်ကို သတိရလှည့်ပါ။ ခွန်အားပေး​လှည့်ပါ’ ဆိုပြီး ရှံဆုန်​လိုပဲ ယေဟောဝါဆီ တောင်းလျှောက်​ကြရအောင်။—သူကြီး. ၁၆:၂၈။