WOOŊSṖE 7

Hekṫahuŋ Iwaktayapi

Jehowa oyaṫe ṡica iyowiŋkiya ṡni Wowaṡte Makoce yuṫak̇uniṡni. Ṫak̇olak̇iciyapi ecela hel tipikte. Oyaṫe ṡica ṫak̇u akipa kta he? Nowa wiċaka wicowoyak̇e iwicayukcaŋ waoŋspe woayupte kte. Nowa waniyeṫu kok̇ṫoṗawiŋġe oṫa hekṫa niuŋ. Jehowa tawoecuŋ ohiŋnyaŋ ecoŋ lila ṡkaŋ he wicaṡa waṡṫe. Ṫuka uŋmaŋ oyaṫe ṫak̇u ṡica ecoŋpi maka akaŋ. Hecel Jehowa Nowa ok̇iyake mniṫaŋya kta oyaṫe ṡica iyuha wicayuṫak̇uniṡni. Nowa waṫa k̇aġa ṡi ṫuka iye na tatiwahe ṫapi kte ṡni Mniṫaŋ ahi kiŋ.​—Wicoicaġe 6:9-18.

Nowa na tatiwahe tawa waṫa k̇aġapi. Nowa oyaṫe iwakṫaya Mniṫaŋ uŋkihe, ṫuka hena oiye anaġopṫaŋpi ṡni. Hecena ṫak̇u ṡica ecoŋpi. Waṫa yuṡṫaŋ ohak̇ab, Nowa wamakaṡkaŋ waṫa ekta awicahi, na iye na tatiwahe nakuŋ ob mahel iyapi. Hehaŋ Jehowa oṡicecak̇e taŋka ahi. Aŋṗeṫu 40 na haŋhepi 40 maġaju. Maka owaŋcaya mniṫaŋ.​—Wicoicaġe 7:7-12.

Oyaṫe ṡica wiconi gnunipi, ṫuka Nowa na tatiwahe nikiya. Jehowa Mniṫaŋ opta taŋyaŋ hena awicahi ṡiceyalaka maka etaŋ wicaṗak̇iŋta. (Wicoicaġe 7:22, 23) Wowaṗi Wakaŋ heye ake tohaŋ Jehowa ṫona wicalaṡni wicayutagni ṡni kte. Oyaṫe waṡṫe kiŋ wicayutagniṡni kte ṡni. Wowaṡṫe Makoce maka akaŋ tohaŋciŋka niyaoŋ okihipi.​—2 Iŋyaŋ 2:5, 6, 9.

Aŋṗeṫu lehaŋ oyaṫe oṫa taku ṡica ecoŋ. Makoce el woṡica ojula. Jehowa Tawayaotaŋiŋpi yeṡi oyaṫe iwak̇taye akeṡnaṡna, nahaḣci oṫa Jehowa tawicoie anaġopṫaŋpi ṡni. Hena ouŋye yutokeca ciŋ ṡni. Wakaŋtaŋk̇a ṫak̇u heye eceṫu na eceṫu ṡni icu ciŋ ṡni. Oyaṫe lena ṫak̇u akipa kta he? Hena tohaŋ iglutok̇eca kta he? Oṫa tohaŋni iglutok̇eca kte ṡni. Aŋṗeṫu waŋ el oyaṫe ṡica wicayuṫak̇uniṡni na tohaŋni nipi kte ṡni.​—Psalm 92:7.

Maka yutakunikteṡni kte ṡni; iye wowaṡṫe makoce kaġa kte. Wakaŋtaŋk̇a ṫak̇olak̇iciyapi hena iyecel tohaŋciŋka niyaoŋ oyakihi Wowaṡṫe Makoce maka akaŋ.​—Psalm 37:29.