Kwa ˗wo ˗yö kë ˈˈnɛɛnnɛn

Pë ˈö Pɔdhö ˗ya ˗kë

VIDEO: Pɔdhö ˗yö ˗zlanwopö Atɛnö ˗mɛn ˗nu ˗dhɛ

1. VIDEO ˈö yö ˗a ˗ga ɛɛnˈˈ Këwɔn ˗nu 17:​22, 23 ˗wo pö. ˈBha ü bo, ˗bhö ü ˗zota dhɛɛˈˈ ˗nu ˈö ˈwo yö ˗an ˈgü:

1. ˗Dhɛ ˈö Pɔdhö ˈˈɲan ˗yö ˗da ꞊sua ˗zlan ˗nu ˈö ˈwo kun ˗an ˗dhɔkë ˗ni ˈgü Atɛnö bhë ˗an ˈgü, ˗yö ˗kë ö ˗de ˈgü ˗kɔ ˗kë ꞊dhɛ?—Kpɔɔˈˈ Këwɔn ˗nu 17:16 ˗bha.

2. Pɔdhö ˗yö ˗bɔ pë ˗nu ˈö ˈwo kun wo ˗zoyö ˗ni ˈgü ˗an ˗dhɛ ˗bhë ˗an ˗ta ˗kɔ ˗kë ꞊dhɛ ˈö ˈwɔn ˗taɔŋ ˗së pö ˗an ˗dhɛ?

˗Gleŋ ˗mɛɛn ˈö Pɔdhö ˗ya ˗da kwa ˗bha?

2. ˈKwa kwa ˈˈtʋ̈ŋ kë ˗së ˈka ˈpë ˈkwa˗ pö, ˗a pö ˗kɔ waa ˈˈtʋ̈ŋ ˈö ˈkwa˗ pö ˗a ˈka ˗an ˈgü, ˗yö ꞊mɔɔn˗ ˗bha ˈö˗ ˗kë ˈö mɛn ˗nu ˗wo wo ˈˈtʋ to kwa ˗wo ˗bha.

˗Kwa ʒiö Pɔdhö ˗bha ˈwɔnzuan ˈˈpiʋ̈

3. ˗Kwa kwa ˗kɔ ˈˈyɛ ˗së ˈka ˗wo ˈö ˈkwa ˗dho ˗a pö, ˗a ˗bha. ˗A ˈwɔnzuan ˈö ˈdhö ˈyö ˗tɔ ˈkwa dhiaŋ zë ˗ni ˈgü mɛn ˈbha ˈö ˈyaa kletiɛn ˈka ˗a ˗dhɛ, ˗a ˈbha ꞊ya kë kö kwa ˗dua ˗mü kö ˈkwa baaˈˈ ˗kɔ ˈö ˈkwa dho Biblö ɛɛnˈˈ Yesu ˗wɔn dhiaŋ zë ˗a ˈka, ˗a ˗bha.

4. ˈKwa ˈdho ˗a pö mɛn ˗nu ˗dhɛ ˈˈvaandhö ꞊dhɛ pë ˈö ˈwo˗ pö bhë, yaa gagade ˈka. ˗Kwa kwa ꞊kwaa ˗an ˗zü kö ˗wo ˈwɔn blɛɛˈˈ wo ˈflëë˗ ˈgü. ꞊Ya kë ꞊dhɛ pë ˈö ˈwo˗ pö ˈyaa˗ ˗dhɛ ˈö Biblö ˗ya pö ˗a ˈka, ˈkwa ˈdho ˗a kë zɔɔdhe ˈka. (Zak. 1:19) ˈKwa kwa ˈˈtʋ ˈto ˗an ˗bha ˗së ˈka, kwa ˗dho pë ˈö ˗an zuʋ̈ˈˈ ˈˈpiʋ̈ ˗a ˗bhokoo dɔ.—Prov. 20:5.

5. ˗A ˗dhɛa kë ˗a ˗bha, ˗kwa ˈˈwɩ pë ˈö ˈwo˗ pö ˗a ˗bha kö ˈkwa ˗an ˈˈnuɛ bho. ˗Yö ꞊mɔɔn˗ ˗bha ˈö ˗kë mɛn ˗nu ˈgü ꞊dhɛ ˗zlanwo ˈö ˈwo˗ gü bhë ˈnën ˗së ꞊dedewo. ꞊Ya kë ˈˈdhʋ̈, ˗kwa ˈˈdoo züdɔ ˈwɔn ˈbha ˈö kwaa˗ ˗nu kwa ˗wo ˈö ˗dho kë ˗a ˈgü do ˗a ˗ta. ˈKwa kwa bo, ˗kwa ˗an ˗takun ˈˈdhiʋ̈ ˈˈdhiʋ̈ kö pë ˈö Biblö ˗ya pö, ˗wa dɔ.