Yezu Na Vɛŋeŋ Ka Zɔɔre Baare

Saŋa na Yezu naŋ da be a teŋɛzuŋ na, o da wulee nɔmmo naŋ e zuluŋ a ko noba. O gba da yi la o sukyiriŋ a de o nyɔvore iri neŋ sareka ko nensaaleba. (Matio 20:28; Gyɔɔn 15:13) A koŋ kɔɔre, o na lɛ wulee lɛ na oŋ nɔŋ nensaaleba aseŋ saŋa na oŋ na de kpeɛ̃o na oŋ taa aŋa Naaŋmen Naaloŋ na Naa a vɛŋ ka “zɔɔre baare a tendaa lombori zaa” na.​—Yieme 46:9.

Nyɛ lɛ na a Baabole naŋ wuli yɛlɛ na Yezu naŋ na e:

• “O na faa la nandaaneba naŋ kono boɔrɔ sommo na, O na deɛ la nembaalba meŋ ane noba na naŋ ba taa sonnɔ na. O na zoe nembaalba ane nandaaneba nembao, O na faa la nandaaneba meŋ nyɔvoɛ. O na deɛ baŋ yi dɔgrebo ane kpaŋkpaŋkpeɛ̃o toma poɔŋ.”​—Yieme 72:12-14.

Wala teŋ na baŋ e a wuli te nimipa ko yɛlɛ na Yezu naŋ e ko te ane yɛlɛ na oŋ na e nendaarekaŋa na? Sori na kaŋa teŋ na baŋ tu kyɛ e lɛ la teŋ na zanne yɛlɛ yaga a kyaare “Naaŋmen naaloŋ na duorisoŋ na yɛlɛ,” ana la ka Yezu da moɔlɔ a yɛlɛ na. (Luka 4:43) Kanne a zannoo yɛlɛ ŋa “What is the Kingdom of God?” [Boŋ la Naaŋmen Naaloŋ Na?]