ˈWƆN ˗GƆ 6

Biblö ˈˈɲan ˗gban ˈwɔn ˗nu ˗bha ˗kɔ ˗së

Zan 10:33-36

ˈPË ˈÜ DHO ˗A KË: ˈBha ˈdho Biblö ˈˈɲan ˗wo pö dosɛnŋ ˈü dho ˗a ˈka. ˗Bhö ˗a kë kö ˈˈtʋtomɛn ˗nu ˗wa yö ꞊dhɛ Biblö ˈˈɲan ˈü˗ wo pö bhë, ˗yö ˗gban ˈwɔn ˈü˗ blɛɛˈˈ ˗ni ˈgü ˗a ˗bha.

Ü ˗DHO ˗A KË ˗KƆ ˗KË ꞊DHƐ?:

˗Wo kpö ˗nu ˈö ˗an ˈwɔn ˈdhö ˈˈgbɩɩ˗, ˗bhö ꞊gbɔɔn ˗an ˗ta. ˈBha ü bo Biblö ˈˈɲan do ˗wo pö ˗sü ˈka, ˗wo kpö ˗nu ˈwo˗ ˈgü ˈwo ˗gban ˈwɔn ˈü˗ blɛɛˈˈ ˗ni ˈgü ˗a ˗bha, ˗bhö ꞊gbɔɔn ˗an ˗ta. Ü ꞊mɔɔn˗ ˗bha ˈü˗ kë ˈˈdhʋ̈, ˗ʒiö ˗an ˈgü ˗sü ɛɛnˈˈ dhɛɛˈˈ ˈkpɔ ˗sü ˈka kö ˈˈtʋtomɛn ˗nu ˗wo ˗an dɔ.

꞊Ya kë ꞊dhɛ Biblö ˈˈɲan ˈü˗ ˗wo pö ü˗ ˈgü ˈˈpʋ ˗ni ˈgü ˗wo ˈˈwɛɛ ˈbha ˗nu ˈka, ˗bhö ˗a kë kö ˈˈtʋtomɛn ˗nu ˗wa yö ˗kplawo ꞊dhɛ ˗a pö ˗kɔ ˈü˗ pö˗ ˈka ˗yö ˗gban ˈwɔn ˈü˗ blɛɛˈˈ ˗ni ˈgü ˗a ˗bha.
Pë ˈü˗ ˈˈpiʋ̈ kö ˗yö ˈto ˈˈtʋtomɛn ˗nu ˈˈɲaan, ˗bhö ˗a ˗zɔn. ˈPë ˗kë ˈü ˗dho Biblö ˈˈɲan ˈbha ˗wo pö, ꞊ya kë ꞊dhɛ ˈbha˗ pö, ˗kɔ ˈö ˗wo kpö ˈbha ˗nu ˈwo Biblö ˈˈɲan bhë˗ ˈgü ˈwo ˗gban ˗a ˈka ˈpë bhë ˗a ˗bha, ˗bhö ˗a ˗zɔn.

Ü Biblö ˈˈɲan ˈbha ˈgü ˈˈpʋ ˗ni ˈgü, ü ˗bha Biblö ˗yö ˈto ˈˈpʋ ˗sü ˈka. ˈBha˗ kë ˈˈdhʋ̈, ˈˈtʋtomɛn ˗nu ˗dho wo ˗bha Biblö ˈto ˈˈpʋ ˗sü ˈka ˈpö, ˈö ˈwo˗ yö ꞊dhɛ ˈwɔn ˈü˗ ˈgü ˈˈpʋ ˗ni ˈgü bhë ˗yö ˗go Biblö ˈgü.
˗A ˗ya ꞊bhlëë ˈgü ˗kɔ ˗së ˗nu ˗zɔn. ˈWɔn ˗nu ˈö ˈwaa ˗gban Biblö ˈˈɲan ˈü˗ ˗wo pö bhë ˗a ˗bha, ˈbha ˈdho ˗an ˈgü ˈˈpʋ. ˗Bhö ˗gban pë ˈö ˈˈtʋtomɛn ˗nu ˈwo˗ dɔ ˈsaadhö ˗a ˗ta kö ˈwɔn ˗dhɛ ˈü ˗dho ˗a blɛɛˈˈ ˈü˗ dɔ, kë ˈˈdhʋ̈ kö ˗a ˗ya ꞊bhlëë ˈgü ˗kɔ ˗së ˗yö ˈto ˈˈtʋtomɛn ˗nu ˈˈɲaan.