Biblö ˗yö dhebɔ ˈö˗ ˗kɔ ꞊mɔɔn ˈwɔn ˗bha, ˗a ˗wɔn ꞊blɛɛ

˗Dhioo ˗së ˗nu ˈö ˗Gblüdë Dhemiɛ dhe ˗ya dɔ ˗a ˗ta, ˗wo Proverbes 31 ˈgü. ˗Dhioo ˗nu ˈwo bhë, ˗dho ˗a ˗takun kö ˗yö dhebɔ ˈö˗ ˗kɔ ꞊mɔɔn ˈwɔn ˗bha, ˗a dɔ.

Dhebɔ ˈö˗ ˗kɔ ꞊mɔɔn ˈwɔn ˗bha, ˗wo ꞊mɔɔn˗ ˗bha ˈwo wo ˗zoyö ˗a ˗dhɛ

31:10-12

• ˈWɔn ˗nu ˈwo ˗gban ˈkɔdhi ˗wɔn ˗nu ˗bha, ˗ya ˗gleŋ ˗së ˗zɔn. ˈˈKɛɛ ˗ya ˗zɔn ö ꞊gɔn ꞊bhlëë ˗ya ˗sü ˈka.

• ˗A ꞊gɔn ˗yö ö ˗zoyö ˗a ˗dhɛ. ˈYaa˗ pö ˈˈflɔsɩ ˈka ꞊dhɛ ö ˗bha ˗yö ˈto ˗a ˗bha.

Dhebɔ ˈö˗ ˗kɔ ꞊mɔɔn ˈwɔn ˗bha, ˗yö yö ˗kë

31:13-27

• ˗Yö ˈwëëga ꞊kɔɔn ˗së ˈka, kë ˈˈdhʋ̈ kö ˗bhöpë ˈya ˈdho ɲën, kö ˗a ˗bha ˈkɔdhigümɛn ꞊gban ˗wo wo ˗bun ˗bha pë ꞊slɔɔ.

• ˗Yö yö ˗kë ꞊dedewo, ˈö ö ˗zokë ö ˗bha ˈkɔdhigümɛn ˗nu ˈgü ˈˈtʋ̈ŋ ˈˈpɛpɛ ˈka.

Dhebɔ ˈö˗ ˗kɔ ꞊mɔɔn ˈwɔn ˗bha, ˗Zlan ˗dhɔ ˗ya ˗kë

31:30

• ˗Yö ˗suö ˗Zlan ˗gɔ. Waa ˗Zlan ˗wo ˈˈtɔŋdë ˗së ˈka.