˗To ö duuˈˈ ˈka ˗sü: Kwa ˗dho ˗a kë ꞊dhɛ kö ˈkwa ˈgo kwa duuˈˈ ˈka?

• «Mɛn ˈˈgblʋ̈gblʋ̈ ˗nu ˈö ˈwo Zeta zuni, ˗an ˈˈgbu ˗ya ˗pö ꞊dhɛ ˗wo wo ˗de ˈgü wo duuˈˈ ˈka. Pë ꞊dede ˈö˗ ˗mɛn ˈdhɛ ˗nu ˈö ˗an ˗kwɛ ˈdhö 18 waa 25 ꞊zinŋ ˈgü ˈwo˗ pö ˈpö, yö bhë!»—˗Kwɛ 2023, Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community.

• «[Mɛn ˈˈdhɛkësü ˗kɔlokota ˈö ˈˈkpɔnŋtaadhɛ ˗todhʋ̈sü ˈgü ˈwo˗ ˗dhɛ OMS] bhë, ˗ya ˗pö ꞊dhɛ ˗ya mɛn kpönën ˈbha ˗ya kö ˗wo ˗dhɛga ˈwɔn ˈö ˗gban ˗to ö duuˈˈ ˈka ˗sü ˗bha bhë ˗a ˈgü ˈˈvaandhö, kö ˗wo mɛn ˗nu ꞊faan ˈmën ˈˈtɔŋdëdhɛ ˈkun ˗sü ˗bha, ˈgo mü ˈzü kö ˗wo ˈˈslö ˗nu ˈö ˈwo dho mɛn ˗nu ˗takun ˈˈkpɔnŋtaadhɛ ˗todhʋ̈sü ˈgü kö ˈwa ˈdho ˈto wo do ˈka, ˗an mɛɛnˈˈ.»—˗Kwɛ 2023 Novanblö 15, Mɛn ˈˈdhɛkësü ˗kɔlokota ˈö ˈˈkpɔnŋtaadhɛ ˗todhʋ̈sü ˈgü ˈwo˗ ˗dhɛ OMS

˗Dhioo ˗nu ˈö ˈwo ꞊mɔɔn˗ ˗bha ˈwo kwa ˗takun kö ˈkwa ꞊ɲɔɔn mɛn ˗nu ˗bha, kö ˈkwa ˈgo kwa do ˈka, ˗wo Biblö ˈgü.

Biblö ˗bha ˈtɔŋ˗ ˗gɛngbandhɛ ˗nu ˈö ˈwo ꞊mɔɔn˗ ˗bha ˈwo kwa ˗takun

Pë ˗nu ˈö ˈwo kwa bhɔ mɛn ˈˈwɛɛ ˗nu ˗dhɛ ꞊taa, ˗kwa ˗an kë ˗sü ˈdho ˈˈshia˗. ˗A pë ˗nu ˈwo ˈˈdhʋ̈, ˗a ˈbha ˈnën ˗tɔ ˗kë ˗kpankwëëdhɛ ˈö ɛntɛnɛtö ˗ta, ˗a ˗ta ˗sü ˈö ˈˈtʋ̈ŋ ꞊gban ˈka. ˈˈSanni ˈkwa ˈdho ɛntɛnɛtö ˗ta, ˗kwa ꞊ɲɔɔn mɛn ꞊dede ˗nu ˗bha ˗sü ˗ʒiaan mɛɛnˈˈ kö ˈkwa ˈˈtɔŋdëdhɛ ꞊dede ˈkun ˗an ˗bha.

• Biblö ˗bha ˈtɔŋ˗ ˗gɛngbandhɛ: «Mɛn ˈˈtɔŋdë ꞊dede ˈö bhë, mɛn ˗dhɔ ˗ya ˗kë ˈˈtʋ̈ŋ ꞊gban ˈka. Mɛn ꞊dhegblü ˈö bhɔ kö ˗yö mɛn ˗takun ˈˈtʋ̈ŋ ˈˈgbɩɩ˗ ˗nu ˈgü yö ˗mü.»—Proverbes 17:17.

˗Kwa mɛn ˈˈwɛɛ ˗nu ˗takun ˗sü ˗ʒiaan mɛɛnˈˈ. ˈWɔn ˗së ˗kë mɛn ˈˈwɛɛ ˗nu ˗dhɛ ˗sü ˗yö kwa ˗ɲɔɔn ˗an ˗bha, ˈˈkɛɛ ˗ya ˗kë ˈpö ˈö ˈkwa ˗kë zuʋ̈gblüdhi ˈgü.

• Biblö ˗bha ˈtɔŋ˗ ˗gɛngbandhɛ: «ˈI ˗bha pë ˗nu mɛ ˗dhɛ ˗sü ˗yö i ˗bha ˈwɔn ˗së ˈkpii˗ ˈka ˈö ꞊ziö˗ mɛ ˗bha pë ˗nu i ˗dhɛ ˗sü ˗taˈ bha˗ ˗ta.»—Këwɔn ˗nu 20:35.

˗Bhö ˈdho yi ˗bha ɛntɛnɛtö ˈˈnimlɔn ˗ta kö pë ˈö Biblö ˗ya pö ˈö ˗gban ˈˈtɔŋdëdhɛ ꞊dede ˈkun ˗kɔ ˗bha, ˈü˗ ꞊va ˈbha dɔ.