“˗Wa ˗bha ꞊gɔn ˗dɔ ˗së ˈka ö ˗bha ˈˈyasa ˈgü”

Dhebɔ ˈö˗ ˗kɔ ꞊mɔɔn ˈwɔn ˗bha, ˗a ˈˈta ˗kɔ ˗yö ˗yɛ ˗a ꞊gɔn ˗bha. ˗Gblüdë Dhemiɛ ˗bha ˈˈtʋ̈ŋ ˈka, dhebɔ ˈö˗ ˗kɔ ꞊mɔɔn ˈwɔn ˗bha, ˗wa ˗bha ꞊gɔn “˗dɔ ˗së ˈka ˗a ˗bha ˈˈyasa ˈgü.” (Pr 31:23) ꞊Dɛɛ gɔɔn˗ ˗nu ˈö ˗an ꞊bhlëë ˈdhö dhö, ˗wo ˗kë mɛn zii waa mɛn zii ˗kɔ ꞊wlöö ˗nu ˈka ˗zlanwokɔdhi ˗nu ˈgü. Kö ꞊duɛ suu ˈö ˈˈdhʋ̈, ˗wa dɔ ˗an ˗kɔ ˈka bhë, ˗an ˗bha dhebɔ ˈˈta ˗kɔ dua ˗mü kö ˗yö kë ˗së. (1Ti 3:4, 11) Dhebɔ ˗nu ˈö ˗an ˗kɔ ꞊mɔɔn ˈwɔn ˗bha bhë, ˗an ˗dhɔ ˗yö ˗zlanwokɔdhigümɛn ˗nu ꞊gban ˗kë.

Dhebɔ ˈö˗ ˗kɔ ꞊mɔɔn ˈwɔn ˗bha, ˗yö ö ꞊gɔn ˗takun...

• ˈˈdhiwo ˈˈnɛɛnnɛn ˗pö ˗a ˗dhɛ ˗sü ˈka.—Pr 31:26

• ˗we ˗a ˗bha ˗sü ˈka kö ˗yö ˗zlanwokɔdhigümɛn ˗nu ˗takun.—1Te 2:7, 8

• ˗tosɛta ˗bhaasü kë ˗sü ˈka.—1Ti 6:8

• ö ꞊kwaa dhɛɛˈˈ ˗nu ˈö ˈwaa ˈkpɔ pë ˈka ˈwo ˗gban ˗zlanwokɔdhi ˗wɔn ˗nu ˗bha, ˗an ˗zü ˗sü ˈka.—1Ti 2:11, 12; 1P 4:15