Gyimisi

7 Azuŋ N yɔɔmine, yɛ dire kannyiri a te ta a Daana waabo saŋa. Nyɛ! A koɔraa maŋ mãã la o meŋɛ a kyɛnlɛ a teŋgane wɔn-sonne na, o maŋ diree kannyiri a weɛ boma eŋɛŋ a te ta saŋa na a seɛ̃kpɛpaalaa saa ane a valeŋvuuluŋ saa naŋ na mi. 8 Yɛ meŋ naŋ kyɛnɛ dire kannyiri; yɛ vɛŋ ka yɛ sukyie e kpeɛne, bonso a Daana waabo peɛlɛɛŋ. 11 Nyɛ! Te na baŋ yeliŋ ka noba naŋ toɔ̃ are yelkpeɛne noɔreŋ taaɛ popeɛloŋ. Yɛ woŋee Gyoob kannyiri diibu, a nyɛ lɛ na Jehoova naŋ vɛŋ ka o yɛlɛ te baare, a vɛŋɛɛŋ yɛŋ wa baŋ ka Jehoova eɛ neɛ naŋ taa nimibaaloŋ ane nembaalonzoe yaga zaa. 14 Neɛ kaŋa beɛrɛŋ yɛ poɔŋ bee? Vɛŋ ka o boɔle a lantaapuoruu nembɛrɛ ka ba wa o zie, a wa puore koo, a de kãã sɔ o Jehoova yuori eŋɛŋ. 15 A puoro ba naŋ puore sagediibu poɔŋ na na vɛmeŋ ka a neɛ na naŋ beɛrɛ na nyɛ laafeɛ, Jehoova meŋ na soŋɛɛ o soba ka o leɛ iri are. Ane meŋ, ba na di la yelfaare na o naŋ e na suuri koo. 16 Azuŋ, yɛ maŋ kyiire yɛ yelfaare korɔ taa, a kyɛ puoro korɔ taa meŋ, ka lɛ vɛŋ ka yɛ toɔ̃ nyɛ sammo. Neɛ naŋ e sontuuro puoro taaɛ kpeɛ̃o yaga.