˗Kwa kwa ˗de ˗ya mɛn ˈˈwɛɛ ˗nu ˗duɛɛ ˈgü

Pë ˈö Yesu ˗ya ˗kë

VIDEO: ˗Wëë ˗yö ˗bɔ Yesu ˗ta mɛn kpö ˈbhaa ˗wɔn ˈgü

1. VIDEO ˈö yö ˗a ˗ga ɛɛnˈˈ Makö 6:​30-34 ˗wo pö. ˈBha ü bo, ˗bhö ü ˗zota dhɛɛˈˈ ˗nu ˈö ˈwo yö ˗an ˈgü:

1. ˈMën ˗kë ˈö Yesu waa ö ˗bha gwëëˈˈ ˗nu ˈwo kun ˗a ˈˈpiʋ̈ kö ˗wo ˈdho ˗dhɛ ˈbhaa «ˈö ˈwo dho wo ˗dɩ ˗slɔɔ ˗bha» ˗a ˈgü?

2. ˗Mën ˈö Yesu ˗blü mɛn kpö bhë ˗a ꞊klaŋ kë ˗sü ˗bha?

˗Gleŋ ˗mɛɛn ˈö Yesu ˗ya ˗da kwa ˗bha?

2. Kwa ˗de ˗ya mɛn ˈˈwɛɛ ˗nu ˗duɛɛ ˈgü ˗sü ˗ya ˗kë ˈö ˈkwa kwa ˈˈtʋ̈ŋ ˗kë ˗an ˈgü, ˈö ˈkwaa ˗ya dosɛnŋ nɔɔn˗ ˈö ˈkwa ˗dho ˗a pö ˗an ˗dhɛ ˗a ˗wɔn zuën ˗ta.

˗Kwa ʒiö Yesu ˗bha ˈwɔnzuan ˈˈpiʋ̈

3. ˗Kwa kwa ˈˈtʋ ˈto mɛn ˗nu ˗bha ˗së ˈka. ˗Kwa mɛn ˗nu ˈto mü kö pë ˈö ˗an zuʋ̈ˈˈ ˈˈpiʋ̈ ˗wa blɛɛˈˈ. ˈWo ˈwɔn blɛɛˈˈ ˗ni ˈgü, ˈkwa ˈdho ˗an ˗bha dhiaŋ ˈˈkan ɛɛnˈˈ ˈkwa ˈdho ˈwɔn ˈˈwɛɛ ˗da ˗a ˈgü. ˈKwa kwa ˈˈtʋ ˈto mɛn ˗nu ˗bha ˗së ˈka, kwa˗ ˗zɔn ꞊dhɛ kwa ˈˈtʋ̈ŋ ˗yö ˗kɔ ˈö ˈwo ˈwɔn ˗nu yö ˗a ˈka, ˗a ˈgü.

4. ˗Kwa kwa ˗zota kwa ˗bha ˗womɛndhɛsü ˗nu ˗wɔn ˈgü. ˗Kwa ˗gban ˈˈdoo ˈö ˈkwa˗ dɔ ˗an ˈˈpiʋ̈ ˗a ˗ta kö ˈkwa kwa ˗de dhɛɛˈˈ ˈkpɔ:

1. ‹ˈMën ˗kë ˈö˗ ˗bhawɔn ˈdhö gagade man ˗sü ˗bha?›

2. ‹Biblö draansü ˗dho ˗a ˗bha ˗tosɛta waa˗ ˗bha ˗dhɛkpaɔ dhiʋ̈ˈˈ kë ˗së ˗kɔ ˗kë ꞊dhɛ?›

5. Pë ˈö ˗dho ˗an ˗takun ꞊nën ˈkwa˗ ˗wɔn blɛɛˈˈ. ˗Kɔ ˈö Biblö draansü ˈö ˗dho ˗an ˗takun kö ˗wo wo ˗bha dhɛɛˈˈ ˗nu ˗yɔ ꞊slɔɔ, ˈgo mü ˈzü kö ˗an ˗bha ˗tosɛta ˗yö kë ˗së, ˗kwaa ˗zɔn ˗an ˗dhɛ ˈˈvaandhö.