˗Kwa ꞊kwaa ˈˈdoo ˈzü kö ˗yö ˈdho ˈˈdhiʋ̈ ö ˗de ˈka

Pë ˈö Fidhipö ˗ya ˗kë

VIDEO: Fidhipö ˗yö ˗zlanwopö ˗ni ˈgü Etiopi mi ˈbha ˗dhɛ

1. VIDEO ˈö yö ˗a ˗ga ɛɛnˈˈ Këwɔn ˗nu 8:​30, 31 ˗wo pö. ˈBha ü bo, ˗bhö ü ˗zota dhɛɛˈˈ ˗nu ˈö ˈwo yö ˗an ˈgü:

1. Fidhipö ˗yö ˈˈdoo zü ˗dɔ ˗kɔ ˗kë ꞊dhɛ?

2. ˈMën ˗kë ˈkwa ꞊mɔɔn˗ ˗bha ˈkwa˗ pö ꞊dhɛ ˈˈdoo züdɔ ˗kɔ ˗së waa gagade ˗zɔn mɛn ˗nu ˗dhɛ ˗kɔ ˗së ˗mü?

˗Gleŋ ˗mɛɛn ˈö Fidhipö ˗ya ˗da kwa ˗bha?

2. ˈKwa ꞊kwaa ˈˈdoo ˈzü kö ˗yö ˈdho ˈˈdhiʋ̈ ö ˗de ˈka, ˗yö ˗dho ˗a kë ˈö ˈmɛn ˈö ˈkwa ˈˈdoo dɔ ˗ni ˈgü ˗a ˈˈpiʋ̈ ˈö ˗kë ˈö ˗de ˈgü ˗së, ˈö ö ˈˈtʋ to kwa ˗bha.

˗Kwa ʒiö Fidhipö ˗bha ˈwɔnzuan ˈˈpiʋ̈

3. ˗Kwa kë ˈwɔn ˈsuan˗ bho ˗mɛn ˈka. Mɛn ˈbha wëëdhɛ waa˗ ˗bha ˗pa ö ˗de ˈka ˗kɔ ˗nu ꞊mɔɔn˗ ˗bha ˈö ˈwo˗ ˗kë ˈö ˈwɔn ˈö ˗gban ˗a ˗mɛn ˗bha, ˈkwa˗ ꞊va dɔ. ˗A ˗mɛn ˗ya ˈˈpiʋ̈ ˈö ˈˈdoo dɔ kwa ˈˈpiʋ̈ ˗ee? Kwa ꞊mɔɔn˗ ˗bha ˈkwa gagade ˈö Biblö ˈgü ˗a ˗wɔn ˗blɛɛ ˗a ˗dhɛ dhɛɛˈˈ ˈnën ˈö yö ˗a ˗kpɔ ˗a ˗gɔ ˗sü ˈka: «Ü˗ ˈwɔn ˗dɔ ꞊dhɛ . . . ?» Mɛn ˈö ˈyaa˗ ˈˈpiʋ̈ kö ˗yö ˈˈdoo dɔ kwa ˈˈpiʋ̈, ˈkwa ˈdho ˈˈdoo ˗gban ˗a ˗bha ˈˈgbɩɩdhɛ ˈka.

4. ˗Kwa kwa zuʋ̈ˈˈ kë ˗saa. ˈYa ˈdho kë kwa ˈgü ꞊dhɛ ˈˈgbɩɩdhɛ ˗mü kö ˈkwa ˈˈdoo züdɔ Biblö ˈˈɲan ˈbha ˗ta. ˗Kwa kwa ˈˈɲan ˈto kö ˗a ˗zɔn mɛn ˗nu ˗dhɛ ˗sü ˈˈtʋ̈ŋ ˗së ˗yö ˗wo ö ˗de ˈka. ˗Yö ꞊mɔɔn˗ ˗bha ˈö ˗kë ˗ʒiaanwo ˈˈtʋ̈ŋ ɛɛnˈˈ yi ˈˈwɛɛ ˈka.

5. ˗Kwa kwa ˗bha ˈwɔn kë ˗kɔ ˗nu ˗bɛ mɛn ˗nu ˗bhaa ˗bha. Mɛn ˈö ˈkwa ˈˈdoo dɔ ˗ni ˈgü ˗a ˈˈpiʋ̈ ꞊mɔɔn˗ ˗bha ˈö dho ˈˈdoo ˈka ˗dhɛ ˈˈwɛɛ ˈgü. ˗Ya kë ˈˈdhʋ̈, ˗kwa pë ˈbha ˈö ˗dho ˗a ˗mɛn ˗takun ˗a blɛɛˈˈ, ˈkö ˗kë ꞊dhɛ ˗a ˗pë ˈyaa ˗gban gagade ˗dhɛ ˈö ˈkwa kun ˗a ˈˈpiʋ̈ ˗be ˈkwa˗ ˗zɔn ˗a ˗dhɛ bhë, ˗a ˗bha.