Mɛn ˈˈmliɲɔn 6 ꞊nën korona ˗ya ˗an zë: ˈMën Biblö ˗ya pö?

Mɛn ˈˈdhɛkësü ˗kɔlokota ˈö ˈˈkpɔnŋtaadhɛ ˗todhʋ̈sü ˈgü ˈwo˗ ˗dhɛ OMS bhë, ˗ya ˗pö ꞊dhɛ ˈdhɛ ˈkwa dɔ ˗kwɛ 2022 ˈMɛn ˈˈsu 23 ˈka, kö mɛn ˗nu ˈwo ga korona ˗kɔa ˗wa ˗da mɛn ˈˈmliɲɔn 6 waa mɛn ˈˈgblü 270.000 ˈgü. ˈˈKɛɛ nɔɔn˗ ˈbhaa ˈwo˗ pö ˗kwɛ 2022 ˈMɛn ˈˈsu 5 ˈka, ˗wa ˗pö ˗a ˈgü ꞊dhɛ mɛn ˗nu ˈwo ga ˈˈyua bhë ˗a ˗kɔa bhë, ˗wo ˗ʒiö mɛn ˈˈdhi ˈö bhë ˗a ˗ta ꞊gblɛɛn. ˗Yö ˗kun pö ˗sü ˈka˗ ˈgü ꞊dhɛ ˗kwɛ 2021 waa ˗kwɛ 2022 ꞊zinŋ ˈgü, «mɛn ˈˈpɛpɛ ˈwo ga korona ˗kɔa ɛɛnˈˈ ˈö kë ꞊dhɛ ˗yö ꞊nën ˈö ˗an zë bhë, ˗wo ˗mɔɔn mɛn ˈˈmliɲɔn 14 waa mɛn ˈˈgblü 900.000 ˗bha.» Biblö ˗yö ˈwɔn ˈbha ˗pö ˈö ˗gban ˈwɔn yaa suu ˈˈsinman ˈö ˈˈdhʋ̈ ˗a ˗bha ˗ee?

Biblö ˗ya ˗to ˈˈdhiʋ̈ ˈö˗ pö ꞊dhɛ ˈˈyua yaya ˗nu ˗dho nu

•  Yesu ˗ya ˗to ˈˈdhiʋ̈ ˈö˗ pö ꞊dhɛ «ˈˈyua yaya ˗nu» ɛɛnˈˈ ˈˈyua ˗nu ˈwo mɛn zë ˗wo ˗dho ˈsɔ «ˈˈkpʋngtaadhɛ yën ˈˈtʋ̈ng» ˈgü.—Dhukö 21:11; 2 Timote 3:1.

Pë ˈö Yesu ˈö˗ pö bhë ˈnën kë ˗ni ˈgü ꞊dɛɛ. ˈÜ˗ ˈˈpiʋ̈ ˈü˗ ˈbha ˈgüman ˈwɔn ˗gɔ « Quel est le signe des « derniers jours », ou « temps de la fin » ? ˗wo pö.

Biblö ˗yö kwa ˗zogban

•  «˗Zlan [...] ˈö mɛ ˗zʋ ˗gban ˗kɔ ꞊gban ˗kɔ ꞊gban ˈgü [...] ꞊në yi ˗zʋ ˗gban ˈˈyënng ꞊gbaɔndhe ꞊gban ˈˈpɛpɛ suu ˈgü.»—2 Kodhɛngtö 1:3, 4.

Mɛn ˗nu ˈö ˗an dhɔɔbhaamɛn ˈbha ˈö ga, nɔɔnwo ˈö Biblö ˈgü ꞊nën ˈö ˗an ˗zogban. ˈÜ˗ ˈˈpiʋ̈ ˈü˗ ˈbha ˈgüman, ˗bhö ˈwɔn ˗gɔ ˗nu « Comment revivre : ce que vous pouvez faire » waa « Une aide incomparable » ˗nu ˗wo pö.

Pë ˈö dho ˈwɔn ˗nu ˈˈɲan bhɔ ˗tokpa ˈka Biblö ˗ya ˗blɛɛ

•  «I ˗bha ˗gblüdëdhɛ ˗yö nu, i dhɔɔbhaawɔn ꞊në ˗yö kë ˈˈkpʋng ꞊taa ꞊dhɛ ˗kɔ ˈö˗ ˈka dhang˗ ˈgü ˗a ˈdhö.»—Matiö 6:10.

˗A ˈˈtʋ̈ŋ ˗ya ˈto ꞊klöö˗ kö «˗Zlan ˗bha ˗Gblüdëdhɛ» ˗yö ˈwɔn ˈbha ˈö dho ˗a ˗kë ˈö «mɛn gbɛ˗ yö ˈti ˗dho ˗a pö ˈzü: «ˈMaan n ˈflëë˗ ˈgü» ˗a kë. (Makö 1:14, 15; Isaïe 33:24) Video ˗Mën ˈö ˗tɔ ˗Zlan ˗bha ˗Gblüdëdhɛ? ˗ga kö ˈwɔn ˈö ˗gban mɛnkɔɔnsü ˈö bhë waa pë ˈö dho ˗a kë ˗an ˗bha, ˈü˗ dɔ.

Yi˗ ˗dhɛ ü ˗gɔ kö pë ˈö Biblö ˗ya pö ˈü˗ ˈbha draanˈˈ kë ˈˈdhʋ̈ kö ˗dhioo ˗së ˗nu ˈwo˗ ˈgü waa pë ˗nu ˈö ˗an ˈˈplüün bho, ˗wo ˈwɔn ˗së kë kaa ü ˗bha ˈkɔdhigümɛn ˗nu ka ˗dhɛ.