Pë ˗nu ˈwo dho kwa ˗takun kö ˈkwa Biblö ˗wo pö yi ꞊gban ˈka

Yö ꞊va ˗bha ˗kë kwa ˗kɔ ˗ta ˗sü ˗wɔn ˈgü, Biblö ˗wopösü ˈö yi ꞊gban ˈka bhë ˗yö kwa ˗kɔa ˈˈgbɩɩ˗ ˗ee? (Jos. 1:8) ˗Ya kë ꞊dhɛ ˗yö ˈˈdhʋ̈, ˗dhioo ˗nu ˈwo yö ˗kwaa ˈbhaa ˗nu ˈgüdan:

• Pë ˈbhaa ˈö dho kwa ˗zo ˗bo, ˗kwaa kë. ˗Kwa ˈˈlɛlɛ ˈbhaa ˗ya kwa ˗bha telefɔnö ˗ta kö kwa ˗bha Biblö ˗wopösü ˈˈtʋ̈ŋ ˗ya ˗lo, ˗yö ˈˈwɩ.

• ˗Kwa kwa ˗bha Biblö wɔ kwa ˗kɔ ˈˈsuee. ˗Ya kë ꞊dhɛ ˗a ˈsëëdhɛ ˗be ˗mü, ˗kwaa wɔ ˗dhɛ ˈö kwa ˈˈɲan dho ˗da ˗a ˗ta ˈˈvaandhö bhë ˗a ˈgü.—Deut. 11:18.

• ˗Kwaa ˗da ˈˈtʋtobhapë ˈgü. Kwa yö ˈbhaa ˗nu kë ˗ni ˈgü, ˗kwa kwa ˈˈtʋ ˈto Biblö ˗wopösü ˗bha. Kwa ꞊dhegblüdhe do ˈwo˗ ˗dhɛ Tara ˈö yökë gbeŋ bhë, ˗ya ˗pö: «A n ˗man ˈkɔɔ ˗yö ˗nu kë ˗ni ˈgü, ˈman n ˈˈtʋ ˈto Biblö ˗wopösü ˗bha ˗yö n ˗takun ˈa Biblö ˗wo pö yi ˈˈpɛpɛ ˈka.»

• Kwa ˈgü ˈya ˗dho ga. ˈWɔn ˈbhaa ˈö ˗kan kwa ˈgü ˗a ˗wɔn ˈgü kwa ˈti ˗mɔn Biblö ˗wopösü ˗bha ˈˈtʋ̈ŋ ˈö kwa ˗zo ˈˈpiʋ̈ ˗be ˗a ˈgü, ˗kwaa ˈˈɲan ˈbhaa ˗wo pö kö ˈkwa ꞊kun yi zë. ˈKö ˗de ˗a ˈˈɲan ˈsɛɛn˗ ˈdɛdɛ ˗mü, kwa ꞊mɔɔn˗ ˗bha ˈkwa ˈwɔn ˗së ꞊slɔɔ ˗a ˈgü.—1 Piɛ. 2:2.