˗Kwa kwa ˈko ˗nu ꞊faan ˈmën

1. Kwa ˈko ˗nu ˗zogban ˗sü kwa ꞊nii ˗da,

ˈÖ kwa ˗blü ˗Zlan ˗dhɔkë ˗sü ˗bha.

Zoova dɔ ˗sü kwa ˗kë ˈwɔn do ˗bha,

ˈYö kwa ꞊dhegblü ˗nu ˗dhɔ kwa ˗kë.

˗Dhɔ ˈö kwa kpö ˈgü ˗yö kwa ˗zogban,

˗Yö kwa ˗blü ˈwɔn ˈˈgbɩɩ˗ bun ˗sü ˗bha,

ˈÖ zuʋ̈waannu ˗sü nu mɛn ꞊gban ˗dhɛ,

ˈKwa ˗kë kwa ˈflëëgü ˗Zlan ˗gɔ ˈkɔɔ.

2. Zuʋ̈klʋʋbhɔdhe ˗yö mɛn ˈbha ˗nu ˗bha.

ˈˈKɛɛ ˈkwa ˗wo ˗së ˗nu pö ˗an ˗dhɛ,

˗Yö ˗kë ˗an ˗dhɛ ˗së, ˈö ˈwo ꞊faan ꞊slɔɔ,

ˈWo ˗kë kwa ˈˈtɔŋdë ˗nu ˈka ˈpö.

Zuʋ̈puumɛn ˗nu ˗bha ˗kë kwa ˈˈpiʋ̈ ˗sü,

˗Yö kwa ˗zo ˗bhɔ ˈwɔn ꞊vadhɛ ˈka.

˗Kwa mɛn ˗nu ˗zogban yi ˈsaadhö ˈka,

ˈKwa ˗an ˗bha ˈwɔn ˈˈgbɩɩ˗ ˗nu ˗kwɛ bun.

3. ˗Zoyödhe ˗ɲan ˗yö kë kwa ˗gɔ ꞊dɛɛ,

ˈKwa dɔ kwa Dë ˗Zlan ˗bha yi ˗gɔ.

˗Kwaa ˗bha ˈtɔŋ˗ ˗nu ˈkun yi ˈsaadhö ˈka,

ˈKwa ˈdho ˗bhɔkwëë ˗nu ˗ta ˗kplawo.

˗Tosɛta ˗së ˈö ˗Zlan ˗ya ˈˈplünŋ bho

Ö gbamɛn ˗nu ˈsaadhö kwa ˗dhɛ,

˗Zo ˗yö ˗a ˗dhɛ ˗sü ˗ya kë kwa ˗gɔ,

ˈYö ˗dho ꞊faanmëndhe nu kwa ˗dhɛ.