WOOŊSṖE 11
Owacek̇iya Itoŋṡni Eḣpeya!
Sataŋ na tawakaŋṡica Wakaŋtaŋk̇a wowilagniciya ciŋpi ṡni. Hena Wakaŋtaŋk̇a etaŋ iyuha yuhomni waċiŋpi okihipi haŋtaŋ. Ṫokel le iyuṫapi he? Waŋji caŋk̇u he owacek̇iya itoŋṡni. (2 Korinth 11:13-15) Wowapi Wakaŋ eṫaŋ owotaŋla waoŋspekiyapi ṡni haŋtaŋ, owacek̇iya kiŋ itoŋṡni. Owacek̇iya itoŋṡni mazaska itoŋṡni iyecel—hecaḣca iyececa, ṫuk̇a ṫak̇uni ik̇ipiṡni. Lila wokakije nicage okihi.
Wocek̇iye wowicakeṡni tohaŋni Jehowa, Wakaŋtaŋk̇a wowicake, iyok̇ipi okihiṡni. Jesus maka akaŋ uŋ hehaŋ, wocek̇iye opṫaye hena kte waċiŋpi. Hena iyukcaŋpi wacekiyapi he ogna hecetulakapi. Hena eyapi: “Ate unyanpi wanjidan unhapi, Wakantanka kin hee.” Jesus wicala? Hiya! Iye heye: “Wakanśica ateyayapi kin henitanhanpi.” (Johaŋnes 8:41, 44) Lehaŋ oyȧte ota Wakaŋtaŋk̇a oholapi k̇eciŋpi, eyaṡ Sataŋ na tawakaŋṡica lila wowilagiciya!—1 Korinth 10:20.
Hececa caŋ ṡice waskuyeca ṡica icaḣya, owacek̇iya itoŋṡni k̇aġa oyaṫe tuwe taku ṡica ecoŋpi. Makoce wonagiyeya ojula caŋke oyȧte ṫak̇u ṡica ecoŋpi. Yukaŋ owotaŋlaṡni, k̇icizapi, wamanupi, tehiye kuwa, tikte, na wiŋyaŋ iyaḣpayapi. Oyaṫe oṫa ṫak̇u ṡica ecoŋpi waŋ owacek̇iya yuhapi, tuka owacek̇iya tawapi kiŋ iyopaṡtaka ayeṡni woecoŋ ṫak̇u waṡṫe hena. Wakaŋtaŋk̇a takolakupi hena okihipi ṡni ṫak̇u ṡica hena ayuṡtan pi ṡni haŋtaŋ.—Mattheos 7:17, 18.
Owacek̇iya itoŋṡni oyaṫe waoŋspewicakiye wak̇aġapi el wacekiyapi. Wakaŋtaŋk̇a heye wak̇aġapi wacekiyapi kte ṡni. Le iyecetu. Ktaske niye waṡṫe yalakiŋ tuwa tohaŋni woniciyake ṡni haŋtaŋ tuka e iṫowaṗi ecela wokiyake? Wicaṡa he owotaŋla nitakola yayiŋ okihi he? Hiya, okihi ṡni. Jehowa oyaṫe wokiyakapi ciŋ, wak̇aġapi naiŋṡ iṫowaṗi wiconi wanica heoŋ.—Hdinaŋpapi 20:4, 5.
Owacek̇iya itoŋṡni waoŋspewicakiye he tiwicakte oicuŋwaṡte ok̇icize ecoŋhaŋ. Jesus heye he Wakaŋtaŋk̇a takolakupi hena yuha wacaŋtkiyapi owasiŋ. Oyaṫe wastekila hena k̇iciktepi ṡni.(Johaŋnes 13:35) Oyaṫe ṡica ituṡeṡ wicaktepi hecetuṡni. Tokaṗi Jesus oyuspapi ahi hehaŋ, tawaoŋspewicakiyapi iyowiŋkiya ṡni hena k̇icizapi ṡni na pi nak̇icijiŋ ṡni.—Mattheos 26:51, 52.
Owacek̇iya itoŋṡni waoŋspewicakiye he wicaṡaṡni peta el k̇ak̇ija ṫa oihakab. Nahaḣci, Wowapi Wakaŋ waoŋspewicakiye kiŋ woaḣṫani ṫapi etk̇iya awicaye. (Roma 6:23) Jehowa hee Wakaŋtaŋk̇a wacaŋtkiyapi. Wakaŋtaŋk̇a oyaṫe caŋtewicakiya kin tohaŋciŋka k̇ak̇iṡya un kta he? Hiya tohaŋni! Wowaṡṫe Makoce el, owacek̇iya he waŋjila, Jehowa waŋji hecetula. (Wayuotaŋiŋ 15:4) Owacek̇iya iyuha Sataŋ tawicagnaye hena waniciŋ kte.