Matio

25 Kyɛ ka Yezu da boɔle ba baŋ wa o zie, a yelko ba ka: “Yɛ baŋɛɛŋ ka a paalonne nembɛrɛ maŋ diree kpeɛ̃o ba noba zuŋ, ka ba neŋtegrɛ maŋ wulo kpeɛ̃o ba noba zuŋ. 26 Lɛ naane aŋ seŋ ka yɛlɛ waa yɛ poɔŋ; kyɛ neɛzaa naŋ boɔrɔ ka o e neŋkpoŋ a yɛ poɔŋ seŋ ka o e yɛ tontonɔ, 27 neɛzaa naŋ boɔrɔ ka o de weɛ a yɛ poɔŋ seŋ ka o e yɛ gbaŋgbaa. 28 Aŋa lɛ a nensaalaa Bidɔɔ naŋ ba wa ka ba tonɔ koroo na, kyɛ o waɛ la ka o tonɔ korɔ noba a kyɛ de o nyɔvore iri sareka a yɔɔdeɛ neŋyaga.” 30 Nyɛ! dɔbɔ naŋ da e zɔnne bayi da zeŋɛɛ a sori lomboriŋ, saŋa na baŋ da woŋ ka Yezu la wa gɛrɛ, ba da kyeerɛɛŋ neŋ kɔkɔkpeɛŋaa a yelka: “Daana, zo te nembaaloŋ, Deevid Bidɔɔ!” 31 Kyɛ ka a nembeɛoŋ da tanne ba, a yelka ba taŋ ba nɔɛ; kyɛ a saŋa baŋ da leɛ kyeerɛ yaga zaa, a yele: “Daana, zo te nembaaloŋ, Deevid Bidɔɔ!” 32 Beŋ la ka Yezu leɛ are, a boɔle ba baŋ wa o zie, oŋ yelko ba ka: “Boŋ yɛŋ boɔrɔ ka N e ko yɛ?” 33 Ka a dɔɔ zɔnne yelkoo ka: “Daana, vɛŋ ka te nimie yuore.” 34 Ka nembao da kpɛ Yezu, oŋ seene ba nimie, a tɔntɔbaalɛ ka ba nimie da yuore baŋ nyɛrɛ, baŋ daaŋ piili tuuruu.