Sage Jehoova Sommo A Tuuro Puoro Eŋɛŋ

Jehoova la maŋ vɛŋ ka a yelmeŋɛ ti nyaga a kyɛ baa noba sukyieŋ. (1Ko 3:6-9) Azuŋ ka teneeŋ boɔrɔ ka te toɔ̃ toŋ a naaŋ moɔloo toma soŋ, aseŋ ka te dɛle Jehoova ka o soŋ te ane te Baabole zannezanneba na.

Puore sɔre Jehoova ka o soŋ ba ka ba toɔ̃ are ba yelkpeɛne noɔreŋ a kyɛ zɔɔtoɔ̃ a yelkpeɛne meŋ. (Fi 1:9, 10) Vɛŋ ka Jehoova baŋ yɛlɛ na meŋɛ ho naŋ boɔrɔ ka o e ko ba. Puore sɔre ka Jehoova ko bo o vooroŋ soŋ ka o go ho teɛroŋ a kyɛ wulo bo yɛlɛ naŋ seŋ ka ho erɛ. (Lk 11:13) Wuli ba lɛ baŋ na maŋ puore, eŋ ba faŋa ka ba maŋ puoro. Ho na baŋ puore ko oŋ bee ka ho ne oŋ wa puoro, ho na baŋ boɔlɛɛ o yuori a puoro poɔŋ.

KAA A VIDIO ŊA, NYƐ POPEƐLOŊ NAŊ BE A YEZU POTUURIBO LEƐROO TOMA POƆŊ​—SAGE JEHOOVA SOMMO​—PUORU, KYƐ PÃÃ IRI A SOOREBIE ŊA NƆƐ:

• Bo yelkpeɛŋaa ka Neeta da tuore saŋa na o neŋ Jade naŋ da zanna na?

• Sobuo ka 1 Korinti 3:6 da toɔ̃ soŋ Neeta?

• Sobuo ka Neeta da toɔ̃ zɔɔtoɔ̃ a lɛ yelkpeɛŋaa na?