LEƐ GAA NYƐ
ZANNOO 7
Ta Vɛŋ Ka Ho Eŋɛ Kyoɔre
Baabole Kawane: ‘Ba da moɔ̃ la niŋe a wulo noba a kyɛ moɔlɔ a duorisoŋ.’—Tom. 5:42.
Lɛ Pɔɔl Naŋ Da E
1. Kaa a VIDIO, kyɛbee kanne Toma 19:8-10, a kyɛ pãã gyieli a soorebie naŋ tu na yɛlɛ:
Aneazaa ka noba mine poɔ da ba pɛle neŋ duorisoŋ na Pɔɔl naŋ da moɔlɔ na, kyɛ wala ka Pɔɔl da naŋ kyɛnɛ erɛ a sonnɔ noba naŋ da boɔrɔ a duorisoŋ?
Gbɛre bowala ka Pɔɔl da maŋ leɛ gaa noba naŋ boɔrɔ a duorisoŋ zie? Wala oŋ da maŋ e lɛ a kɔɔre seŋ?
Bo Yɛlɛ Teŋ Na Baŋ Zanne Yi Pɔɔl Zie?
2. A maŋ de la wagre neŋ mɔɔbo yaga ka te leɛ gaa noba zie a te soŋ ba ka te ne ba piili Baabole zannoo.
Tɔglɔ Pɔɔl
3. Leɛre ho yɛlɛ a gaa o soba zie wagre naŋ soma a koo. Soore ho meŋɛ ka: ‘Bo saŋa maŋ na baŋ gaa o soba zie a te pɔgoo? Yeŋ maŋ na baŋ nyɛ o ka N ne o di dama? Wagre buo la na soma koo ka N ne o di dama?’ Ka wagre na o naŋ ko bo naŋ ba soma ko bo, kyɛ hooŋ mɔɔ kyɛ leɛ gaa o zie.
4. Vɛŋ ka o soba wuli wagre hoŋ na baŋ leɛ wa o zie ka yɛ tɔnne a dama diibu. Saŋa zaa yɛŋ wa di dama baare, maŋ vɛŋ ka o soba wuli wagre hoŋ na baŋ leɛ wa o zie ka yɛ tɔnne a dama diibu. Mɔɔ kyɛ de wagre na o naŋ yelka ho leɛ wa na toŋ neŋ toma.
5. Ta wa vɛnɛ ka ho eŋɛ kyoɔrɔ. Ka a naŋ e kpeɛŋaa ka ho pɔge neɛ kaŋa dieŋ, kyɛbee ka o sobaŋ ba taa wagre, ta lonni a teɛre ka o soba ba boɔrɔ a duorisoŋ. (1 Kor. 13:4, 7) Aneazaa ka a ba seŋ ka ho eŋɛ kyoɔre, kyɛ aseŋ ka ho kaara soŋ a de ho wagre tonɔ neŋ toma soŋ.—1 Kor. 9:26.