ZANNOO 01
Sobuo Ka A Baabole Na Toɔ̃ Soŋ Bo?
Te yaga zie zaa maŋ boɔrɔŋ ka te baŋ yɛlɛ yaga kyaare te zemmo yɛlɛ, dɔgɛɛ, kũũ, ane te nendaare kaŋa yɛlɛ. Te maŋ la teɛrɛɛ lɛ teŋ na toɔ̃ e sɛgre te bebiri zaa yelfɛree yɛlɛ, aŋa lɛ teŋ na kaara te yideme yelfɛree zieŋ ane lɛ teŋ na toɔ̃ e ka popeɛloŋ be te booree poɔŋ. A Baabole toɔ̃ soŋɛɛ noba yaga baŋ nyɛ soorebie baŋ taa kyaare ba zemmo yɛlɛ nɔɛ iribo, kyɛ a Baabole lɛ taaɛ kawane naŋ na toɔ̃ soŋ te yaga te bebiri zaa zemmo poɔŋ. Ho teɛre ka a Baabole na toɔ̃ soŋɛɛ nensaaleba zaa bee?
1. Boŋ soorebie mine la ka a Baabole iri a nɔɛ?
A Baabole iree soorebie mine yɛlɛ naŋ fɛrɛ te yaga zaa nɔɛ ko te: Soorebie aŋa, wala ka nyɔvore e wa? Nyɔvore tɔnɔ la boŋ? Bonso ka nensaaleba dire dɔgɛɛ? Ka neɛŋ wa kpi boŋ maŋ pɔgoo? Ka neɛzaaŋ boɔrɔ emmaaroŋ, bonso ka zɔɔre yaare zie zaa lɛ? Boŋ na pɔge a teŋgane ŋa nendaare kaŋa? Noba turituri nyɛɛ a soorebie ŋa taa nɔɛ iribo yi a Baabole poɔŋ, azuŋ ho meŋ na toɔ̃ nyɛɛ a nɔɛ iribo yi a Baabole poɔŋ.
2. Sobuoŋ ka a Baabole na baŋ soŋ te ka te taa popeɛloŋ bebiri zaa?
A Baabole maŋ korɔ teŋ kawane naŋ soma. Aŋa mannoo poɔŋ, a Baabole wulee lɛ booree deme naŋ na toɔ̃ e a taa popeɛloŋ meŋɛmeŋɛ. Ka yɛlɛŋ wa gaali te, a Baabole na toɔ̃ soŋ teŋ ka te are a noɔreŋ, a kyɛ lɛ soŋ te ka te de popeɛloŋ tonɔ te toma. Ho na wa nyɛɛ lɛ a Baabole naŋ yel kyaare a yɛlɛ ŋa ane yɛlɛ yaga ka hooŋ moɔ̃ nimiri zanna a gane ŋa. Ho na wa sagediŋ ka “a gaŋsoŋ poɔ yɛlɛ zaa [yelzaa naŋ be a Baabole poɔŋ] taa . . . tɔnɔ.”—2 Timoti 3:16.
A gane ŋa ba e a Baabole. Kyɛ, o na soŋ boŋ ka ho meŋɛ peɛre a Baabole poɔ yɛlɛ soŋ. Azuŋ, te eŋnɛ boŋ faŋa ka ho maŋ kanne a Baabole sɛgre naŋ be a zannoo poɔŋ, a de manne yɛlɛ na hoŋ zanna na.
ZANNE YƐLƐ YAGA POƆ
Ho na zanne nyɛɛ lɛ a Baabole naŋ soŋ noba mine, ane lɛ hoŋ na baŋ e ka a Baabole kannoo noma korɔ bo, ane lɛ a naŋ fɛre ka ho tere sori ka neɛ kaŋa soŋ bo ka ho woŋ a Baabole muni soŋ.
3. A Baabole na toɔ̃ wuli teŋ sori
A Baabole waa ŋa fentelɛ. A Baabole na baŋ wuli teŋ lɛ teŋ na baŋ e a de gbɛ-sonne, a lɛ wuli te yɛlɛ naŋ na e nendaare kaŋa meŋ.
Kanne Yieme 119:105, a kyɛ gyieli a soorebie naŋ tu na yɛlɛ:
Bo teɛroŋ ka a neɛ naŋ sɛge a yieloŋ ŋa da taa kyaare a Baabole?
Bo teɛroŋ hoŋ taa kyaare a Baabole?
4. A Baabole na baŋ iree te soorebie nɔɛ ko te
Pɔge kaŋa nyɛɛ soorebie mine naŋ da dɔnnoo yuomo yaga nɔɛ iribo yi a Baabole poɔŋ. Ŋmɛ a VIDIO, a kyɛ gyieli a soorebie naŋ tu na yɛlɛ.
A vidio poɔŋ, bo soorebie ka a pɔge ŋa da taa?
Sobuoŋ ka a Baabole zannoo da somoo?
A Baabole eŋnɛ teŋ faŋa ka te maŋ soorɔ yɛlɛ. Kanne Matio 7:7, a kyɛ gyieli a soorebie naŋ tu na yɛlɛ:
Bo soorebie hoŋ taa a na baŋ nyɛ a nɔɛ iribo yi a Baabole poɔŋ?
5. A Baabole kannoo na baŋ noma korɔ boŋ
Noba yaga wa nyɛɛ lɛ a Baabole kannoo naŋ noma a seŋ ane tɔnɔ baŋ na toɔ̃ nyɛ yi a Baabole kannoo poɔŋ. Ŋmɛ a VIDIO, a kyɛ gyieli a soorebie naŋ tu ŋa yɛlɛ.
A vidio poɔŋ, bo teɛroŋ ka a baapaalba da taa kyaare boma kannoo?
Aneazaa ka ba da ba boɔrɔ boma kannoo kyɛ bonso baŋ nɔŋ a Baabole kannoo pampana?
A Baabole na baŋ ko teŋ sowuli naŋ na toɔ̃ dii te sukyie a kyɛ ko te tamaa meŋ. Kanne Urom 15:4, a kyɛ gyieli a soorebiri ŋa yɛlɛ:
A sɛgre wuleeŋ ka a Baabole na toɔ̃ ko teŋ sukyiridii ane tamaa, ho poɔ pɛle neŋ la a yɛlɛ ŋa bee?
6. Noba mine na baŋ soŋ teŋ ka te woŋ a Baabole yɛlɛ muni soŋ
Noba mine maŋ kannɛɛ a Baabole ba menneŋ, kyɛ ka ba neŋ noba mineŋ wa zeŋ zanna a Baabole a maŋ soŋ baŋ yaga zaa. Kanne Toma 8:26-31, a kyɛ gyieli a soorebiri ŋa yɛlɛ:
Wala teŋ na baŋ e woŋ a Baabole muni soŋ?—Nyɛ o wɛlbo 30, ane 31 na.
A Etopiya dɔɔ da boɔrɛɛ sommo ka o woŋ a Sɛgre muni soŋ. Zenɛ ŋa noba yaga nyɛɛŋ ka a somaŋ ka ba neŋ neɛ kaŋa maŋ yele a Baabole poɔ yɛlɛ
NOBA MINE MAŊ YELEŊ KA: “Ka neɛŋ wa zanna a Baabole, o wagre oŋ saana.”
Wala hoŋ meŋ na yel? Bonso hoŋ yel lɛ?
A ZANNOO YELNIMIZEERE
A Baabole taa la kawane a kyaare te bebiri zaa zemmo yɛlɛ, a iri soorebie yɛlɛ naŋ fɛrɛ te nɔɛ ko te, a kyɛ lɛ korɔ te sukyiridii ane tamaa.
Bo Hoŋ Zanne
Bo kawane teŋ na baŋ nyɛ yi Baabole poɔŋ?
Bo soorebie mine la ka a Baabole iri a nɔɛ ko te?
Bo hoŋ na boɔrɔ ka ho zanne yi a Baabole poɔŋ?
YƐLƐ MINE NAŊ LƐ BEBE
Nyɛ lɛ a Baabole kawane naŋ na baŋ soŋ te zenɛ.
“Yɛŋ Be La Baabole Wuluu Poɔ Wagre Zaa” (A Watchtower No. 1 2018)
Yɛlɛ yaga da dɔnnɛɛ dɔɔ kaŋa o bibiiloŋ saŋa zaa, nyɛ lɛ a Baabole naŋ somoo.
Kanne nyɛ kawan-sonne a Baabole naŋ korɔ booree deme.
“Yɛlɛ 12 Mine Naŋ Na Toɔ̃ Vɛŋ Ka Booree Deme Taa Popeɛloŋ” (Awake! No. 2 2018)
Nyɛ lɛ a Baabole naŋ wuli neɛ naŋ la a donɛɛ naa meŋɛmeŋɛ.