CreativeDesignArt/DigitalVision Vectors via Getty Images
YƐ KAARA VELAA!
Ka Lɛ Nemboore Yobo Naŋ Yi Bale Tɛɛtɛɛ Daŋ Na Baŋ Laŋɛɛ Taa A Erɛ Yɛlɛ Emmaaroŋ Poɔŋ?—Bo Ka A Baabole Yel Kyaare A Yɛlɛ Ŋa?
Noba mine teɛroŋ poɔŋ, nemboore yobo naŋ yi bale tɛɛtɛɛ daaŋ koŋ baŋ lantaa a erɛ yɛlɛ emmaaroŋ poɔŋ.
“Ka hooŋ gaa a donɛɛ lombori zaa, noba naŋ wɛlɛ taa zuŋ, a maŋ vɛmeŋ ka yelsɛgree, nensaaleba laŋnoɔre yɛlɛ, ane nensaaleba zemmo yɛlɛ ba nyɛrɛ nimitɔɔre gaabo. Wɛltaa eɛ yɛlɛ naŋ vɛŋ ka emmaaroŋ koŋ baŋ be nemboore yobo kpakyagaŋ.”—António Guterres, UN Secretary-General.
Ka lɛ wagre kaŋa daŋ na taŋ ka nemboore yobo naŋ yi bale tɛɛtɛɛ laŋ erɛ yɛlɛ emmaaroŋ poɔŋ bee? Wala ka a Baabole yeli?
Bo teɛroŋ ka Naaŋmen taa kyaare a yɛlɛ ŋa?
A Baabole wuli teŋ teɛroŋ na Naaŋmen naŋ taa kyaare nemboore yobo naŋ yi bale tɛɛtɛɛ.
“[Naaŋmen] tu la sããkomyeni zie a iri nensaalboorɔ zaa ka ba be a teŋɛzu zie zaa.”—Toma 17:26.
“Pampana ŋa maŋ sereŋ baŋ ka Naaŋmen ba wɛlɛ noba, kyɛ o maŋ sagɛɛ neɛzaa naŋ be teŋɛ zaa poɔŋ a zoroo a kyɛ erɛ yɛlɛ o naŋ boɔrɔ.”—Toma 10:34, 35.
A Baabole wuleeŋ ka nensaaleba zaa yi la booree bonyeni poɔŋ, a kyɛ lɛ wuli meŋ ka Naaŋmen maŋ sagɛɛ nemboorɔ zaa naŋ yi bale zaa poɔŋ.
Boŋ na toɔ̃ vɛŋ ka nemboorɔ zaa lantaa a erɛ yɛlɛ emmaaroŋ poɔŋ?
Naaŋmen Naaloŋ na poɔŋ, nemboorɔ zaa na laŋɛɛ taa a erɛ yɛlɛ emmaaroŋ poɔŋ. Naaŋmen Naaloŋ na eɛ gɔmenante naŋ be sazuŋ. A gɔmenante ŋa na wulee nemboorɔ zaa lɛ baŋ na toɔ̃ e ka emmaaroŋ be ba kpakyagaŋ. Lɛ na soŋɛɛ noba ka ba iri gyogri na zaa naŋ waaneŋ wɛltaa na bare.
“A donɛɛ kpeɛreba na zannɛɛ sontuubu.”—Aizeeya 26:9.
“Sontuubu meŋɛ maŋ waana neŋ la emmaaroŋ, ka sontuubu meŋɛ maŋ la waaneŋ gomeŋɛ ane zeŋ laafeɛ tegitegilɛ.”—Aizeeya 32:17.
Zenɛ ŋa, noba turituri zannɛɛ a Baabole, a Baabole zannoo maŋ toɔ̃ soŋ baŋ baŋ wulo ba taaba gyeremɛ ane emmo.
Ka hooŋ boɔrɔ ka ho zanne yɛlɛ yaga poɔ, kanne Awake! gane naŋ taa a yelzu ŋa, “Is There a Cure for Prejudice?”
Kanne a yelzu ŋa meŋ, “Talking to Children About Racism.” A yɛlɛ ŋa na toɔ̃ soŋɛɛ bidɔgreba ka ba baŋ sori baŋ na toɔ̃ tu ka ba neŋ ba biiri di dama kyaare a yɛlɛ ŋa.