Hiburu

5 Azuŋ, saŋa na oŋ wa a donɛɛ poɔŋ na, o yeleeŋ ka: “‘Ho ba boɔrɔ sarekare ane sareka nyegruu, kyɛ ho maalɛɛ eŋgane ko ma. 6 Ho niŋe ba paale neŋ sareka nyegree ane faaloŋ sarekare.’ 7 Beŋ la maŋ yelka: ‘Nyɛ! N waɛ la (ba sɛgɛɛ N yɛlɛ eŋ a gane poɔŋ) ka N wa toŋ ho boɔbo, Oo Naaŋmen.’” 10 A tuuro a “boɔbo” ŋa eŋɛŋ la oŋ tu Yezu Krista eŋdaa na oŋ de tere dayeni aŋ baare na eŋɛŋ kyɛ pɛge te teŋ yi velaa zaa. 22 yɛ vɛŋ ka te de sukyiri-pelaa ane sagediibu naŋ paale gaa o nimitɔɔre, bonso o pɛgɛɛ te sukyie velaa zaa a yi zoma naŋ e faa poɔŋ, a de koɔ̃ naŋ e forifori a pɛge neŋ te eŋgama meŋ. 23 Yɛ vɛŋ ka te nyɔge te teɛretɔ na te naŋ manna o yɛlɛ korɔ noba na kpeɛŋaakpeɛŋaa a ta taa bonnoo zaa, bonso neɛ naŋ eŋ a noɔre na eɛ yelmeŋɛ soba. 24 Yɛ e ka te maŋ teɛrɛ taa yɛlɛ, ka lɛ vɛŋ ka te maŋ wulo taa nɔmmo ane tonveɛle, 25 te ta wa zagra ka te maŋ laŋna taa, aŋa lɛ ba mine naŋ e minli, kyɛ yɛ vɛŋ ka te eŋnɛ taa faŋa, a maaleŋ gaŋ a zaa saŋa na te naŋ nyɛrɛ a bebiri naŋ tagra peɛlɛ na. 35 Azuŋ, yɛ ta wa derɛ yɛ sukyirikpagu na lɔɔrɔ bara, bonso a tuuro lɛ eŋɛŋ baŋ na ko yɛ saŋyɔɔ. 36 A fɛrɛɛŋ ka yɛ dire kannyiri, ka yɛneeŋ wa e a Naaŋmen boɔbo baare, yɛ na nyɛɛ yɛlɛ na o naŋ eŋ noɔre na. 37 Bonso “a kyɛre fẽẽ lɛ,” ka “soba na naŋ waana na na ta, o koŋ naare.” 39 Te ba e noba naŋ maŋ nuurɔ gɛrɛ puore a na te kpɛ sããmmo poɔ, kyɛ te taaɛ sagediibu naŋ maŋ faa te nyɔvoɛ.