˗Kwɛ 2023: ˗Kwɛ ˈö mɛn ˗nu zuʋ̈ˈˈ ˈˈdhiʋ̈ ˗yö ꞊tɛɛ ꞊dedewo ˗a ˈgü, yö ˗mü: ˈMën Biblö ˗ya pö?

˗Kwɛ 2023 ˈka, ˈwɔn ꞊va ꞊dede ˗yö ˗kë ˈˈkpɔnŋtaadhɛ ˗todhʋ̈sʋ̈ ˈgü ˈö˗ ˗zɔn ꞊dhɛ kwa ˈˈtʋ̈ŋ ˈö Biblö ˗ya ˗dhɛ «ˈˈkpʋngtaadhɛ yën ˈˈtʋ̈ng bhë, ˗a ˈgü. (2 Timote 3:1) ˗Kɔ ˈö ˈwɔn ˗nu ˈwo kë ˗ni ˈgü ʒiaan ꞊gban ˈka ˈwo ˗bɛ ˗a ˈka pë ˈö Biblö ˗ya to ˈˈdhiʋ̈ ˈö˗ pö ˗yö ˗dho kë kwa ˗bha ˈˈtʋ̈ŋ ˈgü ˗a ˗bha, ˗bhö ˗a ˗ga.

Biblö waa ˈwɔn ˗nu ˈwo kë ˗ni ˈgü ꞊dɛɛ

«Ka ˗dho ˗gblü ˗da ˗wɔn ˗nu ma ka ˗züzü ˗dhɛ ˗nu ˈgü ˈö ˈka˗ ˗taɔng ˗nu ma ˗dhɛ ꞊gblɛɛn ˈgu.»—Matiö 24:6.

• «˗Gblü ˈˈgblʋ̈gblʋ̈ ˗nu ˗wo ˗da ˗ni ˈˈkpɔnŋtaadhɛ ˈˈpian ꞊va ˈgü.»a

«ˈˈSɛ ˈdhö ꞊zii ˗nu wo ˗dhɛ ˗nu ˈgü.»—Makö 13:8.

• «ˈÖ go ˗kwɛ 2023 zübhodhɛ ˗bha ˈö yö˗ ˈka ꞊dɛɛ ˗bha, ˈˈsɛ ˗yö ꞊zii ˗kɔ yaa ˗kë ˗gɛnɲan 13 ˈˈsɛ ˈˈpian ˈbha ˗nu ˈgü. ˈˈSɛ ˗bha ꞊zii ˗kɔ yaa suu ˈö bhë, ˈyii kë ˈˈdhʋ̈ do ˗kwɛ dosɛnŋ ˈgü.»b

‹ˈˈDhabhliwɔn ˗nu ˈö ꞊ya kë ˈö ˈˈsuʋ̈ ˗da mɛ ˈgü [˗dho] kë› —Dhukö 21:11.

• «ˈˈTʋ̈ŋ ˈö ˈkwa˗ ˈgü yö, ˈwaa˗ ˗dhɛ ˈzü ˈˈwo dɔ ˈˈtʋ̈ŋ, ˈyö ˗tɔ ˗ya ʒiö ˈˈwo dɔ ˗sü ˗ta.»—Antonio Guterɛsö, Nashiɔn zuni ˗bha ˈsëëdhɛ ˗bɛnzëmɛn ˈkpii˗.c

‹ˈˈVʋ̈ʋ̈ [˗dho] ˗da.›—Matiö 24:7.

• «˗Kwɛ 2023: ˗Kwɛ ˈö mɛn ˗nu ˈö ˗an ˗bha ˈkɔdhigümɛn ˗nu ˈˈdhiʋ̈ gba ˗sü ˈdhö ˈˈgbɩɩ˗, ˗an zuʋ̈ˈˈ ˈˈdhiʋ̈ ˗yö ꞊tɛɛ ꞊dedewo ˗a ˈgü, yö ˗mü.»d

«Yi ˈgbee˗ ˗yö ˗dho kë ˗dhö.»—2 Timote 3:1, NTBL.

• «ˈKwa mɛn ˈˈsaaga ˈsü ˈˈkpɔnŋ ꞊taa, ˗gɔ ˈgü dɔ ˗gbɔudhö ˗ya mɛn do ˗bha.»e

˗Mën ˈö ˈˈɲan ˈto ˗ni ˈgü kwa ˗gɔ ˗kwɛ 2024 ˈgü?

Pë ˈö ˈˈɲan ˈto ˗ni ˈgü kwa ˗gɔ ˗kwɛ 2024 ˈgü, mɛn ˈbha ˈyaa ꞊mɔɔn˗ ˗bha kö ˗ya pö ˈkpakpadhö. ˈˈKɛɛ ˈwɔn ˗nu ˈwo kë ˗ni ˈgü ˈˈkpɔnŋtaadhɛ ˗todhʋ̈sü ˗ta ˗wa ˗zɔn ꞊dhɛ ˗a ˈˈtʋ̈ŋ ˈyaa ꞊gblɛɛn ˈzü kö ˗Zlan ˗bha ˗Gblüdëdhɛ ɛɛnˈˈ ˗a ˗bha mɛnkɔɔnsü ˈö dhaŋ˗ ˈgü ˗yö yö mɛnbhɩɩdhe ˗nu ˗bha mɛnkɔɔnsü ˈˈpɛpɛ ꞊ʒiaandhö, kö pë ˗nu ˈö ˈwo nu saanˈˈ ˈka mɛnbhɩɩdhe ˗nu ˗ta, ˗yö ˗an bho ˈˈshia ˈpapadhö.—Daniel 2:44; ˗Dhɛkpaɔ dhiaˈˈ ˈsëëdhɛ 21:4.

ˈˈKɛɛ ˈˈsanni ˗a ˈˈtʋ̈ŋ ˗yö ˗wo, ü zuʋ̈ˈˈ ˈˈdhiʋ̈ ˈdhö ˈˈtɛɛ ˗ni ˈgü, ˗bhö bhɛɛˈˈ ˗Zlan ˗dhɛ kö ˗yö ü ˗takun. Biblö ˗ya ˗pö:

«ˈˈSuʋ̈ ˗ya ˗da n ˈgü, bhi ˈnën ˈa n ˗zo yö ü ˗dhɛ.»—Psaume 56:3.

Kwa ˗dho ˗a ˗zɔn ˗kɔ ˗kë ꞊dhɛ ꞊dhɛ kwa kwa ˗zoyö ˗Zlan ˗dhɛ? Yi ˗dhɛ ü ˗gɔ kö pë ˈö Biblö ˗ya pö ˈö ˗gban ˗dhɛkpaɔ dhiʋ̈ˈˈ, ˈö saanˈˈ ˈbha˗ ˈbha ˈyii ˈdho kë ˗a ˈgü ˈzü ˗a ˗bha bhë, ˈü˗ ꞊va ˈbha draanˈˈ. ˗Bhö yi ˗bha Biblö draansü ˈö ꞊dhɛ ˈˈdoodɔ ˗sü ˈdhö ˈö ˈwëëga bho ˗wɔn ˈyaa˗ ˈgü bhë ˗a ˈgüdan kö pë ˗nu ˈö Biblö ˗ya pö ˈö ˗gban kwa ˗bha ˗dhɛkpaɔ dhiʋ̈ˈˈ ˗bha, kaa ü ˗bha ˈkɔdhigümɛn ˗nu ˈka˗ ꞊trɔɔn ˗së yö.