˗Dhɛ ˗mɛn ˈwo˗ ˗dhɛ Betɛlö?

꞊Wa˗ pö Betɛlö Eblö ˗wo ˈgü, kö ˗wa ˗pö “˗Zlan ˗bha ˈkɔ.” (ˈWunzüdɔdhɛ 28:17, 19) ˗A ˗dhɛ ˈˈdhʋ̈ ˗sü ˗yö ˗së, ˈyö ˗tɔ ꞊dhɛ ˗dhɛ bhë, ˈnën˗ ˈgü ˗yö Zoova ˗bha ꞊Gbɛkiö ˗nu ˗bha ˗zlanwopö ˗yö ˗zü ˗yö dɔ ˗a ˗bha. ˗Wo ˈˈsɛ ˈbha ˗nu ˈgü. Yi ˈˈDhiʋ̈ʒiöwomɛn ˗nu ˗wo yö ˗kë Betɛlö ˈkpii˗ ˈö Nuyɔɔkö, Zeta Zuni bhë, ˗a ˈgü. ˗Wo ˗ya mü ˈö ˈwo wo ˗zokë yö ˈwo˗ kë ˈˈsɛ ˗dhɛ ˈö ˈdhö ˗a ˗bha Betɛlö ˈgü, ˗a ˈˈpiʋ̈. Mɛn ˗nu ˈwo yö kë mü, ˈwo ˗an ˗dhɛ Betɛlö ˗bha ˈkɔdhigümɛn ˗nu. ˗Wo ˗wɔ ˗dhɛ do ˈgü. ˗Wo yö ˗kë wo ˈˈkwëë. ˗Wo pë ˗bhö wo ˈˈkwëë, ˈyö ˈwo Biblö ꞊draan wo ˈko ˈˈpiʋ̈ ꞊dhɛ ˈkɔdhi do ˈgümɛn ˗nu ˈdhö.—Psaume 133:1.

˗Dhɛ dosɛnŋ ˈö ˈkɔdhigumɛn ˗nu ꞊gban ˈˈpɛpɛ ˗wo wo ˗de nu yökësü ˗dhɛ, yö ˗mü. Betɛlö ꞊gban ˈˈpɛpɛ ˈgü, yi ꞊dhegblü ˗nu ˗wo wo ˗de nu Zoova dhɔɔbhaawɔn kë ˗sü waa˗ ˗bha ˗Gblüdëdhɛ ˗wɔn ˗nu ˗ya ˈˈdhiʋ̈ ˗sü ˗nu ˗dhɛ. (Matiö 6:33) ˈWaa mɛn ˈbha ꞊saa bho, ˈˈkɛɛ ˗wo wɔdhɛ ˗nu, ˗bhöpë ˗nu waa ˈpë ˈbha ˗nu ˗nu ˗an ˗dhɛ kö ˗wo wo ˗de ˗bhawɔn ˗nu ˈˈɲan bhɔ ˗an ˈka. Mɛn ˈö ˈdhö ˗bha yö ˗yö ˗dho. Mɛn ˈbha ˗nu ˗yö ˗kë bidhoŋ ˗nu, pëkpadhɛ ˗nu ɛɛnˈˈ pëdandhɛ ˗nu ˈgü. ˗A mɛn ˈbha ˗nu ˗wo ˗yö ˗kë ˈsëëdhɛ yökëdhɛ ˗nu, sɔ ˈˈzu ˗dhɛ ˗nu ɛɛnˈˈ pë baaˈˈ ˗dhɛ ˗nu ˈgü.

˗Dhɛ ˈö ˗wo wo ˗kɔ ˗ya ˗zlanwopö ˗yö ˗gɔ, yö ˗mü. Pë ˈö Betɛlö ˗dhɛ ˈö ˈdhö ˈdhö˗ ˈˈpiʋ̈ ˈyö ˗tɔ mɛn ˈö ˈdhö ˗yö gagade ˈö go Biblö ˈgü ꞊ya pö mɛn ˗nu ˗dhɛ kö ˗wa ˈgüman. ˈSëëdhɛ ˗be ˈö yö, ˗ya ˈwɔnzuan do ˈka. Yi ˈˈDhiʋ̈ʒiöwomɛn ˈnën ˈwo ˈsëëdhɛ ˗yökësü ˗gɔ ˈˈdhiʋ̈. ꞊Waa˗ ˗bɛn ˗zë, ˈyö ˈwo˗ bɔ ɛntɛnɛtö ˗ta ˗wodhiëëtamɛn ˗nu ˈwo ˈˈsɛ ˗todhʋ̈sü ˈgü, ˗an ˗dhɛ. ˗Wa wo bo ˗a ˗dhiëëta ˗sü ˈka, ˈyö ˈwo ˗an ˗gan Betɛlö ˈbhaa ˗nu ˈgü, manŋzii ˈˈgblʋ̈gblʋ̈ ˗tiaandhö ˗nu ˈö ˈwo yö kë ˗biata, ˗an ˈgü. ꞊Ya ɲën, ˈyö ˈwo ˗an bɔ ˗zlanwokɔdhi ˈö ˗ʒiö ˗zlanwokɔdhi 115.000 ˗ta, ˗an ˗dhɛ. ˗A yö ˈö ˈˈdhʋ̈, ˗a ˗dhɛ ˈˈʋʋ ˗dhɛ ˗wo yö ˗a ˗bha, “Betɛlö ˈkɔdhigümɛn ˗nu” ˗wo wo ˗kɔ ˗da yö ˗së ˈö ˗kë ˈwɔn ˗taɔŋ ˗së pö ˗sü ˈka bhë, ˗a ˈgü.—Makö 13:10.

• De ˗nu ˈwo yö ˗kë Betɛlö? ˈMën ˈwo˗ nu ˗an ˗dhɛ?

• Yö ˗mɛɛn ˈö Betɛlö ˗dhɛ ˈö ˈdhö ˈö ö ˗kɔ ˗ya ˗a ˗gɔ?