Urom

12 Azuŋ, N yɔɔmine, N de la Naaŋmen nimimaaroŋ na sɔrɔ yɛ ka, yɛ de yɛ eŋgama tere aŋa sareka vori naŋ e forifori a seŋ neŋ deɛbo a ko Naaŋmen, ka yɛ maŋ tu yɛ teɛroŋ poɔŋ kyɛ de puoruu naŋ seŋ neŋ koroo. 2 Yɛ ta vɛŋ ka a teŋɛzu yɛlɛ wulo yɛ yɛlɛ naŋ seŋ ka yɛ erɛ, kyɛ yɛ leɛre yɛ teɛroŋ ka lɛ vɛŋ ka yɛ toɔ̃ leɛre yɛ eebo kpɛlɛŋkpɛlɛŋ, a toɔ̃ wuli yɛ menne yɛlɛ naŋ soma, a seŋ neŋ, a paale neŋ Naaŋmen boɔbo tuubu eŋɛŋ. 3 N tu la a nimimaaroŋ N naŋ ba seŋ neŋ kyɛ baŋ de ko na eŋɛŋ kyɛ yele korɔ neɛzaa naŋ be yɛ poɔŋ ka, o ta teɛrɛ ka o do yɛŋ yaga a gaŋ lɛ naŋ seŋ neŋ, kyɛ o maŋ teɛrɛ yɛlɛ sori naŋ na vɛŋ ka o taa teɛroŋ naŋ tori, aŋa sagediibu na Naaŋmen naŋ manne ko ba kaŋa zaa na. 9 Yɛ ta de bampuori koŋ bampoɔ yɛlɛ poɔ yɛ nɔmmo poɔ. Yɛ kyiiri yelfaare kpeɛŋaa kpeɛŋaa; yɛ kpimare yelsonne. 10 A yi yɔɔloŋ nɔmmo poɔŋ, yɛ taa nyonono ko taa. Yɛ kaŋa zaa maŋ daŋ de weɛ a eŋnɛ o tɔsoba. 12 Yɛ kyillɛ a teɛretɔroo poɔ. Yɛ dire kannyiri saŋa na yɛ naŋ tuoro dɔgroŋ. Yɛ kpimare puoroo eŋɛŋ. 15 Yɛ maŋ laŋ kyillɛ neŋ noba naŋ kyillɛ; a laŋ kono neŋ noba naŋ kono. 16 Teɛroŋ na hoŋ taa kyaare ho meŋɛ na, mɔɔ kyɛ taa a lɛ teɛroŋ na neŋ o zu kyaare ho taaba; ta de ho teɛroŋ eŋ yelbɛrɛ eŋɛŋ, kyɛ boɔrɔ boma naŋ sigi teŋɛ. Ta wa erɛ ho yɛlɛ aŋa yɛmbaŋna ho meŋɛ nimieŋ. 17 Yɛ ta wa derɛ faaloŋ yaara neɛzaa faaloŋ sane. Yɛ maŋ teɛrɛ yɛlɛ nensaaleba zaa naŋ maŋ de ka a somaŋ. 18 Ka lɛŋ na toɔ̃ nyɛ eebo yɛnee zieŋ, yɛ vɛŋ ka emmaaroŋ be yɛ neŋ nensaaleba zaa kpakyagaŋ. 19 N yɔɔmine N naŋ nɔŋ, yɛ ta wa erɛ yelzaa a yaara sane, kyɛ yɛ yuo sori ko Naaŋmen sutuloŋ na; bonso ba sɛgɛɛŋ ka: “‘Maaŋ la so sane yaabo; N na yaa la a sane,’ lɛ ka Jehoova yeli.” 20 Kyɛ “ka kɔŋ wa kpɛ ho dɔndɔma, koo bondirii ka o di; ka konnyuuriŋ wa kpɛ o, ko o bonkaŋa ka o nyu; ka hooŋ e lɛ, ho na de la vũũ saala naŋ dire dɔgle o zuŋ.” 21 Ta vɛŋ ka faaloŋ zɔɔtoɔ̃ bo, kyɛ naŋ kyɛnɛ derɛ soŋ a zɔɔrɔ toɔ̃nɔ faaloŋ.