KRISTABIIRI ZEMMO YƐLƐ
Pekyeeneba Naŋ Tonɔ Tonsonne A Kaara Jehoova Peere Na Zu Velaa
Noba yaga ba maŋ dɛle noba naŋ e nembɛrɛ ba zuŋ. A ba e te seɛlee, bonso nensaaleba zemmo zaa poɔŋ, kpeɛ̃o deme maŋ de la ba kpeɛ̃o na erɛ ba taaba nimikuonii. (Mai 7:3) Kyɛ, te poɔ pɛlɛɛŋ yaga zaa Jehoova naŋ wuli a lantaapuoruu nembɛrɛ ka ba maŋ de kpeɛ̃o na baŋ taa na sonnɔ o puorebiiri na.—Es 10:3; Mt 20:25, 26.
A lantaapuoruu nembɛrɛ neŋ noba naŋ taa kpeɛ̃o a donɛɛ poɔŋ ba yitaa fẽẽ zaa, bonso a lantaapuoruu nembɛrɛ tonɛɛ ba toma na ba naŋ nɔŋ Jehoova ane o puorebiiri na zuŋ. (Gyn 21:16; 1Pi 5:1-3) Yezu maŋ de la sowuli ko a pekyeeneba ŋa baŋ sonnɔ a naaŋ moɔleba zaa baŋ nyɛ ka ba meŋ poɔ la Jehoova puorebiiri na poɔŋ, a kyɛ lɛ sonnɔ ba baŋ tagra peɛlɛ Jehoova meŋ. Ba maŋ lonneŋ wieoŋ a eŋ a peere faŋa, a kyɛ lɛ soŋ ba saŋa na yel-uri kaŋa naŋ wa pɔge ba, kyɛbee saŋa na baŋ wa tuore saammo kpoŋ kaŋa. Ka hooŋ boɔrɔ sommo, yelko a lantaapuoruu neŋkpoŋ kaŋa naŋ be ho lantaapuoruu na poɔŋ.—Gyi 5:14.
KAA A VIDIO ŊA, PEKYEENEBA NAŊ SEREŊ KAARA NAAŊMEN PEERE NA ZU VELAA, KYƐ PÃÃ IRI A SOOREBIE ŊA NƆƐ:
Bo tɔnɔ ka Mariana nyɛ yi sommo na a lantaapuoruu nembɛrɛ naŋ da de koo na poɔŋ?
Bo tɔnɔ ka Elias da nyɛ yi sommo na a lantaapuoruu nembɛrɛ naŋ da de koo na poɔŋ?
Saŋa na hoŋ wa kaa a vidio baare na, bo teɛroŋ hoŋ taa kyaare toma na a lantaapuoruu nembɛrɛ naŋ tonɔ na?