Yɛlɛ Naŋ Na Baŋ Soŋ Bo Ka Ho Are Daŋkyagre Noɔreŋ

Kanne Munpiilee 37:23-28; 39:17-23 a zanne yelkaŋa yi Gyoosɛf zemmo yɛlɛ poɔŋ a kyaare lɛ oŋ da e a toɔ̃ are daŋkyagre noɔreŋ.

Gyieli a sɛgre poɔ yɛlɛ soŋ. Boŋ da vɛŋ ka Gyoosɛf da tuore daŋkyagre? (Mun. 37:​3-11; 39:​1, 6-10) Wala oŋ da are a daŋkyagre noɔreŋ kɔɔre seŋ? (Mun. 37:2; 41:46) A lɛ saŋa na, boŋ ka Jehoova da e ko Gyoosɛf, ka bo yɛlɛ Oŋ da ba e koo?​—Mun. 39:2, 21; w23.01-E 17 wɛl. 13.

Peɛre a yɛlɛ gaa tɔɔre. Aneazaa ka yɛlɛ na Pɔtifa pɔge naŋ da yelkyaare Gyoosɛf na da ba e yelmeŋɛ, kyɛ a Baabole ba yelka o da yeleeŋ ka zirii la ka Pɔtifa pɔge ŋmaara. Sobuo ka a sɛgre ŋa naŋ tu na na baŋ soŋ te ka te baŋ bon nanso aminekaŋaŋ Gyoosɛf naŋ da ba yel yelzaa, bee ananso a Baabole naŋ ba yel yɛlɛ yaga a kyaare a yɛlɛ ŋa? (Yeng. 20:2; Gyn. 21:25; Tom. 21:37) Bo gyogri mine la ka Gyoosɛf da taa aŋ da somoo oŋ toɔ̃ are a daŋkyagre noɔreŋ?​—Maik. 7:7; Luk. 14:11; Gyi. 1:2, 3.

Bo yɛlɛ hoŋ na baŋ zanne. Soore ho meŋɛ ka:

• ‘N naŋ e Yezu potuuro na zuŋ, bo daŋkyagre aŋ seŋ ka N kaara soriŋ ka N na tuoreŋ?’(Luk. 21:12, 16, 17; Hib. 10:33, 34)

• ‘Bo yɛlɛ maŋ na toɔ̃ e pampana ŋa ka a soŋ ma ka N toɔ̃ are daŋkyagre noɔreŋ nendaare kaŋa?’ (Yiem. 62:7, 8; 105:17-19; w19.07-E 2-7)