˗Kwa kë ˗zlanwopömɛn ˗nu ˗tiaandhö ˈka: ˈˈDoo ˈö˗ ˈˈdhiʋ̈ ˗dho ˗ta ˗zlanwopösü ˗ta ˗a züdɔsü ˈka mɛn ˗nu ˈˈpiʋ̈

Yesu ˗yö ˗mɔɔn ˗zlanwopö Samadhi dhebɔ do ˗dhɛ ˗sü ˗bha ˈyö ˗tɔ ꞊dhɛ ˗ya ˗züdɔ ˈˈdoo ˈˈwɛɛ ˗ta. Kwa ˗dho ˗kë ˗zlanwopömɛn ˗nu ˗tiaandhö ˈka ˗kɔ ˗kë ꞊dhɛ ˗zlanwopö ˗dhɛŋ ˗nu ˗dhɛ ˗sü ˈka ꞊dhɛ ˗a ˈdhö?

• ˗Kwa ˈˈyɩɩ ˈto mɛn ˗nu ˈˈpiʋ̈, kö ˈkwa ˈwɔn blɛɛˈˈ ˗an ˗dhɛ. ˈKö kë ꞊dhɛ Yesu ˈgü ˗kun ga ˈgü ˗sü ˈka, ˗yö ˗zlanwopösü ˗züdɔ ˈˈyi ˗dhɛ ˗sü ˈka. ˗Dhɛ ˈö ˈˈdhʋ̈, kwa ˗de ˈpö kwa ꞊mɔɔn˗ ˗bha ˈkwa ˈˈdoo zübho mɛn ˗nu ˈˈpiʋ̈ ˗an ꞊tua bho ˗sü ˈka ˈˈwowosü ˈka. ˈKwa ˗an ꞊tua bho ˈˈdhʋ̈, kwa ꞊mɔɔn˗ ˗bha ˈkwa ˈwɔn ˈö ˗gban ˈˈtʋ̈ŋ ɛɛnˈˈ ˈwɔn ˈˈwɛɛ ˗bha, ˗a ˗wɔn ꞊blɛɛ. Kwa ˗zo ˈya ˈdho bhɔ ꞊dhɛ pë ˈö ˈkwa˗ ˈˈpiʋ̈ ˈyö ˗tɔ ˈˈdoo ˗zü ˗dɔ mɛn ˗nu ˈˈpiʋ̈ ˗sü. ˗Dhɛ ˈö ˈˈdhʋ̈, ˈpë ˈˈoo pë ˈö ˗dho kë ˗an ˗dhɛ ˗së, ˗kwaa ˗wɔn blɛɛˈˈ. ꞊Ya kë ꞊dhɛ ˈwii˗ ˗daa kë, kwa ˈgü ˈya ˈdho ga. ˗Kwaa ˈgüdan mɛn ˈˈwɛɛ ˈˈpiʋ̈. ˗Kwa bhɛɛˈˈ Zoova ˗dhɛ kö ˗yö ꞊faan nu kwa ˗dhɛ.—Ne 2:4; Kë 4:29.

• ˗Kwa ˈwɔn ˗taɔŋ ˗së ˗blɛɛ ˗an ˗dhɛ ˗sü ˈˈslö mɛɛnˈˈ, ˈˈkɛɛ ˈkwa ˈdho ˗a mɛɛnˈˈ ˗bia ˗ta. ˗Kwa kwa ˗bha ˈˈdoo dɔ kwa ˈflëë˗ ˈgü ˈkwa ˈdho ˗a ˈka ˈˈdhiʋ̈. ˈKwa˗ ˈˈpiʋ̈ ˈkwa ˗zlanwopö mɛn ˗nu ˗dhɛ ˈˈgbɩɩdhɛ ˈka, ˗yö ꞊mɔɔn˗ ˗bha ˈö ˗shiö ˗an ˗dhɛ ˈö ˈwo kwa ˗bha ˈˈdoo ˈˈdhiʋ ˗ta. ꞊Ya kë ꞊dhɛ ˈkwii ꞊mɔɔn ˗zlanwopö ˗an ˗dhɛ ˗sü ˗bha, kwa ˈgü ˈya ˈdho ga. ꞊Ya kë ꞊dhɛ ˗zlanwopö ˗dhɛ ˈˈoo ˗dhɛ ˈgü ˗sü ˗yö ˈˈsuʋ̈ ˗da kwa ˈgü, kwa ˈˈdoo ˈˈwɛɛ ˗dɔ mɛn ˗nu ˈˈpiʋ̈ ˗sü draanˈˈ. [Video 1 ˈˈwɩ kö ˈka˗ ˈˈdoo dɔ.]

• ˗Kwa ˗zlanwopösü ˈˈslö ˗mɛɛn ˈwɔn ˈbha ˈö ˗gban kwa ˗bha ˗zoyödhe ˗bha ˈö ˗dho ˗a ˗mɛn ˗blü kö ˗yö dhɛɛˈˈ ˈbha ˗nu ˈkpɔ kwa ˗gɔ, ˗a ˗wɔn blɛɛˈˈ ˗sü ˈka. ˈWɔnmɛnkunwɔn ˈö Yesu ˗ya ꞊blɛɛ bhë, ˗ya ˗kë ˈö dhebɔnën ˗bhë ˗yö dhɛɛˈˈ ˈkpɔ ˗a ˗gɔ. ˗Ya ˗bha dhɛɛˈˈ ˗nu ˗yɔ ˗bɔ ˈwɔn ˗taɔŋ ˗së ˗pö ˗a ˗dhɛ ˗sü ˈka. [Video 2 ˈˈwɩ kö ˈka˗ ˈˈdoo dɔ. ꞊Ya ɲën, video 3 ˈˈwɩ kö ˈka˗ ˈˈdoo dɔ.]