Gyimisi

1 Maa Gyimisi naŋ e Naaŋmen ane te Daana Yezu Krista gbaŋgbaa, N sɛgrɛ korɛɛ a bale pie naŋ yaare a tendaa zaa poɔŋ na: N puoro yɛŋ! 2 N yɔɔmine, ka yɛnee wa tuoro yelkpeɛne boorɔ zaa, yɛ de a ka a e popɛle yɛlɛ, 3 bonso ka yɛneeŋ e lɛ, yɛ sagediibu enyaabo na maŋ wanɛɛ kannyiri. 4 Kyɛ yɛ vɛŋ ka kannyiri toŋ o toma baare, ka lɛ vɛŋ ka yɛ paale a kyɛ tori yelzaa poɔŋ, a ta kɔŋ bonzaa. 5 Azuŋ ka yɛ kaŋa zaaŋ kɔŋ yɛŋ, o soba moɔ̃ niŋe a sɔrɔ Naaŋmen, bozuŋ o maŋ yuoree o nu a terɛ a kyɛ ba eŋnɛ neɛzaa nyaaba, Naaŋmen na ko la o soba bon na o naŋ boɔrɔ. 6 Kyɛ vɛŋ ka o moɔ̃ niŋe a de sagediibu a sɔrɔ, a kyɛ ta taa bonnoo zaa, bonso neɛzaa naŋ taa bonnoo waa ŋa mane poɔ kɔmmiiri saseɛ naŋ daara gɛrɛ zie zaa oŋ boɔrɔ. 7 Yelmeŋɛ zaa, a dɔɔ ŋa ba seŋ ka o teɛre ka o na nyɛɛ bonkaŋa yi Jehoova zieŋ; 12 Neɛ naŋ moɔ̃ niŋe a dire kannyiri saŋa na oŋ tuoro pigrinyɛ taaɛ popeɛloŋ, bonso ka Naaŋmeneŋ wa sage de o soba yɛlɛ, o na nyɛɛ a nyɔvore nazupili na, ona ka Jehoova eŋ noɔre ka o na de ko la noba na aŋ naŋ kyɛnɛ nɔnoo na. 13 Ka neɛzaaŋ wa kpɛ enyaabo poɔ, o soba ta wa yele: “Naaŋmen la e ka enyaabo kpɛ ma.” Bonso neɛzaa koŋ baŋ de yelfaare e Naaŋmen nyɛ, lɛ meŋ la oŋ koŋ de yelfaare e neɛzaa nyɛ. 14 Kyɛ neɛ vɔlaa o naŋ taa la maŋ bɛnloo a tagoo te kpɛ neŋ pigrinyɛ poɔ. 15 Saŋa na a vɔlaa naŋ wa taa poɔ, o maŋ dɔge la faaloŋ; ka a faaloŋ wa nyɛ eebo, kũũ maŋ tu la a puoreŋ wa. 17 Kyɔɔtaa zaa naŋ soma ane kyɔɔtaa zaa naŋ paale yi la sazu, a maŋ yi a kyaanee Saa zie a wa, ona ka o waaloŋ ba leɛrɛ kyɛbee a leɛrɛ aŋa dasuoluŋ. 19 Yɛ baŋ a ŋaa N yɔɔmine N naŋ nɔŋ: Yɛ kaŋa zaa maŋ e tuloŋ yɛlɛ kyɛlle wommu eŋɛŋ, a kyɛ e maaroŋ yɛlɛ yeluu ane suuri iribo eŋɛŋ, 20 bonso nensaalaa suuri ba waana neŋ Naaŋmen sontuubu. 22 Kyɛ, yɛ e noba naŋ maŋ de a yelbiri tonɔ neŋ toma a ta e noba naŋ maŋ kyɛllɛ wono a yelbiri yoŋ, a bɛnlɛ yɛ menne neŋ teɛroŋ faare. 23 Bonso ka neɛzaaŋ kyɛlle woŋ a yelbiri a kyɛ ba de tonɔ neŋ toma, o waa ŋa dɔɔ naŋ kaara o niŋesogɔ kyaanaa poɔŋ. 24 Bonso o maŋ nyɛ la o meŋɛ, a yi be gaa a inni neɛ na o naŋ waa wieoŋ lɛ. 25 Kyɛ neɛ naŋ maŋ mãã o meŋɛ a kaara a bege naŋ paale a kyɛ maŋ vɛŋ ka noba so ba menne na, a moɔ̃ niŋe a naŋ erɛ lɛ waa la neɛ naŋ ba maŋ inni yɛlɛ na oŋ woŋ na, kyɛ o maŋ de la a yɛlɛ tonɔ neŋ toma; o na taaɛ popeɛloŋ yaga a yi yɛlɛ na oŋ erɛ na poɔŋ. 26 Ka neɛzaaŋ wa teɛre ka o puoree Naaŋmen a kyɛ ba baŋ o zele taabo, o soba bɛnlɛɛ o meŋɛ, ka o puoruu meŋ e kpale. 27 Puoruu na naŋ e forifori a ba taa dɛgre zaa te Saa ane te Naaŋmen nimitɔɔreŋ la ŋa: ka te kaaraa bi-kpeere ane ko-pɔgeba ba woore saŋa, a kyɛ tage te menne yi a donɛɛ yɛlɛ poɔŋ kpɛlɛŋkpɛlɛŋ.