Yezu Na Vɛŋeŋ Ka Yelfaare Zaa Baare

Yezu baŋɛɛ lɛ na aŋ maŋ beɛrɛ aseŋ saŋa na teŋ wa tuoro yelfaare ane dankyagre. Noba da ŋma la zirii tuo Yezu, a tu sori naŋ ba seŋ neŋ poɔŋ a ŋmɛ o, a ŋmaa o sɛrɛɛ daŋkyagre soriŋ a yelka o deme kyebe. A baaraa zaa ba dɔgrooŋ yaga a kyɛ ko o. Yezu da ba e yelfaa zaa, kyɛ o da yi la o poɔ zaa a de “o nyɔvore yɔɔ de ne neŋyaga.” (Matio 20:28; Gyɔɔn 15:13) Pampana ŋa, Yezu la Naaŋmen Naaloŋ na Naa. A koŋ kɔɔre, o na vɛŋeŋ ka dantorii be a tendaa lombori zaa. O na vɛŋeŋ ka yelfaare meŋ baare kpɛlɛŋkpɛlɛŋ.​—Aizeeya 42:3.

A Baabole wulee lɛ na a donɛɛ naŋ na waa saŋa na Yezu naŋ na dire naaŋ kaara a teŋɛzu na:

• “Neŋfaare koŋ la bebe; ho na gaa la zie na ba naŋ be na, kyɛ ba koŋ la bebe. Kyɛ noba naŋ sigri ba menne na zeŋ la a teŋgane ŋa zuŋ, ba na wono la noɔ̃ yaga zaa emmaaroŋ gaalii poɔŋ.”​—Yieme 37:10, 11.

Wala teŋ na baŋ e a de wuli ka te niŋe paalɛɛ yɛlɛ na zaa Yezu naŋ e ko te na, ane yɛlɛ na zaa oŋ naŋ na e ko te na? Sori na kaŋa teŋ na baŋ wuli nimipa la ka te zanna yɛlɛ yaga kyaare “Naaŋmen Naaloŋ duorisoŋ,” na. Ana la duoro Yezu naŋ da moɔlɔ. (Luka 4:43) Kanne a zannoo yɛlɛ ŋa “Boŋ La A Naaŋmen Naaloŋ?”