WOOŊSṖE 10

Ṫokeske Owacek̇iya Owotaŋla Iyeyaye Oyakihi

Wakaŋtaŋk̇a nitakola yaciŋ haŋtaŋ, ṫak̇omni woecoŋ owacek̇iya Wakaŋtaŋk̇a hecetula kte. Jesus heye “wowicake eciyatanhan ohodapi” ciŋ ohola Wakaŋtaŋk̇a el ok̇iciwaṡṫe yuha “wowicake” kte. (Johaŋnes 4:23, 24) Wakaŋtaŋk̇a ohola kiŋ waŋjila owotaŋla. (Ephesos 4:4-6) Owacek̇iya owotaŋla tacaŋku owihaŋke waniŋ, na owacek̇iya itoŋṡni tacaŋku wicoṫak̇uniṡni.​—Mattheos 7:13, 14.

Iyekiya kte haŋtaŋ owacek̇iya owotaŋla uŋ oyaṫe woecoŋ waŋyake kte. Heoŋ Jehowa iye waṡṫe, ṫona wowicake oholapi ṫak̇omni oyȧte waṡṫepi. Hececa taspaŋzi caŋ waṡṫe eṫaŋ taspaŋzi waṡṫe oicaḣya, kiŋ owacek̇iya owotaŋla oyȧte waṡṫe k̇aġa.​—Mattheos 7:15-20.

Jehowa takolakupi Wowapi Wakaŋ mahetuya oholapi. Wowapi Wakaŋ he Wakaŋtaŋk̇a etaŋki slolyapi. Hena iyowiyan ṫak̇u oyake nipiki el awicayapi, wokakije hena yukcan, na Wakaŋtaŋk̇a etk̇iya waoŋspe owicakiyiŋ kte. (2 Timotheos 3:16) Iye iyuṫapi woecoŋ oyakaṗi hena.

Jehowa takolakupi hena wacaŋtkiyapi k̇icilakapi. Jesus oyȧte wacaŋtkiyapi k̇icilakapi Wakaŋtaŋk̇a etk̇iya oŋ waoŋspekiciya hena, oŋ waasniya ṫona kujapi. Ṫona owocekiye owotaŋla woecoŋ nakuŋ oyȧte wacantkiyapi k̇icilakapi. Jesus iyecel, uŋṡikapi naiŋṡ oyȧte wicoiye tok̇eca hena wicakipaziŋpi ṡni. Jesus heye oyȧte kiŋ tawaoŋspeciciyapi hena wacantkiyapi k̇icilapi on slolwicaya kta.​—Johaŋnes 13:35.

Wakaŋtaŋk̇a takolakupi hena yuonihaŋpi Wakaŋtaŋk̇a caje, Jehowa. Tuwa nicaje uŋ ṡni haŋtaŋ, nitakola kta he? Hiya! Tuwa kola uŋyuhapi haŋtaŋ, caje tawa uŋciŋ na ṫak̇u waṡṫe kola uŋmaŋ etk̇iya oyaṫe oyak̇a. Wakaŋtaŋk̇a takolakupi hena ciŋpi ṫak̇omni tacaje uŋṗi na uŋmaŋ oyaṫe oyak̇a. Jehowa hecoŋ unkiyapi ciŋ.​—Mattheos 6:9; Roma 10:13, 14.

Jesus iyecel, Wakaŋtaŋk̇a takolakupi oyaṫe waoŋspekiya Wakaŋtaŋk̇a Tawok̇icoŋze etk̇iya. Wakaŋtaŋk̇a Tawok̇icoŋze maḣṗiyata woitaŋcaŋ maka wowaṡṫe makoce k̇aġa okihi kte. Wakaŋtaŋk̇a takolakupi wotaŋiŋ waṡṫe Wakaŋtaŋk̇a Tawok̇icoŋze etk̇iya uŋmaŋ oyȧte oyak̇api.​—Mattheos 24:14.

Jehowa Tawayaotaŋiŋpi Wakaŋtaŋk̇a takolakupi uŋ iyuta. Wowapi Wakaŋ hena k̇inihaŋ na wacaŋtkiyapi kiciyuyapi owasiŋ. Iyepi nakuŋ Wakaŋtaŋk̇a tacaje uŋpi na yuonihaŋpi na uŋmaŋ oyȧte Wakaŋtaŋk̇a Tawok̇icoŋze etk̇iya waoŋspekiya. Jehowa Tawayaotaŋiŋpi lehaŋ maka akaŋ owacek̇iya owotaŋla woecoŋ ecoŋpi.