Soŋ Ho Baabole Zannezanneba Ka Ba Zɔɔtoɔ̃ Gyogidɛgɛ

Noba naŋ e forifori ba yel-erre poɔ yoŋ la ka ba neŋ Jehoova na toɔ̃ taa niiloŋ naŋ soma. (1Pi 1:14-16) Ka a Baabole zannezannebaŋ wa toɔ̃ bare gyogidɛgɛ, a na waanɛɛ zeŋ laafeɛ ba booree poɔŋ, a ko ba laafeeloŋ, ba koŋ de ba libie sããna bara meŋ.

Wuli ba Jehoova bege na ka a pɛle, a wuli ba ananso o naŋ ko te a bege ane tɔnɔ baŋ na nyɛ ka ba naŋ tuuraa. Mɔɔrɔ ka ho soŋ ba ka ba leɛre lɛ ba naŋ maŋ teɛrɛ yɛlɛ, lɛ na soŋ baŋ ka ba leɛre ba eebo meŋ. (Ef 4:22-24) Vɛŋ ka ba baŋ ka, Jehoova sommoŋ ba na toɔ̃ zɔɔtoɔ̃ la gyogidɛgɛ naŋ be ba eŋɛŋ kɔɔre na. (Fi 4:13) Wuli ba ka ba maŋ koŋ sɔre Jehoova saŋa na baŋ tuoro pigrinyɛ ka ba e yelfaa kaŋa na. Soŋ ba ka ba baŋ ziiri mine pigrinyɛ naŋ na baŋ yi wa, ka lɛ vɛŋ ka ba tage ba menne yi be. Eŋ ba faŋa ka ba de yelsonne eebo a leɛre neŋ yelfaare eebo. Ka teneeŋ wa nyɛ lɛ Jehoova naŋ sonnɔ te Baabole zannezanneba baŋ leɛre ba eebo na, te poɔ zaaŋ maŋ pɛle.

KAA A VIDIO ŊA, SOŊ HO BAABOLE ZANNEZANNEBA KA BA ZƆƆTOƆ̃ GYOGIDƐGƐ, KYƐ PÃÃ IRI A SOOREBIE ŊA NƆƐ:

• 

  Sobuo ka a lantaapuoruu nembɛrɛ ane Neeta da wuli ka ba sagɛɛ Jade di?

• 

  Wala ka Neeta da lɛ e a soŋ Jade?

• 

  Sobuo ka Jade da bɔ sommo yi Jehoova zie?