˗Kwa kë ˗zlanwopömɛn ˗tiaandhö ˈka: ˗Zlanwopö ˗wo ˈˈwɛɛ pömɛn ˗nu ˗dhɛ ˗sü ˈka

˗Mën ˈö ˗kë ˈö˗ ˗wɔn ˈdhö ˈˈgbɩɩ˗: “Mɛ ˈˈʋʋ mɛ ˈö go ˈˈsɛ ˈˈʋʋ ˈˈsɛ ˈö˗ ˈgü,” ˗an ˗bha ˗Zlan dɔ ˗sü ˗wɔn ˗yö Zoova ˗gɔ ˈˈgbɩɩ˗. (Këwɔn ˗nu 10:34, 35) ˗A ˗wɔn ˈgü, Yesu ˗ya ˗pö ˈwɔn ˗tɔŋ ˗së dhiaŋ ˗dhö zë “ˈˈsɛ ꞊gban ˈˈpɛpɛ ˈgü,” “mɛn ꞊gban ˈˈpɛpɛ ˗dhɛ.” (Mat. 24:14) Zekaria ˗ya ˗to ˈˈdhiʋ̈ ˈö˗ pö ꞊dhɛ “˗wo ˈˈpɛpɛ ˈwo ˈˈsɛ ˗gɔ ˗nu ˈgü” bhë, ˗an pömɛn ˗nu ˗dho ˗a man ˈwo ˗we ˗a ˗bha. (Zek. 8:23) ˈˈƝɛɛn ˈö bɔmɛn Zan ˗ya bho bhë, ˗ya ˗zɔn ꞊dhɛ mɛn ˗nu ˈwo dha ˈˈklʋʋbhɔdhe ˈkpii˗ ˗gɔ bhë, ˗wo ˗dho ˈgo˗ “ˈˈsɛ ˗gɔ ˈdo ˈdo ꞊gban ˈgü, ˈˈsiya suu ˈdo ˈdo ꞊gban ˈgü, mɛ suu ꞊gban ˈˈpɛpɛ ˈdo ˈdo, waa ˗wʋ suu ˈdo ˈdo ꞊gban pö ˗mɛn” ˗nu kpö ˈgü. (˗Dhɛ. 7:9, 13, 14) ˗Wo ˈö Biblö ˗ya to ˈˈdhiʋ̈ ˈö˗ pö bhë, ˗a ˗bhaa kë ˗sü ˗wɔn ˈgü, ˈkwa ˗kpan mɛn ˈö ˗wo ˈˈwɛɛ pö ˗a ˗bha kwa ˗bha ˗zlanwopödhɛ ˈgü, kwa dua ˗mü kö ˈkwa ˗zlanwopö ˗a ˗dhɛ.

Kwa ˗dho ˗a kë ˗kɔ ˗kë ꞊dhɛ?

• ˗Bhö ü ˗de baaˈˈ. ˈSëëdhɛ ˗be ˈnën Une bonne nouvelle pour des gens de toutes nations ˗yö kë ü ˗gɔ ˈˈkpɔɔ ˈgü ˈˈtʋ̈ŋ ꞊gban ˈka. ˗Dhioo ˗nu ˈwo ˗a ˈsëëdhɛ ˗be ˈnën züdɔdhɛ ˈgü, ˈö ˗an ˗gɔ ˗kë « Comment aider quelqu’un qui parle une langue que vous ne connaissez pas » ˈka bhë, ˗bhö ˗an draanˈˈ. ˗Wo ˗nu ˈü ˗dho ˗kpan ˗an pömɛn ˗nu ˗bha ˗zlanwopödhɛ ˈgü, ˗bhö ˗an ˈto ˈˈdhiʋ̈ ˈü ˗an draanˈˈ, kö video ɛɛnˈˈ ˈsëëdhɛ ˗be ˗nu ˈwo ˗wo ˗nu bhë ˗an ˈgü, ˈü ˗an ˈsü ü ˗bha telefɔnö ˈgü jw.org ˗ta. Ü ꞊mɔɔn˗ ˗bha ˈü ˗dho application JW Language ˗ta kö ˈü ˗wo ˗nu ˈwo bhë ˗an pö ˗kɔ draanˈˈ. ꞊Ya kë ꞊dhɛ ˗zlanwokɔdhi ˗nu ˈö ˗an ˈgümɛn ˗nu ˈwaa ˗wo do pö, ˗wa ˗zlanwopö ˗dhɛ do ˈgü, ˗wo ˈö ü ˗bha ˗zlanwokɔdhigümɛn ˗wa pö, ˗a ˈsëëdhɛ dosɛnŋ ꞊nën ˈü ˗dho ˗an ˈsü kö ˈü ˈdho ˗zlanwopö ˗a ˈka ˈkɔ ˈgü ˈkɔ ˈgü. ˈˈKɛɛ, ꞊ya kë ꞊dhɛ ü˗ ˈˈpiʋ̈ ˈü ˗zlanwopö ˈˈdhɛɛtadhɛ ˗nu ˈö mɛn ˗nu ˗wo ꞊va pö mü ˗a ˈgü, ˗wo ˗nu ˈü ꞊mɔɔn˗ ˗bha ˈü ˗kpan ˗an pömɛn ˗nu ˗bha mü, ˗bhö ˗an ˈsëëdhɛ ˈsü ü ˗ta.

• ꞊Ya kë ꞊dhɛ ˈbha ˗kpan ˈmɛn ˈö ˈyaa ü ˗wo pö ˗a ˗bha, ˗bhö dɔ ˈˈgbɩɩ˗ kö “˗Zlan ˗bha ˈwɔn ˗së” ˈö˗ ˗kë bhë, ˈü˗ ˗wɔn blɛɛˈˈ ˗a ˗dhɛ ˗a ˗de ˗wo ˈgü. (Këwɔn ˗nu 2:11) ˗A pö ˗a ˗dhɛ ˗yö ˈdho jw.org ˗ta kö ˗ya ꞊va ˈbhaa ˈgüman ö ˗de ˗wo ˈgü. ꞊Ya kë ꞊dhɛ ꞊ya˗ ˗zɔn ꞊dhɛ ˗yö ö ˗dhɛ ˗së, ˗bhö ˈto ˈˈshia˗ mü ˈü pë ˗ya Veuillez suivre l’intérêt (S-43) ˗ta, kö ˈü nu ˈsëëdhɛbɛnzëmɛn ˈö ˗zlanwokɔɔdhö ˗a ˗dhɛ. ˗Yö dɔ kö ˗zlanwopömɛn ˈö˗ ˗wo pö ˗yö ˗kpan ˗a ˗bha bhë, ˗bhö ˗wo ˗a ˗dhɛ kpɔɔkpɔdhö.

˗Ka pë ˈö yö˗ ˈgüdan ˈˈsu ˈö yö˗ ˈgü:

• Ka ˗bha ˗Zlan gba ˗sü ˈö ˈkɔdhi ˈgü ˗a ˈˈtʋ̈ŋ ˈgü, ˗ka ˗zlanwopö ˈmɛn ˈyaa ka ˗wo pö ˗a ˗dhɛ ˗sü draanˈˈ.