ˈMën ˗Zlan ˗bha ˗Gblüdëdhɛ ˗dho ˗a kë ˈö ˗gban kwa ˈˈdhɛkësü ˗bha?

«Korona ˗yua ˗bha ˗dho ˈˈshia˗ ˗sü ˈö ˈˈkpɔnŋtaadhɛ ˗todhʋ̈sü ˈgü bhë, ˗a ˗gɛn ˈyaa ˈnën ˗tɔ ꞊dhɛ ˗ya ɲën ˈpapadhö. [...] ˈˈYua suu ˈö bhë ˗a ˈˈwɛɛ ˈbha ˗ya nu, kwa dua ˗mü kö ˈkwa kë baaˈˈ ˗sü ˈka.»—˗Kwɛ 2023 ˈMɛn 22, ꞊Dhɔtrɔɔmi Tedrosö Adanɔmö Gebreyesusö, Mɛn ˈˈdhɛkësü ˗kɔlokota ˈö ˈˈkpɔnŋtaadhɛ ˗todhʋ̈sü ˈgü ˈwo˗ ˗dhɛ OMS, ˗a ˗gɔmɛn.

꞊Dɛɛ mɛn ꞊vadhɛ ˈwaa wo ˈflëë˗ ˈgü, ˈgo mü ˈzü ˗an ˗gɔ ˈgü ˗ya dɔ ˗gbɔudhö korona ˗yua ˈkosɔn. ˈˈYua suu ˈö ꞊dhɛ korona ˈdhö bhë ˗a ˈˈwɛɛ ˈbha ˗ya ˗pɛn ˈˈkpɔnŋ ꞊taa, ˈˈsɛgɔdhiʋ̈mɛn ˗nu waa mɛn ˈˈdhɛkësü ˗kɔlokota ˗nu ˗wo baaˈˈ ˗sü ˈka˗ ˗bha ˗ee? ˗Wo ˗dho kwa dha ˈˈyua ˗nu ˈwo kwa sëë bho ˗ni ˈgü ˈˈtʋ̈ŋ yö˗ ˈgü bhë, ˗an ˗gɔ ˗ee?

Biblö ˗yö mɛnkɔɔnsü ˈbha ˈö ˗dho ꞊mɔɔn˗ ˗bha kö ˗yö kwa ˈˈdhɛkë ˗së ˈka, ˗a ˗wɔn ˗blɛɛ. ˗Ya ˗pö «˗Zlan ˈö dhaŋ˗ ˈgü, ˗yö ˗dho ˗gblüdëdhɛ do» ɛɛnˈˈ mɛnkɔɔnsü do «˗ya.» (Daniel 2:44) Mɛnkɔɔnsü ˈö bhë ˗a ˗kɔ ꞊löö, «mɛn gbɛ˗ yö ˈti ˗dho ˗a pö ˈzü: ‹ˈMaan n ˈflëë˗ ˈgü.›» (Isaïe 33:24) Mɛn ꞊gban ˗dho kë ˈˈklʋ̈ʋ̈klʋ̈ ˈö ˈwo ˗kë ˗dɛɛ.—Job 33:25.