˗Bhöpë ˗wɔn ˗ya kë ˈˈgbɩɩ˗ ˗gblü waa ˈˈtʋ̈ŋ ˗bha ꞊slëë ˈgü ˗sü ˈkosɔn: ˈMën Biblö ˗ya pö?

˗Gblü ˈö Üklɛnö waa ˈˈtʋ̈ŋ ˗bha ꞊slëë ˈgü ˗sü ꞊waa˗ kë ˗bhöpë ˗wɔn ꞊ya kë ˈˈgbɩɩ˗ ꞊dedewo. ˈYö ˗yö ˈˈdhʋ̈ ꞊dedewo ˈˈsɛ ˈbha ˗nu ˈö mɛn ꞊vadhɛ ˈwaa ꞊mɔɔn˗ ˗bha kö ˗wo ˗bhöpë ˗tiaandhö ꞊slɔɔ mü bhë, ˗an ˈgü.

• «˗Bhöpë yökësü waa˗ ˗gblü mɛn ˗nu ˗ta ˗sü ˗wo ˈdho ˗ni ˈgü ˈˈshia˗ ˗gblü, ˈˈtʋ̈ŋ ˗bha ꞊slëë ˈgü ˗sü, ˈˈwɔyi ꞊sɔnŋ ˗bha ˗dadhiʋ̈ ˗sü waa ˈwɔn ˈˈwɛɛ ˈbha ˗nu ˈkosɔn.»—˗Kwɛ 2023 Ʒue 17, Antonio Guterɛsö, ONU ˗bha ˈsëëdhɛ ˗bɛnzëmɛn ˈkpii˗.

• «꞊Klaŋ ˈˈgblʋ̈gblʋ̈ këmɛn ˗nu ˗wa ˗pö ꞊dhɛ Rusi bho ˈö ˈwo˗ ˗wo mɛn ˗nu ˈö ˈwo ꞊mɔɔn˗ ˗bha kö ˗wo ˈgo ˗bhöpë ˈka Uklɛnö kö ˗wo ˈdho ˗a ˈka ˗dhɛ ˈˈwɛɛ ˈgü ˗an kpö ˈgü bhë ˗dho ˗bhöpë ˗wɔn kë ˈˈgbɩɩ˗ ˈzüzü ˈˈsɛ ˗nu ˈö ˈwëëga ꞊va ˈyaa ˗an ˗gɔ ˗an ˈgü. ˗Yö ˗dho ˗a kë ˈpö ˈö ˗bhöpë ˈˈdhoo ˗yö ˗kë ˈya˗ ˈzü ꞊dedewo mɛn tii ˈˈsɛ ˈˈpian ˗dhɛ ˈö ˈˈdhʋ̈ŋ ʒian waa˗ ˈɲënŋ˗ ˗wo ˗ʒian ˈka ˗an ˈgü.»—˗Kwɛ 2023 Ʒue 23, Atalayar.com

Pë ˈö Biblö ˗ya pö ˈö ˗gban ˗bhöpë ˗wɔn waa kwa ˗bha ˗dhɛkpaɔ dhiʋ̈ˈˈ ˗bha, ˗bhö ˗a ˗ga.

Biblö ˗ya ˗to ˈˈdhiʋ̈ ˈö˗ pö ꞊dhɛ ˗bhöpë ˗wɔn ˗dho kë

• Yesu ˗ya ˗pö: «ˈˈSɛgɔ ˈbha˗ ˗dho ˈˈwlü ˈö ˗pö ˈˈsɛgɔ ˈbha ˗ta ˈö ˈwo ˗gblü gɔɔn, ˈö ˗gblüdë ˈbha ˗yö ꞊wlü ˈö dho ˈö ˗gblü ˗da ˗gblüdë ˈbha ˗ta, ˈö ˈˈvʋ̈ʋ̈ ˗yö ˗da, ˈö ˈˈsɛ ˗yö ꞊zii ˈˈsɛgɔ ˈbha ˗nu ˈgü.»—Matiö 24:7.

• ˗Dhɛkpaɔ dhiaˈˈ ˈsëëdhɛ ˗yö ꞊sootamɛn ˗yiishiö ˗nu ˗wɔn ˗blɛɛ. ꞊Sootamɛn ˗nu bhë ˗a mɛn do ˈnën ˗tɔ ˗gblü ˈˈblɛɛn˗. ˈYö ˗a mɛn ˗dhɛ ˈö dɔ ˗a ˈˈpiʋ̈ bhë ˈyö ˗tɔ din˗ ˈˈblɛɛn˗. ˗A ˗bha ˈˈtʋ̈ŋ ˈgü ˗bhöpë ꞊slɔɔdhɛ ˗dho kë ˈya˗ ˈö mɛn ˗nu ˗dho ˗a sɔnŋ ˗dadhiʋ̈ ˗kɔ yaa kë. «ˈYö ˈa ꞊soo tii do yö kö ˗yö nu sië. Kö ˈmɛ ˈö˗ ˗ta bha pë ˗dan ˈka ˗tɛa do ˗ya ꞊kwɛɛ˗. ˈYö ˈa ˗wʋ do ˈbha ma kö ˗yö ˈgo sië [...] ‹˗bhö ˗mlüga waa˗ ˈˈklëënga bha˗ ˗nu dan kö ˈi˗ ˈˈdhɔɔ ˗siö. ˗Wo ˗mlü ˈtɛa˗ ˗yan do ˈdhɔ ˈwëëga ˈwo ˗dhɛkpaɔyi do ˗yë ꞊saa bho˗ ˈka bha˗ ˈka, kö ˗wo ˈˈklëën ˈtɛa˗ ˗yan ˗yaaga ˈdhɔ ˈˈdhʋ̈ ˈpö.›»—˗Dhɛkpaɔ dhiaˈˈ ˈsëëdhɛ 6:5, 6.

ˈWɔn ˈö Biblö ˗ya to ˈˈdhiʋ̈ ˈö˗ ꞊blɛɛ ˈö ˗gban ˗bhöpë ˗wɔn ˗bha bhë, ˗yö kë ˗ni ˈgü ꞊dɛɛ ˈˈtʋ̈ŋ ˈö Biblö ˗ya ˗dhɛ «ˈˈkpʋngtaadhɛ yën ˈˈtʋ̈ng» bhë ˗a ˈgü. (2 Timote 3:1) ˈWɔn ˈö ˗gban «ˈˈkpʋngtaadhɛ yën ˈˈtʋ̈ng» waa ꞊sootamɛn ˗nu ˗yiishiö ˈö ˗Dhɛkpaɔ dhiaˈˈ ˈsëëdhɛ ˗ya ˗an ˗wɔn ꞊blɛɛ bhë ˗an ˗bha, ˈü˗ ˈˈpiʋ̈ ˈü˗ ˈbha ˈgüman, ˗bhö video Le monde a changé depuis 1914 ˗ga, kö ˈü ˈwɔn ˗gɔ « Les cavaliers de l’Apocalypse : qui sont-ils ? » ˗wo pö.

Biblö ˗dho ü ˗takun ˗kɔ ˗kë ꞊dhɛ?

• ˗Dhioo ˗së ꞊dede ˗nu ˈwo Biblö ˈgü ˈö ˈwo ꞊mɔɔn˗ ˗bha kö ˗wo ü ˗takun kö ˈü bɔ ˈwɔn ˈˈgbɩɩ˗ ˗nu ˈwo ˗kë ꞊dhɛ pë ꞊sɔɔn ˗bha ˗dadhiʋ̈ ˗sü ɛɛnˈˈ ˈˈvʋ̈ʋ̈ ˗nu ˈdhö bhë ˗an ˈgü zuʋ̈saadhɛ ˈka. ˗A ˗dhioo ˗nu ˈwo ˈˈdhʋ̈ ˗a ˈbhaa ˗nu ˗ga ˈwɔn ˗gɔ ˈö ˗kë « Comment vivre avec moins » ˈka bhë ˗a ˈgü.

• Biblö ˗yö ˗zoyö ˗dhɛkpaɔ dhiʋ̈ˈˈ ˗së ˗nu kwa ˗dhɛ ˗a ˗zɔn ˗sü ˈka ꞊dhɛ ˈwɔn ˗nu ˗dho kë ˗së. ˗Ya ˗pö ꞊dhɛ «˗bhöpë ga ˗nu ˗dho kë ꞊va ˗dhɛ ꞊gban ˈgü ˈˈkpɔnŋ ꞊taa» ˈö ˈpë mɛn ˈö ˈdhö ˗dho ˗a ˗bhö ˈö ˗kë ꞊va. (Psaume 72:16) ˈÜ˗ ˈˈpiʋ̈ kö ˈwɔn ˈö ˗gban ˗dhɛkpaɔ dhiʋ̈ˈˈ ˗së ˈö Biblö ˗ya ꞊blɛɛ bhë waa ˈpë ˗kë ˈkwa ˗dho ˈdhaŋ bho ˗a ˈˈdhiʋ̈ ˗an ˗bha ˗a ꞊va ˈbha dɔ, ˗bhö ˈwɔn ˗gɔ « Une espérance réelle pour des jours meilleurs » ˗wo pö.