De Ho ‘Vooroŋ Soŋ Kyɔɔtaa’ Na Tonɔ Neŋ Toma Velaa

Ka te neŋ te yɔɔmineŋ wa laŋ erɛ yɛlɛ, te poɔ zaaŋ maŋ pɛle neŋ faŋa emmo na teŋ maŋ nyɛ na. Kyɛ ka teneeŋ sereŋ na baŋ soŋ taa, aseŋ ka te maŋ e yelkaŋa. A Baabole de la apoɔsori na teŋ taa ka te maŋ eŋnɛ taa sagediibu faŋa na manne neŋ a ‘vooroŋ soŋ kyɔɔtaa.’ (Uro. 1:11, 12) Sobobo poɔŋ teŋ na baŋ tu a de a kyɔɔtaa ŋa toŋ neŋ toma soŋ?

Maŋ tu ho yelyaga eŋɛŋ a eŋ ho taaba faŋa. Aŋa mannoo poɔŋ, ka hooŋ wa ire yɛlɛ nɔɛ a lammozieŋ, ta maŋ manne ho zemmo yɛlɛ, kyɛbee a wulo ho teɛroŋ. Ana somaŋ ka ho maŋ manna Jehoova, a Baabole, ane o yelmeŋɛ puorebiiri yɛlɛ. Ka teneeŋ te yɔɔmineŋ wa dire dama, ana somaŋ ka te yele yɛlɛ naŋ eŋnɛ faŋa.

Maŋ tu ho gbɛ-deree ane ho yel-eree eŋɛŋ a eŋ ho taaba faŋa. Aŋa mannoo poɔŋ, te yɔɔmine mine bebeŋ a de ba wagre kpoŋ zie zaa tonɔ Jehoova puoruu toma, aneazaa ka ba tuoree yelkpeɛne. Ba mine meŋ toma gaali baŋ, kyɛbee baaloŋ faa kaŋa dɔɔnɔ baŋ, kyɛ baŋ naŋ maŋ mɔɔŋ a wa a daagbuli poɔ lammo.

Tɔɔ, ho maŋ tu la ho yelyelii ane ho yel-eree eŋɛŋ a eŋnɛ ho yɔɔmine faŋa bee? Ho maŋ kyɛllɛɛ velaa saŋa na ho yɔɔmine naŋ wa erɛ yɛlɛ, kyɛbee a yele yɛlɛ ka ba eŋ bo faŋa bee?