˗Kwa ˈwɔn ꞊gban kë kö ˈkwa ˗an ˗takun

Pë ˈö Yesu ˗ya ˗kë

VIDEO: Yesu ˗yö Nikodɛmö ꞊klaŋ ˗kë

1. VIDEO ˈö yö ˗a ˗ga ɛɛnˈˈ Zan 3:​1, 2 ˗wo pö. ˈBha ü bo, ˗bhö ü ˗zota dhɛɛˈˈ ˗nu ˈö ˈwo yö ˗an ˈgü:

1. ˈMën ˗kë ˈö Nikodɛmö ˗yö dho Yesü ˈˈpiʋ̈ gbeŋ?—Zan 12:​42, 43.

2. ˈˈWɩ ˈö Yesu ˗ya ˗wo ˗a ˗bha kö ˗yö ˗kpan Nikodɛmö ˗bha gbeŋ bhë, ˗ya ˗zɔn ˗kɔ ˗kë ꞊dhɛ ꞊dhɛ ˗yö ˗kun ˗a ˈˈpiʋ̈ ꞊dedewo kö ˈö˗ ˗takun?

˗Gleŋ ˗mɛɛn ˈö Yesu ˗ya ˗da kwa ˗bha?

2. ˈKwa ˈwɔn ꞊gban kë kö ˈkwa mɛn ˗nu ˗takun kö ˗wo kë Yesu ˗bha gwëëˈˈ ˈka, kwa˗ ˗zɔn ꞊dhɛ ˗an ˗dhɔ ˗yö kwa ˗kë.

˗Kwa ʒiö Yesu ˗bha ˈwɔnzuan ˈˈpiʋ̈

3. ˗Kwa Biblö draanˈˈ mɛn ˗nu ˈˈpiʋ̈ ˈˈtʋ̈ŋ waa ˗dhɛ ˈö ˗an ˗zokun ꞊nën˗ ˈka. Kwa ˗bha Biblö ꞊klaŋ ˗nu ꞊mɔɔn˗ ˗bha ˈö ˈwo wo ˗kɔ ˗yɛ ˗dhɛkpaɔyi ˈbha ˗bha ˈˈdhoogɔ ˈgü ɛɛnˈˈ ˈˈtʋ̈ŋ ˈbha ˗bha ˗dhɛkpaɔyi ˈgü. Biblö ˗draan ˗an ˈˈpiʋ̈ ˗sü ˗dho kë ˗së ˗an ˗gɔ yö ˈˈdhiʋ̈, ˗an ˗gɔ ˈkɔɔ ɛɛnˈˈ ˗dhɛ ˈˈwɛɛ ˈbha ˈgü ˗ee? ˗A ˈˈsɩ ꞊ya kë kwa ˗dhɛ, ˗kwa kwa ˗bha ˗zlanwopö ˈˈtʋ̈ŋ bho ˈˈgblʋʋ kö ˗yö ˗bɛ kwa ˗bha Biblö ꞊klaŋ ˗nu ˗bha ˗bha.

4. ˗Kwa Biblö draanˈˈ ˗an ˈˈpiʋ̈ ˈˈdhoogɔ ꞊gban ˈka. ꞊Ya kë ꞊dhɛ ˈkwii ˈdho ꞊mɔɔn ˈdho ˗sü ˗bha kwa ˗bha Biblö ꞊klaŋ do ˈˈpiʋ̈, ˈkwa ˈdho ˗a pö ˗a ˗dhɛ ꞊dhɛ ˗a ˗bha Biblö ꞊klaŋ ˈyii ˈdho ˈto˗ ˗bha. Pë ˗nu ˈö ˈwo yö, kwa ꞊mɔɔn˗ ˗bha ˈkwa ˗an ˗kë:

1. Kwa ꞊mɔɔn˗ ˗bha ˈkwa˗ ꞊klaŋ ˗kë ˈˈtʋ̈ŋ ˈˈwɛɛ ˈka ˈˈdhoogɔ do ˈö bhë, ˗a ˈgü.

2. Kwa ꞊mɔɔn˗ ˗bha ˈkwa Biblö ꞊draan ˗a ˈˈpiʋ̈ telefɔnö ɛɛnˈˈ video ˈˈdhiʋ̈.

3. Kwa ꞊mɔɔn˗ ˗bha ˈkwa˗ pö kwa ꞊dhegblü ˈˈwɛɛ ˈbha ˗dhɛ ˗yö ˈdho ˗a ꞊klaŋ kë.

5. ˗Kwa bhɛɛˈˈ kö ˈkwa ˈwɔn ˗nu kë ˗së ˈka. -Kwa bhɛɛˈˈ Zoova ˗dhɛ kö ˗yö kwa ˗takun kö ˈkwa ˈwɔn ꞊gban kë ˈkwa kwa ˗bha Biblö ꞊klaŋ ˗nu ˗takun, ˈkö ˗kë ꞊dhɛ Biblö ˗draan ˈˈdhoogɔ ꞊gban ˈgü ˗sü ɛɛnˈˈ pë ˗nu ˈö ˈwo ˗an draanˈˈ ˗ni ˈgü ˗an ˗ya ꞊bhlëë ˈgü ˗sü ˗yö ˗an ˗gɔ ˈˈgbɩɩ˗. (Fdh. 2:13) ˈYaa za ˈgü ꞊dhɛ ˈˈklʋʋsë ꞊va ˗yö kwa ˗bha Biblö ꞊klaŋ ˗nu ˗gɔ. ˗Kwa bhɛɛˈˈ kö ˈkwa kwa ˈˈtʋ̈ŋ kë wo ꞊nën ˗an ˈgü.