WOOŊSṖE 8

Ṫuwe Wakaŋtaŋk̇a Tatok̇api Ya He?

Wakaŋṡica Sataŋ Wakaŋtaŋk̇a itaŋcaŋ tok̇a ye. Iye naġi kiŋ hee wawakipajiŋ Jehowa. Sataŋ yeye Wakaŋtaŋk̇a kiza na woṡica taŋka wicaṡa wicakicaġa. Sataŋ he lila ṡica. He owéwakaŋkaŋsa na tiwicaktesa.​—Johaŋnes 8:44.

Uŋmaŋ naġipi Sataŋ k̇icicakiya tawa wawákipajiŋ Wakaŋtaŋk̇a. Wowaṗi Wakaŋ cajeyata wakaŋṡicapi. Iyecel Sataŋ, wakaŋṡicapi eca oyaṫe tokaṗi. Hena oyaṫe ksuyeya waṡṫelakapi. (Mattheos 9:32, 33; 12:22) Jehowa Sataŋ na wakaŋṡicapi tohaŋciŋka yuṫak̇unikteṡni. Hena ecela opcebyela wicaṡa etkiya woṡica wicakicaġa.​—Wayuotaŋiŋ 12:12.

Wakaŋtaŋk̇a nitakola yaciŋ haŋtaŋ, Sataŋ woecoŋ niciya hena ṫak̇omni ecanu kte ṡni. Sataŋ na wakaŋṡicapi hena Jehowa ṡicelakapi. Hena Wakaŋtaŋk̇a tatok̇api, na hena niye Wakaŋtaŋk̇a tatok̇a k̇aġa ciŋpi. Niye ṫak̇omni k̇aḣniġa tuwa iyok̇ipiya yaciŋ kiŋ​—Sataŋ naiŋṡ Jehowa. Tohaŋciŋka niyauŋ yaciŋ haŋtaŋ, ṫak̇omni Wakaŋtaŋk̇a tawaciŋ k̇aḣniġa. Sataŋ wicagnayesa oṫa na otakiya oṫa yuha oyaṫe wicagnayaŋ. Iye wicaṡa iyoṫaŋ wicagnaye.​—Wayuotaŋiŋ 12:9.