˗Kwa kë ˗zlanwopömɛn ˗nu ˗tiaandhö ˈka: «Mɛ ˈˈpɛpɛ ˈö ˗Zlan ˗ya ˗nu ˗da ˗tosɛa ˈö ˈyaa yën ˗a këmɛ ˈka bha» ˗an ˗takun ˗sü ˈka kö ˗wo kë Yesu ˗bha gwëëˈˈ ˗nu ˈka

˗MËN ˈÖ ˗KË ˈÖ˗ ˗WƆN ˈDHÖ ˈˈGBƖƖ˗? «Mɛ ˈˈpɛpɛ ˈö ˗Zlan ˗ya ˗nu ˗da ˗tosɛa ˈö ˈyaa yën ˗a këmɛ ˈka bha,» ˈkwa gagade pö ˗an ˗dhɛ, Zoova ˈnën˗ ˗kë ˈö˗ ˗bhong bhɔ, ˈyö ˗gla. (Kë 13:48; 1Ko 3:7) ˈKwa kwa ˈgü dɔ ˈˈgbɩɩ˗ kö mɛn ˗nu ˈwo ˈˈwɩ ˗Zlan ˗wo ˗bha ˈkwa ˗an ˗takun, ˈkwa˗ ˗zɔn ꞊dhɛ ˈkwa Zoova yökëyoo ˗nu ˈka. (1Ko 9:26) Kwa ˗bha Biblö ꞊klaŋ ˗nu dua ˗mü kö ˗wa ˈwɔn dɔ ꞊dhɛ ˗bɔyibhaasü ꞊mɔɔn˗ ˗bha kö ˗yö ˗an dha. (1P 3:21) Kwa ˗an ˗takun kö ˗wo kë Yesü ˗bha gwëëˈˈ ˈka, kö ˗wo wo ˗bha ˗tosɛta kë ˗kɔ bho ˈˈgblʋʋ, kö ˗wo ˗zlanwopö, ꞊ya ˈgo mü zü kö ˗wo wo ˗de nu Zoova ˗dhɛ kö ˗wo bɔ ˈˈyi ꞊bhaa.​—Mt 28:19, 20.

KWA ˗DHO ˗A KË ˗KƆ ˗KË ꞊DHƐ?

• ˗Kwa kwa ˗bha Biblö ꞊klaŋ ˗nu ˗zo ˗bo ꞊dhɛ ˈkwa Biblö ˗zɔn ˗an ˗dhɛ kö ˗wo Zoova «dɔ,» kö ˗wo kë ˗a ˗dhɛ ˗së. —Zn 17:3

• ˗Kwa ˗an ˗takun kö ˗an ˗gɛn ˗yö ˈdho ˈˈdhiʋ̈ ˗kan ˈˈta kɔ yaa waa mɛn yaa ˗nu ˗bha ˗sü ˈka.

• ˈWii bɔ ˈˈyi ꞊bhaa ꞊köŋ, ˗kwa ˗an ꞊faan ˈmën. ˗Wa wo ˗bo ˗bɔ ˈˈyi ꞊bhaaa ˗sü ˈka, ˗kwa ˗an ꞊faan dɔ ˗kpɛɛwo.​—Kë 14:22

˗BHÖ VIDEO JÉHOVAH T’AIDERA ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• ˈMën ˗kë ˈö ˗de ˗nu Zoova ˗dhɛ ˗sü waa ˗bɔyibhaasü ˈˈsuʋ̈ ꞊mɔɔn˗ ˗bha kö ˗yö mɛn ˈbha ˗nu kë?

• Mɛn zii ˗nu ˗dho Biblö ꞊klaŋ ˗nu ˗takun ˗kɔ ˗kë ꞊dhɛ kö ˗an ˗gɛn ˗yö ˈdho ˈˈdhiʋ̈?

• ˈMën Isaïe 41:10 ˗ya ˗zɔn kwa ˗dhɛ ˈö ˗gban Zoova ˗bha?

• ˈKö ˗kë ꞊dhɛ ˈwɔn yaa ˗dhii ˗yö kë kwa ˗bha, ˈˈklʋʋsë ˗mɛɛn ˗nu ˈwo ˗dho kwa ˗takun kö ˈkwa Zoova ˗dhɔkë ˗së ˈka?